|
قصة الشايب والوايت
قصة الشايب والوايت ( سيارة رش الماء ) يسولفون عن شايب نوى يشتري له وايت علشان يسقي الحلال , وذا الشايب متقاعد وشاري له رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف. عجب خوينا الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح أوصلهم وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون , وأستانس بالحيل لأنه ماهو بغالي. ولا ذاك الرجال ماسك الميكروفون ويحرج 50,,52,,55,,ومن قال زود , قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزودون...ويزود. المهم وصلوه 75,,,قام خربها وقالهم ,,,80 هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!! يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك بمليون ريال ذالحين ,,ذالحزه بس مانشوف وجهك واقف معنا بالحراج . انصدم الشايب ..أفتر راسه شوي وقال هااااا..وش السالفة..؟؟؟ مليون ريال ..وليه..؟؟ قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري وش السالفه!!!. طيب وش العلم علمني ..؟؟ علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي جايبينه يرشون به الأرض علشان يحرجون. والحراج من اليوم بــ 56 مليون و 75 مليون.. وابو الشباب ( الشايب) خش عليهم عرض ولايدري وش العلم. وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال.. وهو ماصدق. طاير من الفرحه,,مليون,,ويقول بخاطره عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده. الرزق مثل الأجل يتبعك ****** الله يرزقنا بمخطط بالغلط http://www.alshrqy.com/vb/imgcache2/16611.gif |
والله انك طماعه تبين مخطط بالغلط
قولي مليون الشايب على الاقل وخلك قنوعه حلوة ترى القناعة بمليون . دمت بخير |
مثل هالقصص يابشاير
تخلي الواحد منا يتقاعس عن العمل ..ويستلذ بسالفة هاشايب وينتظر غلطة بمليون يالله من واسع فضلك شكرا لك ..امتعتني السالفة |
تسلمين بشاير بداية موفقة للقسم :cool: تصدقون أن هالشيء يصير ويحصل بشكل مستمر في معظم البيعات مهما كان حجمها الأمر يحتاج شخص مقدام مو خواف واللي يبي يتمنى يتكلم بشيء معقول شقة تمليك أرض برماح مو مخطط :D |
اقتباس: المشاركة الأصلية كتبت بواسطة كافور http://llbf.com.sa/vb/fnoon/buttons/viewpost.gif والله انك طماعه تبين مخطط بالغلط قولي مليون الشايب على الاقل وخلك قنوعه حلوة ترى القناعة بمليون . دمت بخير اي والله ياكافور ابي مخطط بالغلط ولو تحصل مخططات ماقول لاء ولو ماحصل مخطط عادي منقط :p مليون الشايب ممممم لاء حرام هو قعد سنين يجمع بمهر الوايت وماصدق على الله تحصل هالفرصه بس على الله ينفقها بعمل خير والله زين ماوقف قلبه ههههههههههههههه ربي يسعدك الف شكر لمشاركتك :) ماحولك مخطط http://llbf.com.sa/vb/images/icons/icon10.gif |
اقتباس: المشاركة الأصلية كتبت بواسطة أديم http://llbf.com.sa/vb/fnoon/buttons/viewpost.gif مثل هالقصص يابشاير تخلي الواحد منا يتقاعس عن العمل ..ويستلذ بسالفة هاشايب وينتظر غلطة بمليون يالله من واسع فضلك شكرا لك ..امتعتني السالفة اذا بتجيني ملايين يااديم وانا قاعده والله بتقاعس وكني الورد :) ربي يسعدك حبيبتي الف شكر لمشاركتك ياقمر |
تسلمين بشاير بداية موفقة للقسم :cool: تصدقون أن هالشيء يصير ويحصل بشكل مستمر في معظم البيعات مهما كان حجمها الأمر يحتاج شخص مقدام مو خواف واللي يبي يتمنى يتكلم بشيء معقول شقة تمليك أرض برماح مو مخطط :D صدقني ياماجد ممكن يصير ويحصل مع كل الناس الا انا :( والله هالشايب محظوظ ،، مدري اروح اطلب ايده هههههههههههههه يمكن من الفرحه يموت واورثه http://llbf.com.sa/vb/images/icons/icon10.gif ربي يسعدك ابوابراهيم الف شكر لمشاركتك |
والله يا بشاير قبل كم يوم جاني بالمكتب شخص "هامور" والله أزعجني جزاه الله خير قدم لي أفكار مميزة للاستثمار القوي في مجال العقارات لكن يعمل الله أن ردي له كان "هالأمور يبي لها قلب قوي" على سبيل المثال يقول أرض "ما" استأجرها "فلان من الناس" بمبلغ 700 ألف سنوي لمدة 20 عام بعد عدة أيام تقدمت لها أكثر من جهة متخصصة في المولات التجارية تطلب استئجار الأرض نفسها من المستأجر الجديد بمبلغ مليون ونصف يعني صاحبنا كسب 800 ألف سنوياً بدون أي عناء أو جهد يذكر فقط استأجر الأرض وقام بتأجيرها لطرف آخر الرزق يدووووووووووووور أهله الله يرزقنا جميعاً الصحة والعافية والقناعة و كم مليون |
قصة عجيبة .........الرجل هذا موعود سبحان الله و رزقكم في السماء و ما توعدون |
قصه حلوه
بس نبي نعرف المكان اللي راحله الشايب او لقاء بيه الوايت ممكن الجماعه لساتهم قاعدين تقبلي مروري |
اقتباس: المشاركة الأصلية كتبت بواسطة ماجد المحيميد http://llbf.com.sa/vb/fnoon/buttons/viewpost.gif والله يا بشاير قبل كم يوم جاني بالمكتب شخص "هامور" والله أزعجني جزاه الله خير قدم لي أفكار مميزة للاستثمار القوي في مجال العقارات لكن يعمل الله أن ردي له كان "هالأمور يبي لها قلب قوي" على سبيل المثال يقول أرض "ما" استأجرها "فلان من الناس" بمبلغ 700 ألف سنوي لمدة 20 عام بعد عدة أيام تقدمت لها أكثر من جهة متخصصة في المولات التجارية تطلب استئجار الأرض نفسها من المستأجر الجديد بمبلغ مليون ونصف يعني صاحبنا كسب 800 ألف سنوياً بدون أي عناء أو جهد يذكر فقط استأجر الأرض وقام بتأجيرها لطرف آخر الرزق يدووووووووووووور أهله الله يرزقنا جميعاً الصحة والعافية والقناعة و كم مليون هامووووور مره وحده هذا وينه عني هههههههههه لا وانا اللي راضيه بنقرور :confused: على رايك الله يرزقنا الصحه والعافيه وملاااااااااااااااايين اخاف احد يصكني عين عالاقل عندي فلوس اعالج فيها :p الدنيا حظووووووووظ والله لو اخذ هالشايب راح ينسرق المليون وانا في الكوشه http://llbf.com.sa/vb/images/icons/icon10.gif |
ياااااااااااااااااااااااااااااااااااااارب تجعل حظي مثل حظ هالشايب |
قصه جميله
وعلى نياتكم ترزقووون سبحان الله فوق 85ألف مليون والله مااانام هاكليل الشاايب تلقاه هاجد العجوز يحسب الفلوس مره ومرتين لين تطلع نجمة الصبح يارب ترزقناا احترآآمي |
| الساعة الآن 02:56 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010