ياليييل ماطولك انقذوني وامطروني بافكاركم وصوركم
 

السلام عليكم ورحمه الله وبركاته

يعلم الله اني احبكم وماكتبت هنا الا متاكده انكم بتساعدوني




ابي مساعده وياليت بالصور ربي يفرج همكم ويفتح عليكم



انا لازم اسلم الصور يوم الثلاثاء للصباغ وللحين مو مستقره على شي



ومابي شي مع الايام امل منه

بحاول انزل صور السيراميك اذا عرفت



انا شقتي كلها اربع غرف وممر

مجلسي مفكرة بجدار واحد اصبغ بيج بخطوط عرضيه وبالزوايا من الجهتين بني وباقي الجدران بيج ساده

لان فيها جدار واحد اللي عند الباب حجر

وغرفه ولدي فيه لون اخضر رهيب فكرت احطه بجدار واحد والجدار اللي مقابله مربعات مدرجه بدرجات الاخضر وباقي الجدران وش اخليها باي لون اصبغها ؟؟؟؟ فكرت الاثاث يكون اصفر كموني



قالوا مو حلو تحطين جدار اخضر والثاني كاروهات وباقي الجدار لون ثاني يصير بايخ





ومطبخي نظام امريكي السراميك ابيض واسود يعني المطبخ يكون نص الغرفه وين احسن اختار مطبخي احمر مع ابيض

والجدران ابيض ويكون جدار واحد اسود

او المطبخ اسود والجدران بلون احمر

مو عارفه وش استقر عليه واذا عندكم افكااار غير انقذوووني

مابيه يكون كاتم وبنفس الوقت ستايل ومميز



باقي غرفه النوم اللي سراميكها ع عنابي غامق جدا وماحب ورق الجدران اللي فيه نقوشات وخرايط كثيرة

احب الورد بس زوجي مايبي مو عارفه اي لون يصلح لغرفه النوم وهل حلو اني احط رسومات فيها

هاذذذي اكثر غرفه احتررررت فيها ومو قادره احدد اي لون ا للجدران ولا كيف الشكل ولا شي

ديكور السقف روعه دائري وبوسطه ورده



كيف الاثاث اي لون



وانا امووووت بشي اسمه مودرن





ممراتي نص الجدار اللي تحت حجر ملون الجزء اللي فوق اي لون؟؟؟؟



ليت اللي عنده خبرة وخلص شقته وجربوا درجات الاصباغ يفيدوني



وياليت بالصور ربي يسعدكم ويوفقكم ويفرج همكم

:mad:يوووووه مو مصدقه ولا رد

الله يسامحكم عن جد زعلتوني توقعت ارائكم تخليني ارسي على راي

يا اختي أنت خايفة تحطين لون تملين منه ..

نصيحتي الألوان المحايدة هي التي لا تملها العين ..
وللجدران أنصح بالفاتح منها درجات البيج ، الرمادي ، اوف وايت والأبيض .


لا تكثرين الشغل والألوان على الجدران ..
مجلسك إذا بتحطين مخطط على جدار .. يكفي تحطين باقي الجدران سادة بدون اللون البني اللي راح يقيدك وتملينه .

غرفة ولدك ..
أنصحك خليه لون محايد مثل ما قلت لك .. مثلا رمادي فاتح .. لأن الأخضر مهما كان جميل بتملينه .
والكاروهات ابتعدي عنه لأنه ممل جدا جدا .. ومثل ما قالوا بايخ .

على فكرة التخطيط والكاروهات صارت مستهلكة .

الأثاث يكون أبيض أو سكري غامق .. وقتها مهما غيرتي في ألوان المفارش بيتناسب مع الغرفة ككل .



المطبخ ..

سوي دواليب المطبخ بيضاء وسطحها رمادي فاتح ..
والجدران ممكن رمادي فااااااتح جدا أفتح من درجة سطح المطبخ .
وإذا حابة الأحمر فممكن تدخلينه قطع إكسسوار بسيطة على المطبخ ..
مثل علب السكر والشاهي أو علبة مناديل أو مزهرية بسيطة .. بدون إكثار منه ..
لأن هاللون حار .. ما يتناسب مع المطبخ اللي هو مكان حار أصلا ومكان شغل ..
فتصوري حرارة المكان بفعل النار .. وحرارة جسمك بفعل الشغل والحركة ثم حرارة اللون !!
بتكونين وقتها متوترة وعصبية .


غرفة النوم ..

الجدار خلفية السرير خليها بيج غااامق .. وباقي الجدران اوف وايت أو بيج فاتح ..
الأثاث .. ممكن سكري .. ممكن الألوان الخشبية بدرجاتها البيج ..
لكن ابعدي عن البني والغوامق .. لأنها بتتعبك في المسح ..
لكن لا تنسين قطعة سجاد فاتحه مثل بيج مع سكري .. أو درجات البيج من غامق لفاتح وهكذا ..
ألوان تتناسب مع الغرفة المهم ما تكون بنفس لون البلاط .


ممراتك .. ملون بأي ألوان ؟
إذا درجات الرمادي فخلي اللون اللي فوق رمادي فاااتح
وإذا درجات البيج ممكن بيج فااااتح لكن الاوف وايت أحلى عليه
وإذا درجات البني .. ممكن اوف وايت .. لكن البيج الفاتح راح يكون أحلى .

الله يفتح عليك ويرزقك من حيث لاتحتسبين
والله انك تحفه واتحفتيني بردك
الله يجزيك خير يارب

آمين وإياك .