بخصوص البلاط
 

السلام عليكم ورحمة الله وبركاته

اليوم المبلط عطاني أسعار لعمل البلاط شغل يد فقط

الدرج المتر الطولي 50 ريال
البورسلان متر مربع 50 ريال
السيراميك متر مربع 40 ريال

هل أسعاره مناسبة ؟؟؟؟؟؟

هذا حرامي كبير وايضا معظم العماله استغلال واستغفال للمواطن وتخاذل من وزارة العمل تجاههم ، واخص بالذكر العماله المصريه نصابين نمبر ون

وعليكم السلام
هذا نصّاب.. قولي له ذا الاسعار بالبلاط والا بدون!!؟
الاسعار تتفاوت من ٢٠ الى ٣٠ للمتر وفيه ب ١٥ بس مهنا ذاك الزود
اذا انتي في الرياض حطيت لك كم مبلط
بس المشكلة الرئيسية .. لا تكلمينه انتي
خلي رجال يكلمه

متوسط سعر تركيب البلاط يتراوح من ١٧-٢٥ للمتر
والنعلة ٣-٥ ريال للمتر الطولي
واتمنى لك التوفيق

شكراً جزيلاً على الرد الله يجزاكم خير جميعاً ويسعدكم ... أنا في الرياض .. والأسعار بدون البلاط ويااااليت تلحقوني بمبلطين .. ويكلمه رجااال يتفاهم معه ..

والله مافيه سعر محدد هذي تعتمد ع المدينه ووفرة النصابين فيها وتنافس بينهم يعني اليماني مثلا قال بيدهن بيتي ب ٣٥ الف ثم نزلها بعد ربع ساعه ل ٣٠ الف ثم قلت له توكل، وجبت هندي معلم ب ٢٩ مع الواجهات الخلفيه

وزي ماقالو الشباب يفضل رجل يكاسرهم لان هذا سعر خيالي

انا حصلت عمال على 14 ريال للمتر ,, وفيه عماله على 18 ريال ,,
اعلى سعر ممكن تحصله 25 ريال ,,

واكثر من كذا ,, نصب و إحتيال

اين موقعك وماجنسية العمال وشكرا

السلام عليكم ورحمة الله وبركاته

بخصوص الاسعار فهي تتراوح بحسب
1-موقع العمل
2- نوع البلاط ومقاسه
3- جنسية اليد العاملة
4- المساحة المراد تبليطها

بخصوص الاسعار ومتوسط في المدن الكبيرة هي :
من 25 الى 35 ريال للمتر المربع للسيراميك والبورسلان مقاسات 15*15 الى 80*80
الدرج يحسب بالمتر الطولي ويتراوح من 35 ريال الى 45 ريال
النعلة من 3 ريال الى 5 ريال للمتر الطولي
الموزاييك يتراوح من 35 الى 50 حسب المقاس والتصميم
تبليط الرخام الالواح 40 ريال الى 60 ريال للمتر
البلاط البلدي يتراوح من 18 ريال الى 25 ريال للمتر المربع
طبعا الاسعار تقريبيه وتختلف حسب ما ذكر سابقا


تقبلوا تحياتي

السلام عليكم

بعد البعث وجدت مبلط باكستاني بسعر 33 ريال للبورسلان والسراميك
40 ريال للرخام 10 ريال للنعلة !!!
وبدون عقد ... اطلعت على شغله ممتاز .. لكن تخوفت من عدم وجود عقد !!!

وش رأيكم ؟؟؟

سعره غالي و استفد من كلام الأخوان

حنا في القصيم ماسك لنا المبلط ب

18 للمتر

الأسعار هذي غاليه جداا متوسط الأسعار من 16 الى 20 للسراميك وال بورسلان والنعلات من 4 ريال الى 5 ريال وإذا الأرضيات بتسوي لها صبه لتركيب ال بورسلان بالغرا الصبه 10ريال للمتر شغل يد وتركيب رخام الدرج من 25 الى 35 للدرجه

اختي بنت النشامى

يا اختي ،،،، الاسعار فوق ال ٣٠ ريال. اسعار ناريه ،،، الا اذا كان المبلط شغال في ارامكو

التوووب مررره ٢٠ ريال و التحميل عليه هذا للسيراميك ،،،الخ

الرخام المتر ب ٢٥ ريال

النعلات المتر قص و تركيب ب ١٠ ريال ع ما اذكر

البندوره المتر ب ١٥ ريال ع ما اذكر

وبعدين اذا شغله توووب التوووب. زيديه ريال في المتر

البرررنس

ويييين الله يرحم والديك ماااا حولك شيء !!!
أمس أوشكنا على ابرام العقد على سعر 28 ريال للبورسلان والسراميك .. 40 ريال للرخام .. وفجاءة رفض الهندي
والله كان عندي استعداد أزيده .. لكن تحجج بشغل عمارة كفيله ..
فالفزعه بمبلط ... لكن ابيه فنان !!!
طرار ويتشرط ... ههههههه

بنت النشامى من جد ذولي نصابين. اجل 40 ريال للمتر تبليط شوفي احنا اخذنا مبلط المتر ب25 ويعتبر غالي. لان المبطلين بالكثير 20 ريال. بس لان شغله مميز انحدينا عليه وقبلنا ب25 ريال للمتر وجنسيته هندي جنا كم واحد باكستاني المتر ب20 بس رفضهم زوجي والحمد لله توفقنا كثير مع المبلط الهندي لو بتنتظرين شهر او ثلاث أسابيع أكون قد خلصت من البلاط أعطيك رقمه لآني انا من الرياض

وعلى فكره فيه شغالات يتحملها المبلط عندنا هي تحميل البلاط والدفان عليه وما توقعت تحميل الدفان غالي لانه دخل دفنا لدور الأرضي ب٦٠٠ ريال. وطبعا جاب عمال يساعدونه لان هو يبلط لحاله يعني شغله رائق محد يشتغل غيره لان اذا كثرت الأيادي فسدت الطبخه وصبه الدرج عندي فاشله ما فيه درجه نفس مقاس اختها قال بعدله لك وبي رفع الصاله عندي درجه وكل هاالشغل فيه بناء وَبَلوك مع كذا ماتشرط متر نفس الشي ٢٥ والدرج ٣٠

أم تركي

تكفين ألحقيني برقمه نبرم معه عقد ويشتغل عندنا بعد مااا تخلصين منه ...على باااال ما نحضر المواد تكفييييين ... الله يسعدك

اهلين اختي بنت النشامى


بالرياض ما اعرف احد ،، و يا ليت تبحثين في منتديات اسمها عالم حواء بصراحه و انا رجل استفدت من تجارب الاخوات ....

واكيد المهندس عنده ارقام لبعض المبلطين الممتازين ،،،،

اهلا بالجميع
بالنسبة للسراميك والبورسلان لا تتعدى ال 30 ريال مع صبة الأرضية و20 ريال بدون صبة والوزرة لاتتعدى 4ريال للمتر الطولي

ياليت الي يعرف شخص متميز يحط رقمه ليستفيد الجميع

هو ممكن ياخذها قطوعة أو بالمتر وغالبا المتر يبدأ من 20 اذا كانت المساحات كبيرة
توني جاي من محلات السيراميك وسألتهم لان عندي مساحة كبيرة لمشروع عطاني بسعر 22 للمتر

نبذه مختصرة
 

السلام عليكم جميعا
نحنوا مؤسسه يوجد لدينا مجموعه من العمال الماهرة في التركيب قول وفعل وبمتابعه مني انا الكفيل شخصيا لمي لايحصل اي خلل في التركيب او التطبيل او التكسير في البلاط نحنوا بأذن الله متمرسون ومتهيئون لاي اعمال وبأسعر مقبوله
الارضيات 22 ريال
الحوائط غراء25 ريال
الحوائط خلطه 30 ريال
الوزره او النعله 3 ريال
الرخام لدرج 30 ريال
سألين الله الترفيق والسداد
جوال رقم لمن يحتاج 0532326233
احمد الشبيلي

السلام عليكم
نحييكم بنحية الاسلام
السلام عليكم ورحمة الله وبركاتة
يوجد قسم خاص باعمال البلاط والسيراميك بالمؤسسة
مبلطين هنوووود
جودة عالية
اسعار مناسبة حسب ظروف مكان العمل
البلاط 25 ريال
السيراميك والبورسلان مقاس 60×60 فاقل 28 ريال
السيراميك مقاس 80 ×80 30 ريال
السيراميك مقاس 1 متر فاعلى 35 ريال
الرخام عادى 35 ريال
الرخام الواح مقاس 1 متر فاعلى 50 ريال
الدرج العادى والدائرى 45ريال
الاسعار تشمل اعمال التشوين من دفان وبلاط ومواد فقط اما اسعار المواد على الزبون
للتواصل جوال : 0533680003
ابو عمرو

السعر غالي جداً

مهما اختلفت المناطق واختلف نوع وحجم البلاط او البرسلان يكون السعر دائما مابين 15الى 25 ريال للمتر شغل اليد اكثر من كذا المبلط نصاب

أسعار مبالغ فيها
يجب الى يتعدى المتر الأرضي ٢٠ريال اذا كان معلم وفاهم شغله
اهم شي عدم الاستعجال خلي المبلط يجي البيت مرتين وثلاث وبعدين اتفق معه
ابتعدي عن المؤسسات حاولي تتفقي مع عامل مباشرة والدفعات بعد الشغل ��

انا مقاول بلاط الي يبغا يكلمني اسعار راح تعجبك بس الي يهمنا الشغل يكون 100%
0533196488

لوسمحتوا ايش رايكم في البورسلان الهندي المسمى بالجرانيت عند عامة الناس وهو قص ليزر 120×60