|
أخبرونا عن تجاربكم في الألمنيوم و الأبواب ؟!
السلام عليكم جميعاً بعد فترة انقطاع ....
أقبلنا الآن على الشغل الحامي و التشطيب الجامد !! شغل ألمنيوم النوافذ و الأبواب الخشبية ... و هنا دوامة ولا نهاية لها ... فأرجوا منكم ترشدونا لتجاربكم مع هذه المرحلة فمن كان له تجربة جيدة و صادف أعمال متقنة فليدلنا عليها مشكوراً حتى نستفيد و نختصر المشورا و نتجنب المغامرة |
اهلا بك
اولا عودا حميدا بالنسبة للألومنيوم تجاربي كلها مع غرناطة ولكن سعرهم مرتفع مقارنة بالأخرين ولكن شغلهم تمام ودقيق بالنسبة للأبواب شركة كي باب للأبواب الجاهزه وبالتوفيق |
الله يحيك أخوي راكان ...
" غرناطة " ما يحتاج ... هو مرسيدس شركات الألمنيوم ! ولكن ماكل واحد يقدر على المرسيدس (: ندور على فئة اليوكن و فوق شوي ((: أما ألأبواب فالظاهر فلعل أهل منطقة القصيم يستفيدون من توصيتك وهي محل اعتبار لمن يعرف وزنك و تجربتك شكرا لك (: |
مرحبا أخ راكان ..
عندي سؤال غرناطة وينها في الرياض وانت سويت عندهم المنيوم الشبابيك بس والا أبواب ومشكور مقدما :) |
اهلا بالجميع
بالنسبة لغرناطة شركة معروفة بالرياض ولها مناديب في اغلب المناطق وانا اعمل عتدهم الشبابيك فقط لأنها اهم شي اما الأبواب الداخلية لدوراة المياة والمطابخ فمن شركات ارخص وبالتوفيق |
اقتباس:
موقع غرناطة الرياض شمال تقاطع شارع التخصصي مع موسى بن نصير يفتح المعرض شرق |
وانا اخوك انا الان في مرحلة اني ادور شركة لتنفيذ النوافذ
فيه ناس كثير مدحوا لي المحلات التاليه الوكيل الصفا المانع غرناطه وينتك و كل واحد يمدح عمره وكلهم يستخدمون نفس الالمنيوم وتقريباً نفس المفصلات عطوني اسعار خيالية .. كلهم فوق ١١٠ الف على ١٤ دريشه و ٤ بيبان واغلبهم التنفيذ واتركيب خلال ٤ شهور .. وبعضهم مشهور بالتاخير واحتمال ما يجيبها لك الا بعد ٦ او ٧ شهور الان انا في طور اني اروح للورش فيه ورشه مادحها ابو ابراهيم .. مواعدهم عقب العيد ان شاء الله بروح اشوف شغلهم و اسعارهم .. بس بشكل مبدئي اتضح لي ان اسعارهم اقل بنسبة ٥٠ ٪ شيء ثاني .. الشركات اللي فوق ذكرت اساميهم .. ربحهم تقريباً ١٠٠٪ وكله عشان اسمهم اهم شيء الواحد يحرص على العزل الحراري في القزاز و انه ما يدخل غبار او موية وكلهن متواجدات عند ورش الصناعية |
السلام عليكم
ماهي المواصفات اللي نحرص عليها عند عمل النوافذ وكيف تكون صيغة العقد ومشكورين مقدما |
اقتباس:
السعر مع القزاز ولا بس الالمنيوم ؟ |
amdady
لو سمحت وش اسم الورش وين موقعها.. الله يسهل أمورك ويرحم والديك ... |
amdady
لو سمحت وش اسم الورش وين موقعها.. الله يسهل أمورك ويرحم والديك ... |
اقتباس:
تقدر لاهنت تدينا بعض الشركات الجيده للابواب الخشبيه الجاهزه طبعا |
اخوي راكان ودي أسالك عن كي للابواب هل هي للابواب الخشبيه .. وكيف اسعارهم .
واذا تقدر لاهنت ترشدنا عن محلات الابواب الخشبيه الجاهزه الجيده |
اهلا بك
اولا اسف على التأخير ابواب كي باب نوعين منها خشبية ومنها جاهزه وهي مزيج من الخشب ومواد اخرى ومضمونة ضد الماء ومقاومة للنمل الأبيض والوانها نارية وهي جيدة والشركة لها فرع بالقصيم وبالتوفيق |
| الساعة الآن 10:15 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010