|
هواية سقف والواجهه شمالية ماالحل
غرفة بنتي من جهة الشمال وحمامها اسسنا له هواية سقف فتحة التهوية شمالية سؤالي هل بيدخل مع فتحة التهوية هوا بارد بس مابعد صبينا السقف وغرفتها بالدور الاول نقدر نمده لفوق مثل تهوية المداخن بس ماتصير الفتحه لفوق تصير من جهة الجنوب يعني تطلع حرف ال معكوس وشكرا ارجوا التكرم والرد اليوم الجمعة وبإذن الله بيصبون السقف يوم الاحد الصباح
|
هلا بك مسألة دخول الهواء فهذا أمر غير وارد نهائياً لا تشيلين هم ويمكنك عمل الماسورة للأعلى بحيث تطلع من السطح أو تحويلها للجهة الأخرى من المبنى بالتوفيق |
الله يجزاك خير يا استاذ ماجد قصدك نكسر البلك على قدر الماصورة ونمدد الماصورة في الجدار وتطلع على فوق لما توصل اعلى جدار السطح على الكرنيش واحط عليها شبك عن العصافير او كوع يصير عكس جهة الشمال لان غرفة بنتي مالها الا واجهه وحدة والجو ابرد من الرياض وتقل درجته عن الرياض بعشر درجات
|
هلا بك نعم كما تفضلتي يتم وضع الماسورة للأعلى بالسطح وليس شرطاً أن تكون فتحة الماسورة باتجاه غير الشمال لأن الماسورة تغطى بغطاء خاص من الأعلى يسمح بخروج الهواء ويضمن عدم دخول الحشرات أو الطيور من خلاله بالتوفيق |
الله يجزاك خير يا استاذ ماجد كفيت ووفيت الله يفرج لك بالدنيا والاخرة
|
السلام عليكم ورحمة الله ماقصر ابو ابراهيم وجزاه الله ألف خير عندي حل ثاني اللي هو الطريقة التقليديه اللي هي تركيب الهواية بهذه الطريقه .. http://www.finehomebuilding.com/CMS/...nsert-5_ld.jpg مع تركيب غطاء زي هذا للحمايه من الهواء والطيور ... http://img.ehowcdn.com/article-new/e...an-800x800.jpg مايحتاج تكسير ------------- شفط الهواية راح يكون أقوى منظرها مقبول ..------------- غير كذا كل ماقصرت المسافة للخارج تزيد فعالية الهواية .. http://www.finehomebuilding.com/CMS/...223100_med.jpg الهواء كـ الماء لذا يجب ان يكون المجرى يميل قليلا بعيد عن الهوايه لضمان عدم ارتداد أي شئ للهوايه .. . . |
الله يجزاك خير اخوي حاكم ماقصرت طيب القاها بالرياض بمحلات الهوايات متوفرة وفيه سؤال ثاني ابو الشباب راح اليوم علشان بيصبون الخرسانة وكان موصي السباك يسوي فتحة للتهوية بالخرسانة بس للاسف مانفذها نفذ لجميع دورات المياة الى هاذي مااسس اتوقع انه لويجهز لها مكان تحت الجبس مافيه مشكلة لاني مرة رحت لاستراحة في نهاية التشطيبات وشفت انهم ماسسين تهويةبس ماهو بالخرسانة تحتها وجدران دورة المياة الله يكرمكم كلها عليها بلاط الا بلاطة وحدة فوق مابلط للسقف اتوقع بيسوي جبس لاني اشوف البلك ومطرطش عليه اسمنت
|
الموضوع أبسط مما تتصورين .. اجزاء الهوايه : المروحه http://image.lampsplus.com/is/image/...i=460&fmt=jpeg قناة تصريف الهواء http://images.homeclick.com/product-...roan-wvk2a.jpg ونحتاج فقط عمل فتحه دائريه في الجدار تسمح بخروج قناة التصريف للخارج .. (طبعاً + سلك كهرب ومفتاح التشغيل ) وبس .. :rolleyes: [youtube]http://www.youtube.com/watch?v=R_qkdwBEIWo&feature=related[/youtube] . . أنا من الشرقيه وكل القطع موجوده عندنا في محلات الكهرب وطبعاً أكيد بتكون متوفره في اسواق الرياض |
الله يجزاك خير اخوي حاكم الله يفرج لك كرب الدنيا والاخرة
|
الأستاذ حاكم ما قصرت وللتوضيح من بداية الموضوع وحديثنا حول مروحة الشفط الديكورية اللي يتم تركيبها بالأسقف كما بالصورة اللي وضعتها مشكوراً ولا نقصد مروحة الشفط العادية اللي يتم تركيبها على الجدار وتسلم على هذا التوضيح والإسهاب فيه حفظك الله |
مشكورين وبيض الله وجيهكم في الدنيا والاخرة وجميع المسلمين اخواني والله ماادري بعد الله ثم من غير هالمنتدى وش ابسوي لاني اتمنى تطلع فلتنا غير تقليدية وتكون عصرية الا حد ما لان ابو الشباب ناوي يسوي الهوايات بالجدار او الشباك وانا مااحبها تشوهه منظر الحمام والمطبخ شكرا لكم وبارك الله لكم وفرج جميع كربكم بالدنيا والاخرة وجعلنا وياكم من اهل الجنة يارب دمتم بود
|
| الساعة الآن 07:58 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010