استفسار عن تمديدات الغاز المركزي الله يحرم وجهه على النار اللي يفيدني
الاخوة الكرام أبغى أسماء الشركات والمؤسسات الممتازة المجربة في تنفيذ تمديدات الغاز ستانليس ستيل وارقام هواتفهم ولا يهم السعر اهم شئ الاتقان والجودة العالية بعد توفيق الله وهل الستانليس ستيل افضل من الحديد والنحاس أم لا يعني أبغى ترتبون لي الافضل ثم اللي بعده من الانواع الثلاثة وهي حديد وستانليس ستيل و نحاس وما يتوفر من معلومات أخرى عن موضوع التمديدات حيث أنني انتهيت من مرحلة العظم الله يوفقكم دنيا واخرة . |
هلا بك تمديدات الغاز كلا هذه الأنواع معمول بها سواءً الاستانلس ستيل والحديد الاستانلس ستيل كمواصفات ومعلومات فنية ممتاز والمستهلكون لديهم ثقة بالحديد كبيرة جداً هناك مؤسسات متخصصة مثل الربيعي والجازي وخلافهم الكثير من الجهات المتخصصة مسألة التمديد تبقى بحسب موقع المطبخ إذا كان بالدور الأرضي فتتم التمديدات قبل مباشرة أعمال بلاط الأرضيات للدور الأرضي والحوش وإذا كان المطبخ بالدور الأول أو السطح فيتم تنفيذ التمديدات الخارجية قبل مباشرة أعمال اللياسة للواجهات بالتوفيق |
طيب أبو إبراهيم الله يحفظك
بالنسبة للمطبخ الأرضي سوف يكون هناك تكسير في الجدار لوضع الماسورة سواءً في جدار المطبخ أو عند جدار السور اللي عنده خزان الغاز فهل نمدد قبل اللياسة لتلافي التكسير؟ |
الله يجزاك خير أخوي ماجد بس وش أفضل الاستانليس ستيل أم الحديد وإذا كان الحديد وين ألقى الحديد الروسي لأني ما لقيته إذا تدلني على مؤسسة أو محل للحديد الروسي مع رقم الهاتف وهل هناك نوع حديد أفضل من الروسي ومن ناحية الاستانليس اذا كان افضل كمان ابغى مؤسسة ممتازة لتركيبه مع رقم الهاتف تحملنا الله يوفقك من حيث ما رحت |
اخوي الشيتان
انا مددت قبل اللياسة لجميع المطابخ السفلية والعلوية والي بالحوش وارتحت والي اعرفه مدد للعلوية قبل اللياسة والسفلية بعد اللياسة بالنسبة للاخ صاحب الموضوع حبيت اقولك تجربتي انا ركبت عن طريق مؤسسة الجازي ومكانهم بالملز دقيت عليهم وجاني المندوب للفلة ومتر وعلمني التكلفة التقريبية وبعد كم يوم جاء ودفعت 80 % من العقد لان هذا نظامهم وعلى طول من بكرة اشتغلوا بصراحة شغلهم نظيف وسريع عندي فلتين فيها خمس مطابخ كل شغلهم ماتجاوز 3 ايام وباقي لهم دفعة اخيرة اذا ركبنا الغاز من الشركة يركبون المحابس وبعض الاكسسوارات وهذا بيكون اذا خلصت البلاط وشطبت وبتسكن وعلى كلامه المواسير من اوكرانيا وعليها ضمان اعتقد 10 سنوات او اكثر |
تسلم أخوي سلطان ممكن رقم المؤسسة اللي ركبت المواسير إذا المنتدى يسمح
|
اقتباس:
المشاركة الأصلية كتبت بواسطة سلطان0911 http://llbf.com.sa/vb/fnoon/buttons/viewpost.gif اخوي الشيتان انا مددت قبل اللياسة لجميع المطابخ السفلية والعلوية والي بالحوش وارتحت والي اعرفه مدد للعلوية قبل اللياسة والسفلية بعد اللياسة بالنسبة للاخ صاحب الموضوع حبيت اقولك تجربتي انا ركبت عن طريق مؤسسة الجازي ومكانهم بالملز دقيت عليهم وجاني المندوب للفلة ومتر وعلمني التكلفة التقريبية وبعد كم يوم جاء ودفعت 80 % من العقد لان هذا نظامهم وعلى طول من بكرة اشتغلوا بصراحة شغلهم نظيف وسريع عندي فلتين فيها خمس مطابخ كل شغلهم ماتجاوز 3 ايام وباقي لهم دفعة اخيرة اذا ركبنا الغاز من الشركة يركبون المحابس وبعض الاكسسوارات وهذا بيكون اذا خلصت البلاط وشطبت وبتسكن وعلى كلامه المواسير من اوكرانيا وعليها ضمان اعتقد 10 سنوات او اكثر اذا ممكن اخي الكريم توضح لنا ماهي نوعية مواسير التمديدات وكم كلف المتر الله يحفظك |
هلا بكم جميعاً الاستانلس ستيل ـ الحديد كلاهما منتج جيد ويفي بالغرض والعديد من الملاك لهم تجارب إيجابية مع هذه المنتجات ولا مشاكل بإذن الله فيها لا شك بأن الاستانلس ستيل يتميز بأنه قطعة واحدة بدون أي توصيلات ومقاوم للصداء وربما تكلفته المادية أعلى الحديد متين وجيد ويحتاج إلى عزل خلال مرحلة التركيب، إضافة إلى أن طول الماسورة الواحدة فقط 6م المؤسسات المتخصصة بالتركيب أعتقد بأنها متواجدة في مخرج 16 (الدائري الشرقي) تتجه غرب بعد أول إشارة بيكون المؤسسات بيدك الشمال ومن هذه المؤسسات الجازي وخلافها بالتوفيق |
اقتباس:
أبغى جوااب على استفساراتي الله يوفقكم |
اقتباس:
مؤسسة الجازي_ الرياض _ الملز المندوب اسمه محمد وهذا رقمه0500072824 |
الساعة الآن 04:31 PM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010