تمديد الانترنت لداخل المنزل
ممكن مهندس ماجد او احد الاخوان الخبره
يشرح لي موضوع تمديد الانترنت بالتفصيل يعني انا ابغى مودم مثل بالملحق الخارجي وابغى نت بالصاله فوق بس ماابغى اشترك اشتراكين يعني مودم الملحق هو الاساسي والصاله الي فوق مقوي مثلا ممكن احد يشرح لي بالتفصيل من الالف للباء وجزاكم الله خير الجزاء |
عندك حلين :
الاول : تمدد اسلاك من الصاله الى الملحق عن طريق الكيبل الثاني : ان يكون فيه مقوي بالصاله وايرلس يلقط من الملحق |
الحل الاول كيف اخوي ممكن تشرحه بالتفصيل ؟
يعني ركبت المودم بالملحق الى هنا واضح طيب وبعدين كيف يصير |
هلا بك أخي الكريم ننصح دائماً بتمديد كيبل انترنت "كات 6" من مكان المودم الرئيسي بالبيت واللي عادة يكون بالصالة أو بالقرب من مكان السنترال الكيبل كات 6 يوصل إلى جميع الغرف بالبيت ويكون مكان التجميع بالقرب من موقع المودم مستقبلاً تركب المودم وتوصل إلى جميع البيت طبعاً المودم فيه تقريباً 4 أو 5 مخارج فقط بإمكانك شراء مقوي يوفر لك مخارج أكثر الأهم خلال عملية التمديدات توصيل كابلات الكمبيوتر كات 6 لجميع الغرف والملاحق بالتوفيق |
اشكرك اخ ماجد على تعاونك
انا بقولك وش ابغى عشان يسهل عليك ايجاد حل انا ابغى مكانين فقط يوصلهم نت الملحق الخارجي وصالة فوق فقط جميع الغرف واي مكان ثاني ماابغى يوصلها نت ابغى فقط زي ماذكرت الملحق الخارجي مع صالة فوق ف كيف الطريقة؟؟بالتفصيل لاهنت |
هلا بك هذا يعني وضع المودم بالصالة داخل البيت حيث يكثر الاستخدام داخل المنزل ويتم توصيل كيبل كات 6 من مكان المودم إلى الملحق الخارجي ومستقبلاً يوضع هذا الكيبل بالمودم ويتم توصيله بالكمبيوتر أو مقوي أو واير لس داخل الملحق بالتوفيق |
هلا اخوي : انت تبي الاتصال وايرلس ولا بتحط كيبل
وبعد طريقة المهندس ماجد حلووه >>> بصراحه طافتني اخوي حط المودم بالصاله و حط مقوي بالملحق و انتهينا >>> هذا اسهل حل و المقوي تلقاه بإكسترا و راح يشرحون لك طريقة استعماله |
مشكلة الاسلاك لم اجد لها حل
عيالي يلعبون اون لاين وكل واحد ممد له سلكين من المودم للغرف الي فيها اجهزتهم يعني طالع من المودم 6 اسلاك والواير لس يقولون ضعيف باللعب ايش الحل ؟؟؟ جبت اجهزة توصيل النت بالكهرباء من المودم وماعجبتهم فيه فكرة في بالي من فترة بس مدري تنفع والا لا تذكرون افياش الانتل القديمه ؟؟؟ هل من الممكن ان يبدل الكهربائي اسلاكها ويحولها لاسلاك النت ؟ واحط الجهاز في المدخل او في المجلس ويتوصل لبقية الغرف من خلال هذي الفتحات ....ممكن ؟ |
اقتباس:
شوووف جيب سلك شبكة خاص بالشبكات تحصله عند محلات الكمبيوتر ووصلة من الملحق الخارجي مكان المودم الى مكان عالي في الصالة يفضل المكان بجانبه فيش كهرباء ، جيب من السوق مودم وايرلس اشبه بالمودم اللي عندك يكون عادة بدون منفذ خط تليفون ، ركبه بالصالة واشبكه بالكهرب ووصل سلك الشبكة فيه وبالمودم اللي في الملحق بالطريقه ذي راح يعطيك أداء مثله مثل المودم اللي في الملحق الخارجي . |
اقتباس:
|
الساعة الآن 03:18 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010