مهندس ديكور داخلي على كيف كيفك
 

السلام عليكم ورحمة الله وبركاته
أتمنى الجميع بصحة وسلامة،،،، تعاقدت مع مهندس ديكور داخلي،،، معرضهم بأرقى منطقة بالرياض وتشتهر بالمعارض الكبيرة المتخصصة بالبناء والديكورات المهم
الكلام معسول،،،، والشكل جنتل مان،،،، ورائحة العطر ما شاء الله،،،، عطاني مخطط مبدئي فلما وريته أحد الزملاء وهو متخصص بالبناء وهالأمور فلما شاف المخطط قال :D:D:D

أسمح لي هاللي مسوي المخطط ما هو مهندس ديكور وأول مره الظاهر يسوي مخطط
:confused::confused::confused::confused::confused:

بصراحة ضاق صدري ومشيت الأمور

اليوم بالصدفة جاني واحد من الشباب بالفيلا ومهندس الديكور عندي

فسلم عليه وأنا عرفت رفيقنا بمهندس الديكور

ورحبوا ببعض وانتهى اللقاء

اتصل بي رفيقي وقال يا الحبيب مهندس الديكور حقك هذا أعرفه عز المعرفة
هذا ((((((نجار)))))) عنده منجرة وهو اللي مركب أبواب بيتي قبل كم سنة
:mad::mad::mad::mad::mad:

وش رأيكم،،، اتصلت فيه وقال انا مهندس ديكور وفعلاً كان عندي منجرة والآن خليتها وأتجهت للديكور!!!!!!!!!!!!!!!!!!!

وش رأيكم
المشكلة ما خذ مني مبلغ وقدره

آه قلبت المواجع

انا نفس الشي من مهندس لمهندس


تصدق وحده اعرفها عز المعرفه فاتحه محل بشمال الرياض وكاتبه عليه المهندس واسمها
وهي ما معها الا شهادة الثانويه فقط


غير كذا الذوق ابد مو حلو

كثير اللي مثل كذا .. ولكن المشكله مو فيهم ابدا المشكله فينا .. اللي ننبهر بالمظهر والموقع ولانسأل عن المشاريع اللي صممها ولا شهاداته .. وكم صار له في هذا المجال
وسؤال من تم العمل لهم عن اداءه

الله يسهل امرك حنا شعب طيب وبسرعه ننخدع ..............................

ياخى ابقول للك اذا شغله زين مايمنع انه يكون نجار


اهم شئ ذوقه حلو


ياخى عندنا واحد يشتغل فى محل شاكلت فى الخبر بس الولد ذوقه رائع وعلى فكره مش مهندس ديكور ولا شئ


لكن الشغله ذوق



كلمنى مره مواعدنى فى قصر فى الحزام يصممه داخلى


ارجع اقول لاتهتم باى شئ اهم شئ يرضيك ويرضى ذوقك


ولا عليك من شهادته انت منت موضفه


هذا من وجه نضرى

وجهة نظر نحترمها بكل تاكيد اخي الكريم ولكن ..

ان كانت المسالة مسالة ذوق فقط حسب كلامك فنحن لاينقصنا منه شيء وبذات المراءه التي غالبا لا يرضيها الا الذوق العالي فهي تضيف وتعطي للبيت لمسات غالبا ماتكون اجمل في الديكورات ..

ولكن ليست المساله بهذه البساطه الت صورتها ..

المسالة ان يكون هناك استغلال لجميع مساحات البيت لاعطاء شكل جميل واستخدام مريح وسهل وامن
اي الاستغلال الامثل للمكان من الناحية الوظيفيه والجمالية والتناسق بينهما


بعضهم يجعلك تشعر ان الغرفه او البيت الصغير كبيره جدا .. بلمسات بسيطه ..

اما الالوان فهذه علم قائم .. كيفية اختيارها وتنسيقها ومناسبتها للمكان .
اما الاضاءة فن بذاتها .. اين موقعها حجمها جداريه ام لا .. خافته .. مشعه .. والكثير الكثير ..


كل هذا واكثر يكون معلوم لدى مهندس الديكور المتقن لعمله .. بغض النظر عن الشهادة - والتي لايمنع السؤال عنها .

باختصار المسألة اكبر من تصور انها مقتصر على الذوق .

دمت بخير

السلام عليكم ورحمة الله وبركاته
ياخي اذا شغله حلو كويس
واذا شغله مو كويس انت الغلطان من البدايه ومن المفترض ان تشاهد كذا عمل وتجلس مع الاشخاص الي اشتغل معهم حتى تعرف هل هو صادق ام يكذب
اذا شغله مضروووووووب مسكه الباب ودور غيره والله يخلف على افلوسك