|
المقاول ماحط جسر لصاله المفتوحه هل فيه خطوره
السلام عليكم
الله يكتب اجركم في مجهودكم معنا امس رحت للفيلا وشفت الصاله والمطبخ مافيه لها جسر لان المطبخ مفتوح باالكامل والدور الثاني فيه اعمده مزروعه هل فيه خطوره طبعاً هذا كله انا اسمعه ولاني فاهمه منه شي مثل عمود مزروع ساقط وهل الجسور مهمه وفيه خطوره اذا الغيت وبعد الاخطاء الي يشيب لها الراس في بيتنا قررت انزل صور لتسليح الاساسات والدور الارضي والدور الاول والملحق اذا فيه اي ملاحظات او خطوره من الغى جسر الصاله تسليح الاساسات http://i.imgur.com/HlFHy.jpg تسليح الدور الارضي http://i.imgur.com/pEg5t.jpg تسليح الدور الاول http://i.imgur.com/cjTcu.jpg تسليح شقه في السطوح http://i.imgur.com/GIXf9.jpg |
مخطط الدور الارضي http://i.imgur.com/AJcmj.jpg
|
وبنسبه للمطبخ المقاول يقول مافيه جسر في المخطط
انا اشوف ان المقاول عارف انا مو فاهمين شي في شغل التسليح و اول تجربه بناء لنا فماخذ راحته. يحرف ويألف علينا واحنا محتارين صادق ولا يصرف * |
المفروض انكم تجيبون مهندس يطابق المخطط مع عمل المقاول في كل مرحله قبل صب الخرسانه لان المقاول اذا عرف ان فيه مهندس بيجي يشوف تسليحه راح يطبق المخطط صح. وطلعت المهندس ب ٢٥٠ الى ٣٠٠ في كل طلعه يعني في العظم كله يمكن يكلف طلوع المهندس من الف وميتين الي الفين با الكثير. وريحو انفسكم. بعدين الغاء جسر اشوفه غلط اذا كان في بحر كبير. يعني مساحة الصاله كبيره.
|
والله جايبين مهندس.
وقبل كل صبه يطلع وقد طلع لنا مرتين وياخذ ٣٠٠ لا احنا فلتين جنب بعض حتى اخذنا مهندس غير الي سوا المخطط علشان يكشف لنا عيوب المهندس بعد وفعلن لقا ان المهندس حاط عرض سقف الدور الاول ٣٢ والمقاول حاطه ٢٧ طبعا موسسه ولازم يختصرون ودي اعرف راى المهندسين في التسليحات لان حتى هو مو دقيق مرره واشرفه تمشية حال * |
هو عذره ان السقف هردي ومافيه ضرر
|
هلا بك أختي الكريمة أتمنى تحديد المرحلة اللي وصلتوا لها الآن بشكل دقيق.... ومسألة حضور المهندس أمر في غاية الأهمية وإذا المقاول نقص بسماكة السقف فعليه فك جميع ما تم تنفيذه وإعادة التنفيذ مرة أخرى وفقاً للمخطط وعلى حسابه بالتوفيق |
اهلا استاذ ماجد
وصلت لتخشيب سقف الدور الارضي. ومسئلة سماكه السقف الحمد لله نبهنا عليها المهندس قبل يسويها المقاول لان المهندس قراه في العقد ان السقف ٢٧ هردي وقراء في المخطط انه السقف ٣٢ فنبه المقاوله انه مابيستلم الشغل منه اذا مو ٣٢ نفس المخطط طبعاً توقف الشغل وصار خلاف وتم تسويته الخلاف با ان ندفع ٨ الاف للموسسه يعني زادو السعر بس انا خوفي من الغى جسور الصاله وفيه اعمده مزروعه في الدور الثاني مامدى خطورتها على سقف مافيه جسور |
هلا بك بما أنكم الآن في مرحلة تخشيب السقف فهذا أمر جيد يجب التأكيد على المقاول بضرورة التقيد بالمخطط بأدق تفاصيله دون إنقاص أو تعديل إلا بتوجيه من المهندس الإنشائي المشرف وأحرصوا أن يكون المهندس المشرف "محترف" وله خبرة جيدة لضمان إلزام المقاول بأدق التفاصيل وعدم قبول أي تعديل إلا بموجب ما يطلبه المهندس والمقاول يبقى منفذ فقط بالتوفيق |
بخصوص الجسر الملغي
المهندس يقول مدام سقفكم هردي مافيه خووف |
هلا بك ما فيه شيء اسمه نلغي الجسر لأن السقف هوردي!! أرجعوا لجهة هندسية أخرى تشوف المخطط وتقرر ويكون القرار بموجب تقرير يصدر من قبلهم وعلى مسئوليتهم بالأمس القريب قمنا بإزالة سقف فيلا بسبب ضعف التسليح الإنشائي وتكبد صاحب الفيلا حوالي 200 ألف ريال بسبب هذا التصرف الغير محسوب والخاطئ بالتوفيق |
اقتباس: المشاركة الأصلية كتبت بواسطة برواز جبس http://llbf.com.sa/vb/images_llbf/buttons/viewpost.gif والله جايبين مهندس. وقبل كل صبه يطلع وقد طلع لنا مرتين وياخذ ٣٠٠ لا احنا فلتين جنب بعض حتى اخذنا مهندس غير الي سوا المخطط علشان يكشف لنا عيوب المهندس بعد وفعلن لقا ان المهندس حاط عرض سقف الدور الاول ٣٢ والمقاول حاطه ٢٧ طبعا موسسه ولازم يختصرون ودي اعرف راى المهندسين في التسليحات لان حتى هو مو دقيق مرره واشرفه تمشية حال * بالنسبه للتسليح محد يفتي ومالك في المدينه الاستاذ ماجد ماراح يقصر النقطه اللي أبي أكد عليها حاولو المهندس يكون من جنسيه غير جنسية المقاول لان المقاولين والمكاتب الهندسيه بينهم علاقه قويه في الخفاء ولايستغنون عن بعض و علشان المهندس مايغض الطرف عن بعض الاشياء هذا من باب الحرص و الخير موجود في الناس ولكن الحرص واجب . . دمت بخير |
الله يسهل أمركم اختي
متابعه معاكم للاستفاده :) |
الله يجزاكم خير المشرف بيطلع يوم الخميس قبل الصبه ونشووف وش رايه
|
| الساعة الآن 12:48 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010