اخطاء من منزلي ............
هذي يا بنات بعض الاخطاء الي واجهتنا بعضها يتصلح وبعضها ما لها حل . قبل عمل اي شي نصيحه فكرو زين وشاورو اهل الخبره لا تصيرون زينا مسوين فاهمين وهذا بيت العمر خساره شقى سنين بس يا الله عفوك ومعافاتك ومن ها الاخطاء ما يلي ........................
http://im19.gulfup.com/2012-02-06/1328561889251.jpg http://im19.gulfup.com/2012-02-06/1328561893142.jpg http://im19.gulfup.com/2012-02-06/1328561896403.jpg |
الصوره الاولى شوفو الغلط وين . مكان التكييف المفروض ان له فتحه خاصه فوق هذا الشباك لان هذا الشباك مقفل اصلا مجرد اضاءه للدرج غلطه وندمنا عليها .............
ثانيا الصوره الثانيه شوفو هذا مدخل التكييف مارا با المقلط الى الصاله وهذي الكوع للدكت التكييف تعبت ابي ديكور او حل له مالقيت وندمت اني حطيت دكت اصلا يا ليتني اكتفيت با السبيلت وبس الصوره الثالثه دكت نازل من السطح وغطى الشبابيك وماله حل لانه مفصل تفصيل ومثبت بمكانه بس قلت بكبفه خلاص تعبنا لان هي شبابيك دورات المياه وصار الحمام مظلم شويه احيانا المكان يجبرك |
استنو علي بنات ابكمل البلاوي الباقيه لاتردون حتى انتهاء التحميل
|
http://im19.gulfup.com/2012-02-07/1328564075481.jpg
وهذي يا بنات حطيناها فوق الباب ولا فصلنا لها قرميد او حاجه ثانيه فاصبحت رف لتجمع الاوساخ والقذرات http://im19.gulfup.com/2012-02-07/1328564077272.jpg وهذا باب المطبخ الخارجي بس صغرنا عرض الباب وغلطنا ليتنا كبرناها وصار الباب لازم يفتح على برا وغطى شباك المطبخ وعطاك منظر غلط وسيء ولو خلينا الباب يفتح على جواء ما نقدر اندخل الثلاجه والفريزر |
http://im11.gulfup.com/2012-02-07/1328564647581.jpg
هذي يا بنات افياش المطبخ الخارجي ما انتبهنى للعامل وركبها نازله مره يعني كيف بيكون دولاب المطبخ اكيد بتتغطى الافياش جواء ما ادري وش الحل http://im11.gulfup.com/2012-02-07/1328564649682.jpg وهذا بنات مدخل المطبخ الخارجي له بابين وهذا خليته اقرب لملحق الخارجي المشب اقرب من الدوران على الفله بس ندمت اني صغرته الواحد لو يصير معه صينيه ما يقدر يعدي منها خخخخخ بيت نمل حشى |
بنات ادعو لي با التساهيل ساعه احمل الصور لعيونكم اخاف يصير لكم مثلي
|
يا حبوبات الله يسهل عليكم دايم ادعو ربكم ان ها البيوت تكون لنا عونا على طاعته وذكره وشكره وحسن عبادته وادعي وقولي اللهم اسكنى مساكن الصالحين وابعد عنا عيون الحاقدين الحاسدين واجعنا فيه من القانعين
بنات نصيحه من اخت محبه اذا جاكم احد مهب لازم تدورون البيت يشوفون كل شي الناس والله ما تعطي خير حتى الي الله منعم عليهم . لاتقولون متشائمه بس للاسف هذا الي واجهني من اقرب القريبين لي . وش يدريهم ان ها البيت شقى عمرك انتى وزوجك يحسبونه جايك با الساهل .حافظو على وردكم والله خير حافظ وهو ارحم الراحمين |
الف الف شكروجزاك الله خيرالجزاء على حب الخيرللجميع
وبالنسبه للاخطاء مافي شي يجي كامل لاتزعلين عليها الدنيا ماتسوى الله يبارك لك في بيتك واهلك ويصرف عنك شر النفوس الضعيفه والحاسدين ومنزل مبارك بطاعة الرحمن |
مشكورة عمرى ع النصائح وبحطها بعين الاعتبار
واتمنى من البنات يحطون نصائحهم علشان نستفيد ومانقع فيها فى ميزان حسناتك يارب |
ومثل ماقالت حلم مافى بيت يخلو من الاخطاء
وان شاء الله تسكنينه وانتى بصحه وسلامه يارب موفقه |
لايضيق صدرك حبوبه قضاء وقدر وماي بيتك خالي من العيوب والاخطاء وع قولته العوضولا القطيعه اهم شي بيت ملك لك ولعيالك ولزمن والله يجزاك خير ع النصيحه وفعلا العين حق والرسول صلى الله عليه وسلم حذر منها وماينطق عن الهوى والله يعوض امرك خير يارب
|
جزاك الله خير على الصور والنصائح والله يعطيكم خير هالبيت ويكفيكم شره ومافيه بيت خالي من العيوب والاخطاء حتى البيوت الي ماسكينها مهندسين ومشرفين
|
قضي البصر عنها و بيتك مثل كل البيوت مهما تشطرتي لابد ما يكون فيه اخطاء وانا وحده مثلك هذا ولسى ما سكنت و في حاجات قاهرتني جدا و الحمد لله و اللشكر على ما انعمه ربي وجعله بيوت عامره بذكر الله و يارب يبعد عنا عيون الحاسدين ويكفينا شرهم صدقتي والله وانا من بدينا ببنيان البيت و انا ما ني صاحيه من عله لعله و حتى قدامنا مبين عليهم الحسد هلك منك وفيك استغفر الله
|
امي قلبي
جعله منزل مبارك عامربذكرالله سبحان الله مهما كناحريصين لابدمن الخطا افياش الكهرباء سهله الكهربائي يرفعهالك هذي غلطه منه مكان الافياش في المطبخ الكل يعرف ارتفاعها الباب الى يفتح على الشباك اقلبيه وخليه يفتح على الجهه الثانيه ومشكوره على حرصك على موضوعك الرائع |
جزاك الله خير
والله يسهل امركم وكل مسلم ومشكوووره عالنصايح والبيوت لابد من الاخطاء |
الله يسهل أمركم ويعينكم
مافي شي كامل الأخطاء وارده بس اهم شيء إصلاح قدر المستطاع اللي مانقدر نتركهااا ع حالها |
منزل مبارك الله يجعله مقدم الخير والسعادة عليكم والأخطاء واردة عند الجميع أهم شئ يطلع الواحد ببيت ملك أهلكنا الاجار
وجزاك الله خيرا على النصايح ومشكورة على الموضوع |
جزاكم الله خير يا حبيبات قلبي وارجو من الاراده تثبيت الموضوع حتى تعم الفائده اكثر ولا استغني عنكم لو ادرجتم اخطاء منازلكم حتى يستفيد الكل وفقكن الله وبارك الله لكن في اولادكم واعماركم ومنازلكم
|
شكراً
وجزاك الله خيرالجزاء على حب الخير والاخطاء مافي شي يجي كامل الله يبارك لك في بيتك واهلك ويصرف عنك شر الحاسدين ومنزل مبارك بطاعة الرحمان |
قلوبه
والله من الاخطاء لا يضيق صدرك فيه احد اجل تمديد الصحراوي فوق باب العائله هذا بتنا فيه احد على شدة حرصه ودهااااره وكل يوم رايح ومع السباك خطوة خطوة فيه اخطاء بالحمامات تجيب المغص القشة التي قصمت ظهر البعير عندي فيه بيت نسى يحط تكيف في غرفة الملابس حقت البنات حنى فيه احد افياش العطاااس حق الخزان ارفع من الارض بشبر حنى وخوذي وخلي هذا الي تذكرت على عوجالة ولا ترى البد واتناااسى والكمال لله معوضين ان شاء الله حبيبتي |
هلا قلوبه
منزل مبارك الله يعطيك من خيره ويصرف عنك شره اقري صورة البقره بمويه مع الرقيه الشرعيه وحطيها فبخاخ رشاش ورشي البيت فيها امي الله يحفظها مسويه هدي الطريقة لماسكنت فبيتها والله هو الحافظ وكلامك صحيح المشكله فيه ناس مرا تمون عليك وقريبين كثير لابد انهم يشوفون البيت ويلفونه نواياهم حسنه بس العين حق وبالنسبه للاخطاء والله عندي كثير عدي واغلطي الله يبارك لك فييتك ووزوجك وعيالك وجزاك الله خير على النصيحه |
السلام عليكم ورحمة الله وبركاته
ما شاء الله صايره مبدعه ...الله يحفظك افياش المطبخ هذي يكسرون ويرفعونها ببساطه سويناها |
وسعي صدرك والله يبارك لكم فييه ويجعله بيت هنا وسعاده
والافياش عندي فيشين كانت خلف الدواليب والكهربائي سحب سلك وطلعها وحطها في علبها خارجيه علبة ديكور وماشي الحال |
امي قلبي
والله كلنا مثلك اغلاط في اغلاط اقول لزوجي احيان لو جاب سعر بيعه واذا تذكرت التعب اهووون الحمدلله اللي رزقنا ببيوت ملك و استمتعنا ببنائها لحظه بلحظه صح متعبه بس بعدين بنحسس بلذتها ان شاء الله الله يفرحنا ببيوتنا يارب و نسكنها |
الله يسهل أمركم ويعينكم
|
مشكوره على التنبيهات فعلا زي ماقالوا البنات لايخلو اي بيت من
الاخطاء واحيانا بقدر الواحد انه يتفاداها وفي اخطا لابد انك تسلم بها |
جزاك الله خير واهم شي العافيه وتتهنون فيه باذن الله
|
جزاك الله خير ومافيه شي كامل والكمال لله سبحانه وتعالى
والعين حق بس حافظو على الاذكار والتحصين واستودعي الله |
ما شاء الله قلبوبه الله يتمم لكم على خير وياشخة كثر خيركم هذى اول تجربه لكم بالبناء ومافيه احد معصوم من الاخطاء لكن حلو نبهتينا علشان نتفادهن بالمستقبل
لكن افياش المطبخ با امكانك انك تخلين الدولاب نازل شوى بحيث يطلعن الافياش ثمن تكملين باقى الدولاليب بالمقاس المتاعارف عليه لكن يكون نزول الدولاب بشكل جمالى يخدمك وبنفس الوقت يعطى جمال لمطبخ اتمنى لفكرة وصلت |
اخطائي
1- صغر الحمامات 2- سوؤ توزيع المواد الصحيه 3 -تصغير المطبخ الخارجي وتكبير الداخلي 4- تونا خلصنا شبابيك حطيت الي فوق دبوس وعازل وكاني متندمه بس اقول وش الجمال الخارجي ولا الطبيعه بنشوف الا استر في الليل ماتقولين ستاره مفتوحه ولا مسكره ( وحده تقنع نفسها |
امي بفلبي لاتتكدرين ولا تحزنين ولا تحسفين اللي انجزتيه ماشاء الله بالعكس اهنيك عليه ومسالة الاغلاط كلنا غلطنا غلط شنيع بس ماننياس الحل المثابره والتفاؤل دايما وحاولي تجعلين السئ بنظرك احلى شي والله يتمم عليكم ويبعد عنكم الحسد ويجعل سكنكم عامر بطاعته وبالنسبه للافياش عادي كله تكسيرة بلاطتين وتمديد للاعلى وانتهى الموضوع اما للبرنيطه اللي على الباب انصحك بعمل قرميد حتى لا تكون مكان لتعشيش الحمام
وحبيت اسالك باب الخارجي المفروض لا يقل عن 90 |
منزل مبارك مقدما والله يعطيك خيره ويكفيك شر الحساد ان شاء الله
عن نفسى مهما كانت الاخطاء المهم انه بيت ملك وكل شى يهون باذن الله |
مشكوره على النصائح وإنشاء الله ننتبه منها جزاك الله خيرا
|
امي قلبي ..
بالنسبة للمستطيل الزايد حق دكت التكييف اللي صار نازل عن مستوى الجبس في الغرفة .. حله انكم تنزلون الجبس دور مادار الغرفة على مستوى هالمستطيل .. يعني بتنزل إنارة السبوتات شوي . المضلة فوق الباب أنتم فيها ركبوا القرميد .. أفياش المطبخ يسحب منها الكهربائي سلك ويحط لها علبة خارجية .. وان كان عندكم باقي من البلاط كسروا هذا وضبطوا الامور ثم بلطوا الجدار مرة ثانية . الباب حق المطبخ اللي ينفتح على برى ويغطي الشباك .. خلوا فتحته على الجهة الثانية . والله يعين الجميع على الأخطاء.. ويكفيهم شر الحاسدين . |
الأخطاء واردة في كل بيت
|
يا قلبي انت
ما شاء الله ربي يبارك فيه ويسعدك وتتمهلين فيه ولا يضيق صدرك وان شاء الله ما صار لك هذا الا خيره ويكفيك ربي شر بيصير لك احمدي الله على كل حال تصدقين صارت لي اخطاء في بيتي وكنت ابكي من القهر عليها كنت اتمنى بيتي يصير جنه ههههههه بس الحمد لله ع كل حال اهم شي عندنا بيت وسبحان الله نفس فكرتي ما راح افرج الناس ع كل بيتي انت اثتت بيتك |
حتى بعد السكن لنا اربعه اشهر وحنا نصلح عزل واكواع دوراه المياه وابواب سيئه ورديئه وووووووالاثاث ما نفكر فيه والبيت كذا لازم يتصلح فيه امور ما تتغاضين هنا ابدا بس يا الله العفو والعافيه يا كريم
|
قلوبة
لا تنكدين ع نفسك عشان دنيا ...الحمدلله ان البيت ملك وهذه نعمه عظيمه ...والاغلاط والله ما في احد سلم منها بس الشكوى لله...يا طلعت لنا اغلاط ماتتخيلينها وكسرنا في البلاط وفي السباكة لين قلنا بس .. وكل ما انهينا شغله طلعت لنا شغله بس لابد نحمد الله في كل الاحوال والاثاث كلنا مانفكر فيه الا بعد الاستقرار اساسا التكسير لوحده ميزانيه وبعدين الاثاث حبه حبه..واكيد ان الخيره فيما يختاره الله عسى ان تكرهوا شيئا وهو خير لكم . |
1.افياش المطبخ ( يمكن ان تكسر عدد 3 من البلاط وترفع الافياش قبل تركيب المطبخ )
2.اما باب المطبخ ( يمكن تركيبه على ان يفتح في الاتجاة الاخر من اليمن الى اليسار ) |
جزاك الله يا قلبي..
وربي يثيبك على النصايح، و مقدرين تعبك في رفع الصور. ربي يجزاك الجنة. |
الساعة الآن 01:23 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010