منتديات للبناء فنون

منتديات للبناء فنون (http://www.llbf.com.sa/vb/index.php)
-   الاستشارات الهندسية (http://www.llbf.com.sa/vb/forumdisplay.php?f=5)
-   -   رقم جباس ضروريي (http://www.llbf.com.sa/vb/showthread.php?t=5260)

شادن 05-25-2012 06:58 PM

رقم جباس ضروريي
 
مسا الخير
الله يجزاكم الجنه ابي رقم جباس شاطر بالخبر و شغله يكووووون مجرررررب لان زوجي عجز ان يلقى جباسين ماهرين بشغلهم

ام تالين 05-25-2012 11:22 PM

سلام عليكم قبل يومين خلصنا من الجبس اللهم لك الحمد جباسنا مغربي وشغله نظيف جدا ومتاااز ماشا الله احنا عملنا المتر 75 ريال
احنا بالفاخريه بالدمام لو تحبي ارسلك رقمه ...

شعوله 05-26-2012 02:09 AM

حياك الله اختي


اذا ماتعاملتي مع صاحب ديكور ام تالين

ممكن افيدك في صاحبنا مغربي واكثر من رائع شغله ماشاءالله

سماهر 05-26-2012 02:43 AM

مساء الخير
شادن الجبس اللي ماسكه لنا سوري تابع لمؤسسه بس لين الحين مخلص شغله وشل الشغل متقن نفس الصوره يطبقها وانا ابني بالندى طلعنا جيران يام تالين

شادن 05-26-2012 03:37 PM

الله يجزاكم خير ياليت ترسلووووووووون لي الارقام واكون شاكرررررررره لكم

شادن 05-26-2012 03:40 PM

ياليت يام تالين ترسلين لي صور من الجبس الي خلصتوووه انا دايم اسمع عن شغل المغاربه وادي اشوووووف الشغل

حاكم 05-26-2012 07:08 PM

السلام عليكم ورحمة الله

بعض النقاط من رحلتي في البحث عن الجبس واتمنى تفيدكم


المغاربه عيبهم مايستخدمون الجبسمبورد ابداً
يعني كل شغلهم بالجبس العادي فقط
حتى الله يعزكم دورات المياه
واسعارهم الأغلى طبعاً
.
,
الجبس العادي مافيه مشاكل
ولكن لو تحسبها بعد مايخلص من العمل
تلقى نفسك حملت البيت فوق 5 طن جبس
غير كذا أحس السقف لازم يكون جبسمبورد أشييك وأجمل وأخف
مع ان البعض يقول الجبس أقوى ويتحمل ..

.
.
المغاربه يجيبون معاهم القوالب
ويصبون الجبس في البيت ويركبونه وهو بارد
وأغلبهم يشتغل على حسابه يعني بيسكن في البيت لين يخلص

.
.
لاحظت أغلب عمال الجبس يقول لك جيب صوره
واسوي لك مثلها ...!!
:confused:

أنا صراحه ما احب كذا وأبحث عن التمييز
اذا انتو نفس التفكير قولي لزوجك ياخذ المخطط معاه ويروح
في اخر الصناعيه بالدمام "الخضريه" جهة سيهات
هناك يوجد جميع مصانع الجبس
أنا درت عليهم كلهم
ولقيت أفضلهم من ناحية دقة الرسم والاحترافيه في الفينشينق
هو
الشايب "ابوحسن" المغربي
مشكلته ما يركب الجبس
فقط يبيع القطع حبه حبه

جميع الموديلات والاشكال ومدارس فن الجبس عنده
وأغلب محلات الديكور الراقيه يتعاملون معاه
.
.
من المخطط تقدرون تختارون الشكل المناسب والاطوال المناسبه من عنده

وعنده ايضاً عمل اشكال خاصه وحصريه
يعني ترسم شي أو تكتب أسم أو حرف وهو يسويها قوالب
أسعاره معقوله نوعاً ما


أنا للأمانه ماتعاملت معه الى الحين

ولكن شفت المصنع وتكلمت معه
وناوي اذا وصلت مرحلة التشطيب
اشتري الجبس من عنده واجيب عمال يركبونه
..
عندي رقمه وعندي ارقام 3 مغاربه هم الافضل حسب كلام اللي تعاملو معاهم
ولكن ماحطيت ارقامهم لاني ماجربتهم
وهذا كان شرطك من البدايه
.
.
دمتم بخير


.
.
.

شادن 05-26-2012 07:45 PM

مشكوووووور ماقصرت على الشرح ياليت ترسل لي الارقام يتفاهم معهم زوجي

لازورد 05-26-2012 08:05 PM

بنات الله يرضى عليكم احسبو حسابي في ارقام الجباسين

محتاجه ارقام عماله ثقه

شعوله 05-27-2012 03:19 AM

أهلين

تعقيبا على كلامك أخي

أول نقطه ..
الجبس العادي افضل من الجبسنمبورد لتشكيله بسهوله.
ثاني نقطه ..
معروف جبس المطابخ ودوراة المياه ينعمل بالجبس الفرنسي

ثالث نقطه ..

استغرابك انه المغاربه يحضرون القوالب في البيت !!
ماشفت قوالب معاهم ماعدا قالب البلاطه اللي تنعمل بالبيت
وكان شرطنا انه ينعمل بالبيت لنتاكد من الجبس المستخدم
لانه بعضهم عديم الامانه فيستعمل الجبس السعودي الافضل
القطري .
اما الجبسنمبورد لعمل الديكورات المسطحه . وان حصل تشكيل بكون مكلف .
نقطه الرابعه ..
بالنسبه لاحضارك لصور هوعامل ديكور وليس بمصمم ديكور



اخي انتبه من شراء الديكور قطعه قطعه على كلامك

لانه بعد مايركبه لك العامل راح تبان معك بدابة القالب ونهايته

وهذا شكله بالديكور موحلو حلات قطعة الديكور تجيك كامله
من غير ماتبين حدود الديكور .


الساعة الآن 05:50 PM.

Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010

a.d - i.s.s.w