|
المصاعد الخارجية .. ما رأيكم ؟
سلام عليكم .. تكفون الفزعة يا جماعة الخير ..
عندي رغبة في تركيب مصعد خارجي لأن بيتي صغير ومفتوح وما فيه غرف تحت .. وإنما مساحه مفتوحة فيها مجلس النساء والصالة والدرج جاء في الصالة .. يعني لو فيه حريم لازم أمر من عندهم ... وهذي مشكلة عشان كذا فكرت في مصعد خارجي ولقيت شركة اسمها ( المصعد الذكي ) يقولون إنها سويدية ، ضمان سنة ، وأظن أنكم سمعتم عنه : بعض الملعومات على هذا الرابط : http://www.e3lanat.info/smart.htm ما رأيكم ؟ وش أهم العيوب أو الملحوظات التي يمكن أن أسأل عنها .. المفروض أبت فيالموضوع خلال يومين بالكثير .. تكفون وفقكم الله أفيديوني .. |
افاااا
ما فيه أحد عنده خبر او خبرة بهذا الموضوع ؟!! فضلا مهندس ماجد أفدنا برأيك .. |
نفس سؤالي ..نحتاج لمصعد في البيت لكن المساحه اللي مخلينها ماتساعد
افيدونا عنه يااصحاب الخبره والتجربه:) |
اهلين اخوي انا قرات عنه وكنت ناويه اعمله بالبيت عندي بس كنسلناه اللي اعرفه تكلفته عاليه جدا 100 الف ويزيد
|
هلا بك أخي الكريم مبدئياً لا أرى فيه التحمل والجودة مقارنة بالمصاعد التقليدية كم التكلفة المادية لهذا النوع شاملاً التوريد والتركيب ليتم على ضوئه طرح إيجابيته أو العكس والبدائل المتاحة بنفس التكلفة |
شكرا للجميع على تفاعلهم وبالاخص مهندسنا القدير ..
هو نوعين زجاجي او عادي .. الزجاجي قرابة 120 ألف .. والعادي 85 أللف .. وفيه إضافات معينة علىالاثنين توصل بحدود 10.000 ريال .. انا طلبت الثاني وكلفني بالإضافات 100 ألف وألف .. لأن زادوا علي 6 آلاف لأن مدخل المصعد من جهة وخروجه من جهة أخرى غير مقابلة فحسبوا تكلفة .. ضمانه سنة واحدة شاملة .. ثم بعدها عقد سنوي بقيمة 3500 ريال يشمل زيارة شهرية تفقدية .. بعد توقيع العقد هناك فترة 4 أشهر لتوريده من السويد حسب المقاس . هو مطابق للمواصفات والمقاييس الأوربية والسعودية .. وكيله اليابس صاحب مصاعد متسوبيشي .. سألت واحد مركبه في بيته من حوالي سنة قال معقول .. ولكنه بطيء مو مثل المصاعد العامة + أنه مع غبار الرياض ربما يوقف ووقف معاه 3 او 4 مرات .. بس يجون فورا يصلحونه + انه لو وقف فيك فإن فيه بطارية توصلك للأمان نزولا او صعودا .. انا ما عندي بدائل أخرى إلا الدرج لو ما نفع المصعد .. وهو بصراحة عندي مو ضرورة ولكنه مسألة حاجية + تكميلية .. لأن بيتي مفتوح ولو جا ضيوف نساء صار نوعا ما قلق .. مع ان عندي ملحق نسائي يضف الى 10 حريم وما رح يكون فيه مشكلة عشان كذا قلت حاجية مو ضرورة .. فما رأيكم .. دام فضلكم :) وعذرا على الاطالة .. |
هلا بك إذا بالإمكان استحداث موقع جانبي لإنشاء مصعد خرساني فهذا أفضل لك بكثير وإذا الموضوع متوقف على مسألة تواجد الضيوف فالأمر لا يحتاج لإيجاد مصعد بالمنزل لهذا الغرض البسيط خاصة أن وجود الضيوف لا يكون يومياً أو أسبوعياً والرأي لك تحياتي |
الله يوفقك
كلام في الصميم بصراحة هونت وصرفت النظر بحكم غلاء السعر .. والأعطال .. يعني غلاء ومشاكل .. وهونت ولله الحمد وأحس إني مرتاح .. وفقك الله أبو إبراهيم .. |
تصفحت بعض المواقع الاجنبية فوجدت ان هناك حل اخر وهو stairleft او الكرسي المصعد يوضع على الدرابزين او على جدار الدرج ويتم تشغيلة واستدعاءه بتلريموت كنترول ويكلف حدود عشرين الف راسلتهم وقام احدهم من السعودية بتلاتصال بي ولازلت ابحث عن حل افضل
|
اقتباس:
المشاركة الأصلية كتبت بواسطة ابن عتيق http://llbf.com.sa/vb/images_llbf/buttons/viewpost.gif تصفحت بعض المواقع الاجنبية فوجدت ان هناك حل اخر وهو stairleft او الكرسي المصعد يوضع على الدرابزين او على جدار الدرج ويتم تشغيلة واستدعاءه بتلريموت كنترول ويكلف حدود عشرين الف راسلتهم وقام احدهم من السعودية بتلاتصال بي ولازلت ابحث عن حل افضل اخي ابن عتيق الله يوفقك واتمنى ان لاتبخل علينا بما ستتوصل اليه وذلك للفائدة |
انشاء ابراج حديدية وخرسانية للمصاعد الخارجية والداخلية
السلام عليكم ورحمة الله وبركاته
نحن نقوم بانشاء جميع الابراج الخاصه بالمصاعد الكهربائيه بافضل الخامات وباقل الاسعار مميزاتنا 1- جودة عالية ودقة بالتركيب باشراف مهندسين متخصصين. 2- ضمان كامل للبرج بيت المصعد 3- سرعة في التنفيذ 4- نقو م بانشاء الابراج باقل الاسعار . اتصل يصلك مندوب خلال ساعات للموقع كما انه يوجد استشارت هندسية لآلية عمل المصعد وامكانيات تركيبه للتواصل يرجى الاتصال على جوال رقم 0581228202 م/ اشرف حسان يسرنا خدمتكم ويسعدنا اتصالكم |
| الساعة الآن 09:06 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010