رايكم بواجهة فيلتي ؟؟؟
1 مرفق
هذه واجهة الفيلا اللتي تم اختيارها حسب المخطط اللذي سبق وطرحته في موضوع سابقا طبعا مع بعض التعديلات عليها ليتناسب مع اسلوب الموديرن فياليت تعطوني رايكم لانه يهمني فارجو مساعدتي ولكم الشكر
ملاحظه 1/فكرت الغي القرميد نهائيا . 2/ الجهه اليسرى من الدور الاول يوجد بروز من الجهتين امام الواجهه نصف متر والجانب الاخر متر والهدف من البروز تكبير مساحة الجلسه العلويه . 3/ تم الغاء الشباك الايمن من الدور الاول وقصدي المقوس بدون شرفه والسبب لا يتناسب مع المساحة الغرفه واكتفيت فقط بشباك المستطيل . 5/ مدخل الباب لللواجهه فوق الباب تم التغيير الى شباك كبير بالطول مثل الباب بعمق 40 سم وسلامتكم |
اقتباس:
عندك مشاركتين بنفس الموضوع، إلغي المشاركة الأولى و أكتفي بهذه، لأن بها توضيح أكثر، أفضل للإستفادة. تحياتي دودي خالد |
جميله اختي ولو حطيتي الجدار الابيض فوق الباب الى الاعلى حجر غامق( بركاني ) يتناسب مع المودرن وباقي البيت فاتح ... وفعلا الغي القرميد
تقبلي مروري |
أهلين هند عبدالله،
نعرف مخططك جيدا، و خاصة المرافق التي بواجهة الفيلا: دور أرضي يتكون من مجلس رجال - مدخل - مجلس نساء دور أول، نوم - جلسه - نوم تطبيق تصميم هذه الواجهة على واجهة مخططك غير متجانسه و لا متطابقة بالمساحة، لسبب و هو أن عرض مخططك 15م و عرض صورة الواجهة تقريبا 22م. عموما أن حسبتها لك مع توزيع شبابيك الواجهة حسب المخطط، و طلع معي أن حدود مساحة واجهة فلتك حسب عرض الواجهة بالمخطط هي بالصورة المرفقة: http://www.llbf.com.sa/uploads/uploa...3186920931.jpg تحياتي دودي خالد |
اهلا هند الواجهة جميلة جدا واهنيك على هذا الذوق
|
اقتباس:
|
اقتباس:
|
[size="5"]وعلى فكره شباك الجلسه مو اللي انت محدده بالصوره هذا مدخل الرجال مفتوح السقف من الداخل واما الجهه اليسرى وهي غرفة النوم هذه الجلسه اللي انا قصدي بارزه اتمنى انك فهمت علي يا استاذي العزيز [/size]
|
استاذ دودي خالد كيف احذف موضوعي الاول ماني عارفه ؟؟؟
|
اقتباس:
|
1 مرفق
اشكرك استاذ دودي خالد بس ياليت تقولي ايش رايك باللي عملته من منظور ك الشخصي وماهي التشطيبات والالوان المناسبه لمثل هذه الواجهات وافضل ان تميل الى الستايل الموديرن كما ذكرت سابقا وكيف حيكون شكل السور المناسب علما انه بيكون باب الكراج سحاب
|
2 مرفق
استاذ دودي خالد هذه الفكره من الواجهات تعجبني كيف اقدر اوضف هلاشياء واشوف الجدران كانها الواح وليست بويه وتعجبني البروزات والحديد الموجود على السقف من خلال الرسمه اللي وضعتها هل تشوف انه من الممكن اسويها ياليت نرد علي وتكملي لاني احس اني تائهه
|
اقتباس:
كثرتي إقتراحاتك مررره، ترا بيتشتت ذهنك و تضيع أفكارك، و تطلع الواجهة بربسه :(، لو تركزين و تصممين الواجهة حبه حبه أفضل، عشان ما يصير لها كركبه تصميمية. دائما بتصميم الواجهات عندك خيارين: 1- البحث عن واجهة مطابقة تماما لمساحة واجهتك ( طول - عرض - إرتفاع ) تطبيقها 100%. 2- الإقتباس من عدة واجهات، بشرط يكون عندك القدرة بعمل تجانس و تناغم بين أجزاء و كتل الواجهة المعمارية. إنتي عملتي خيار رقم 1، و لكن المساحات غير متطابقة، عشان كذا لم تجيدي بالتصميم، لإني أرى فيه إختلافات كثيرة بين صورة التصميم و تصميمك المقترح. الصورة: شوفي الفرق!! http://www.llbf.com.sa/uploads/uploa...3188341231.jpg لذا أنصحك التريث قليلا لكي تبدعي و تحسني الأختيار و التصميم. أخيرا أقول لك أختي الكريمة: - حددي الطراز اللي تبين، موديرن، كلاسيكي أو أندلسي. - حددي الخامات اللي تناسب ذوووقك، حديد مشغول، ألواح ألمنيوم، مزج بين الدهانات و الحجر، دهان كسر رخام .... القائمة طويلة. - و بالنهاية نحدد إيش هي الألوان المناسبه، حسب طراز و تصميم الواجهة. الخطوة الأولى هي تقسيم الواجهة إلى أجزاء، و منها البداية و أنا بالخدمة. http://www.llbf.com.sa/uploads/uploa...3188341232.jpg تحياتي دودي خالد |
[size="5"]اولا /استاذ دودي خالد اشكرك على تفاعلك وسامحني لو كثرت بربره انا من الاول قلت ان الواجهه جميله ولكن عارفه اني ماني قادره اسويها طبق الاصل لان المساحات تختلف .
ثانيا / انا حاولت اقتبس منها بعض الافكار لتتناسب مع مساحات الموجوده لفيلتي . ثالثا / وانا سبق وقلت عندي بروز بالجلسه العلويه وهي بجهة اليسار اللي فوق رقم 3 وهذا البروز نصف متر امام ومتر بالجانب الاخر والسبب توسعة الجلسه العلويه بالدور الاول . رابعا / انا اعشق الموديرن يعني الشكل العام على الاقل لو ماقدرت عليها يكون اقرب للموديرن حتى الشبابيك والالوان والخامات هل حجر بركاني او الواح او دهان خامسا/ بالنسبه للشكل العلوي من الواجهه اللي بالسطح الغيت القرميد وبحاول استبدله بحديد او بلاستيك وانا فكرت بحديد ناعم وساده بشكل معين حتى يتناسب مع الفكره العامه واخيرا وليس اخرا فانا لااخفيك الفكره عندي موجوده من سنين ولكن المكتب الهندسي وعجلة زوجي وعدم وجود من يفهم افكاري اضاع كل احلامي ولكن الان احاول لقط انفاسي والتعديل قدر المستطاع ومحاولة من يساندني الراي او يخالفني مع توضيح الامور اكثر وياليت تكون بصور او رسمه عشان افهم اكثر وشكرا على سعة صدرك والله لا يحرمني من توجيهاتك [/size] |
استاذ ي العزيز اذا رجعت للرسمه اللي رسمتها تجد اني عملت بلاقتراح الثاني وليس الاول اللي ذكرت حيث اني اقتبست من شكل رقم (1) فكرة الشباك الطويل ولكن غيرت من مكانه حتى يكون فيه توازن بالواجهه واكتفيت بشباك واحد لان مساحة الغرفه لا تسمح لاكثر من ذلك .
والشباك الارضي لشكل رقم (1) مربع الشكل قياس 2×2م وبرضو لا يوجد الا شباك واحد فقط لان المساحه صغيره 4×5.5 م اما شكل رقم (2) هذا المدخل الرئسي وهو مدخل الرجال 3.60 × 3.20 وهو مفتوح السقف من الداخل فحاولت اكبر الشباك فوق الباب ليعطيني اناره طبيعيه على المدخل وخليته يكون بشكل غائر شوي يمكن 40 او 50 سم ووضعت له حديد بنفس شكل الشباك الاول اللي برقم شكل (1) وهذا فكرت اسويه بالحجر البركاني كله . اما شكل رقم (3) هذه الجلسه العلويه وهي بلاصل كانت بالمخطط القديم من المكتب الهندسي شكلها رباعي او خماسي وانا ماعجبتني وغيرت شكلها الى مربعه وهي بلاصل بارزه متر وانا غيرتها الى نصف متر وغيرت من الشباك وخليته شباك بالعرض ويكون ثابت وهذي لا اعلم كيف بتكون بدهان او الواح او حجر بركاني ولكن فكرت الواح حجر لااعلم اخر شكل (4) وهو اكثر شي عاجبني بالواجهه كله ولكن غيرت حذفت الجي ار سي الموجود عليها وخليته بدون اي اضافات ولكن وضعت عليه حديد عشان يكون فيه تناغم بالشكل العام للواجهه وفكرت يكون دهان او حجر بركاني برضو لا اعلم او متحيره لانه لايوجد عندي رسم ثلاثي الابعاد وكيف بيكون شكلها النهائي بلالوان والخامات اللي حتستعمل وبس استاذي العزيز واسفه جدا جدا جدا |
استاذ دودي خالد انتظر تعليقك على موضوعي بعد التعديل وتوضيح الامور ماذا ترى ياليت تكمل لنا ماتبقى حتى تكتمل الرؤيا عندي ويعطيك الف عافيه
|
اهلا عزيزتي
الواجهه التي وضعتيها اولا هي الاجمل لكن تحتاج قليل من التعديل لتصبح مودرن هذه بعض تعديلاتي عليها امل ان تعجبك وهذا هو الحجر الذي قصدته وضعت صورتين احدها بنافذتين اعلى الباب لتتضح امامك الفكرة ...وازالة الزخارف الجبسيه تحت النافذه لتكون مجرد فريم بسيط وقد وضعت في موضوع الاخت رونق صور واجهات لهذا النوع من الحجر ارجوا مراجعتهhttp://www.llbf.com.sa/uploads/uploa...3190123871.jpg http://www.llbf.com.sa/uploads/uploa...3190123871.jpg وتقبلي مروري |
الله الله الله عليك هذا اللي انا محتاجته اشوف الشكل بعيني عشان اقرر
بس لي ملاحظه اخت نورما ياليت تقوليلي رايك انا عندي بروز بالدور الاول من اليسار هذه جلسه تبرز من الامام نصف متر ومن الجانب الاخر متر عشان كذا حاولت ارسم واجهتي حسب المعطيات ولا لو الود ودي نسخت الواجهه الاصليه نسخ بس هذا اللي صار وفيه شي اخر انا احب الشبابيك الكبيره بالواجهه وتكون مختلفه تقدرين تعدلين عليها بالشكل اللي سويته الله يجزاك خير اكون ممنونه والف شكر مقدما على هالمجهود [/size] |
هنا يتضح البروز
http://www.llbf.com.sa/uploads/uploa...3190149521.jpg |
ما شاء الله عليك اسعدتيني يا نورما ربي لا يحرمك الاجر طيب ياعمري بالنسبه لشكل الشباك اللي بالدور الارضي بالواجهه الاصليه انا عاجبني ومنهبله عليه ودي اسويه ماتشوفين انه مناسب لو حطيته لو بشكل بسيط وهل اقدر اسوي شكل الشبابيك بالعرض مثل اللي سويته وكيف بيكون شكلها النهائي انا عارفه اتعبتك بس سامحيني
وشباك المدخل حبيته كبير عشان ينور مدخل الرجال لانه مفتوح السقف ارجو الفكره وصلت |
ما فهمت ؟!!!!
هل تقصدين الشباك الصغير على يسار المدخل الرئيسي ؟ وشباك الرجال مثل ما هو ما تغير نفس اللي في الواجهه الاصلية واعتقد حجمه كافي تقريبا مترين |
هلا بك بصراحة خايف أقول رأيي الواجهة بسيطة جداً وللتوضيح أن المبنى يكون مودرن هذا لا يعني أنه يكون بسيط وعادي أتمنى رفع صورة الموقع العام وأتذكر أنه كان فيه ملحق كأني شاهدت كذا |
1 مرفق
اقتباس:
لا يعمري اقصد الشباك اللي بوسط الواجهه الطويل اللي فوق الباب هذا انا كبرته عشان يكون اناره طبيعيه للمدخل مدخل باب الرجال ولانه مفتوح السقف من الداخل مافيه سقف للدور الاول على طول اشوف سقف السطح فحبيت يكون كبير وثابت لان الغيت القبه اللي بسطح المخل حسكره فتكون الاضاءه الطبيعيه جانبيه فقط فهمتيني ؟ وياليت يكون التعديل على الرسمه اللي انا سويتها لان فيها البروز انسو الواجهه الاساسيه عشان ما الخبطكم |
اقتباس:
هذا ماقصدته يا استاذي الكريم الواجهه بسيطه وناعمه وخصوصا لما عدلت فيها والتعديل هذا لاني مجبوره بحكم المساحات وانا متاكده وعارفه ان الواجهه تكتمل بالخامات والالوان وهذا ما اطمح اليه من خلالكم وخبراتكم وكلا له وجهة نظر |
اتمنى يكون بهذا الشكل .... مع ملا حظة عدم جماليته ان كانت جميع النوافذ مستطيلة...... ذكرتيني بالمثل اللي يقول (عين في الشحمه وعين في اللحمه )الله يعين زوجك عليك :p:D وهذا عالبيعه..... عشان لا تخلي شي بخاطرك ....خلاص عاد تعبت ...... وتقبلي مروري عزيزتي |
تسلمين ياقمرررر وعزالله ماقصرتي اردها لك انشاءالله .......اممممم في الاحلام ههههه وحده نذله
الله يعين زوجي علي لالالالالاحرام الله يعيني على زوجي كذا احسها زابطه اكثر انتي ماشاءالله عطيتيني اكثر من تصور واحترت فيها بس اتمنى من الاساتذه ماجد ودودي خالد يكملون ابغى الشكل النهائي يكون مكتمل بس ملاحظه اتمنى منكم الله يعافيكم ان تعدلو على الواجهه المرسومه واللي عرضتها لكم مرفقات فقط اللي ابيه منكم وضع الالوان والخامات عليها وخلالالالالاص اوعدكم ماراح ازعجكم ثاني |
اقتباس:
ترا والله حنا معك، هند تدرين واجهتك صرت أشوفها حتى و أنا أصلي:eek:!! من كثر ما تحكين عنها :mad: أسمي كلامي يا "وخيتي" يا هند الواجهات يبي لها رووقااان إذا بدك تصميم مميز أنتظر قليل خلي نروق عليها بهالويكند:rolleyes:، إما إذا كنتي تبين واجهة و السلام أبشري نقص لك و نلزق، أوعدك ندخل معااك بتفاصيل الواجهة تصميم و أخيتار خامات و ألوان بس أنتظري. تحياتي دودي خالد |
ابشر يا استاذي العزيز حصبر وبخلي المقاول يصبر الى السبت وان شاءالله خير
|
اقتباس:
إيش رأيك نجمع أفكارنا بخصوص الواجهة، و أكتبي إيش الشيء اللي بالواجهة ككتل معمارية و شبابيك ماهي عاجبتك؟ طبعا هذه صورة تصميم الواجهة اللي أرسلتيها و أعجبتك؟ تصحيح http://www.llbf.com.sa/uploads/uploa...3190401021.jpg و هذه صورة الواجهة اللي عدلتي عليها؟ تصحيح http://www.llbf.com.sa/uploads/uploa...3190403251.jpg حاولي ترقمين ملاحظاتك على الصورة كتصميمات و شبابيك فقط، و أجلي موضوع الدهانات و الخامات إلى آخر مرحله بعد أعتماد الكتل المعمارية. تحياتي دودي خالد |
بيض الله وجهك مهندس ماجد المحيميد
والمهندس دودي خالد، وكل من ساهم مع أصدقائنا الأعضاء بمثل هذه المجهودات،وهذه المتابعة الدقيقة. أعذروني ربما تقولون وش دخلك تشكر،ولكن والله ما أستطيع أصبر عندما أرى مثل هذه الجهود النادرة. وبالتوفيق للأخت هند عبدالله. أجمــــــــــل تحية. |
5 مرفق
[size="5"]1/ استاذي العزيز اولا الواجهه الاصليه عاجبتني كلها ولكن مشكلتي اختلاف المساحات ولا كان ماتعبت نفسي وتعبتكم معاي .
2/ اللي ماهو عاجبني او بلاحرى ماتناسب واجهة الموديرن الكرانيش اللي اعلى واللي حوالين الشبابيك .من الافضل اني اشيلها وانتم ادرى 3/ وسلامتكم بس عندي تعليق وحابه اسالكم بحكم تخصصكم ايش اللي مو عاجبكم بالتعديل اللي سويته احس منظوره مناسب 4/ ارجو من حظراتكم التعديل فقط على الواجهه اللي تم التعديل عليها المرسومه 5/ وهذا الستايل اللي يعجبني دايما واتمنى فهمتو علي . |
وللمعلوميه ترانا صبينا الدور الارضي باقي ااكد على الشبابيك ومواقعها واشكالها ومقاساتها بالنسبه للمساحات الموجوده وشكل اعلى السطح ماابغاه يكون ساده مثل اللي مرسوم ابغى فكره تكون مناسبه والله يجزاكم خير
|
اقتباس:
واضح من كتابتك إنك محبطه، بس ما عليه وسعي صدرك، التميز بتصميم يرضي ذااائقتك، يحتاج أولاً فهم اللي يدور في بالك. عموما المرفق توزيع سريع للكتل اللي ترغبين، هل هذا التوزيع صحيح، إذا كان نعم، فإنه يحتاج له تعديل على المعماري قبل صب الدور الأول. http://www.llbf.com.sa/uploads/uploa...3190663361.jpg تحياتي دودي خالد |
نعم استاذ دودي خالد والله يعلم الحال اني تعبت وما ودي كل تعبي واحلامي تضيع وحط اللوم على زوجي الله يهديه المفروض وبدل التعب هذا كله اتفقنا مع المهندس اللي رحتله وريحنا وتقريبا شبه اتفقنا وكان سعره معقول 17 الف بس باعتقاده انهم كلهم واحد واحنا اللي نصمم مو هم وصار كل شي على راسي وهو ماهمه اهم شي نخلص زي ماتجي تجي آآآه بس فلا تلومني يا استاذي على اني بحاول اخلص
لان خلاص الدورالارضي شبه كامل والناس تنتظر ردي عشان يكملو شغلهم وصعبه اعلقهم اكثر لان على قولة المقاول المفروض نخلص قبل الشتاء عشان الامطار وخلافه ما تعيقنا وسلامتك |
1 مرفق
اقتباس:
رجاءا يا استاذ دودي خالد انسى شكل الواجهه الاصليه وعدل على المرسومه لان مساحاتها واضحه وشكل الفيلا بيكون بهالشكل الحالي خلاص مافيه مجال للتغيير لان صبينا الدور الارضي فشكل الفيلا اعتمدناها على هالشكل حتى اذا صبينا الدور الاول ايش حيتغير فيها ؟ وعلى فكره انا وضعت اللون هذا بشوف شكلها يعني لاتعتمده |
اقتباس:
أحترنا معاااااك يا واجهة :( طالما إنتم صبيتوا سقف الأرضي :mad:، أرفق لك تصور لجزء الواجهة الأيمن و العلوي، رأيك؟ http://www.llbf.com.sa/uploads/uploa...3191472591.jpg لعل و عسى أن نرضيك و نعوض ما فات :) |
اقتباس:
واللي اريده واحاول اوصل له كيف اوضف واغير من شكل الشبابيك وسترة السطح لتكون مناسبه للستايل الموديرنطيب سؤال لو تكرمت هل الشباك اللي رسمته فوق الباب يناسب ستايل الموديرن والذي انا ابحث عنه ارجو ثم ارجو انك فهمت علي يا استاذ دودي خالد ولي طلب ثاني اذا تكرمت ارجو انك تطلع وتعلق على رسمتي هل مناسبه او اقرب للموديرن او غير مناسبه وشكرا |
http://llbf.com.sa/vb/attachment.php...1&d=1319063741
أختي هند عبدالله، ودي أسأل ما فائدة الدرجة الموجود بين غرفة النوم والجلسة في الدور الأول بما أن هناك درج آخر في الجهة الأخرى. ودي أعرف مال الفائدة. وهل يصح بهذا الشكل أيها المهندسون. أجمــــــــــــل تحية. |
كان الله في عونك ياهند وعوني وعون كل واحد مبقق عيونه ومشغل مخه ليل نهار :(
|
اقتباس:
هذي سلمك الله انا اقترحت على المهندس ان يسويها لي على حساب المساحه الموجوده للاسف ولكن انا مقتنعه تماما بهالفكره والسبب انه هذا درج الشغاله الخاص فقط للشغاله يودي لغرفتها وغرفة الغسيل والسطح مباشره لان الدرج الخدمه الثاني هذا يمتد من الارضي الى الشقه اللي بالسطح مرورا بالدور الاول وهذه الشقه للمستقبل بتكون لولدي ان شاءالله اذا تزوج بحيث الشغاله ماتنزل وتطلع من درجهم وتضايقهم فهمت علي يا خوي شفت شلون متعبه نفسي وقاعده افكرحتى براحة غيري وهي زوجة ولدي بالمستقبل بس الخوف ان هالتعب ودوخة الراس والتخطيطات يستغلها ابو الشباب :cool: ينوي يتزوج وتروح للزوجه الثانيه اااااخ الله يستر مالكم امان يهالرجال :mad: |
الساعة الآن 01:06 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010