|
هراب الغساله والمغاسل
السلام عليكم شهر مبارك على الجميع عندي سؤال حول 1 هراب مجلى المطابخ 2 هراب المغاسل 3 هراب غسالة الملابس 4 هراب غسالة الصحون هل الافضل تكون داخل الجدار مدفونه ام تكون خارج الجدار افيدوني بسرعه جزاكم الله خير |
نفس السؤال يااااجماعة الخيـــر ،،،
|
وعليكم السلام ..
بحكم تجربة المطبخ لا تحرص انه يكون في الجدار .. مُتعب جداً المغاسل ما تفرق .. على حسب تصميم المغسلة .. اذا انت بتخليها بدون دولاب .. الافضل تحطها في الجدار عشان تخفي الماصورة اذا فيه دولاب او المغسلة بعمود .. عادي تحطها في الارض او بزاوية 45 في الجدار .. غالباً الهراب يتسدد في المطبخ. بالنسبة للملابس والصحون .. تصريف الماء يكون عبارة عن مضخه موجودة في الآلة .. لذا بيكون الضغط اقوى من الجاذبية .. وما راح يتجمع شيء يسد لك الماصورة. حط في بالك .. غسالة الصحون لابد من شطف الصحون بالماء قبل وضعها في الغسالة .. عشان تريح بالك من بواقي الأكل ومسألة الانسداد الماصورة فيها لازم تكون مرتفعه شوي .. على ما اعتقد نص متر .. شينة تحطها خارجية .. راح تحدّك من انك توصل الآلة الى اخر الجدار. انا بصراحة حطيتها في الجدار وخليت الماصورة بوصه ونص الى بوصتين .. عشان اضمن ما تنسد. اتمنى افدتك |
amdady
جزاك الله خيــــر على هالشرح المفصل ... أنا عندي جميع المغاسل جداريه الخلاط والتصريف ... لكن أنا في حيرة الأن أريد المغسله بدون دولاب وبدون أعمدة !!! فما أدري كيف تتثبت على الجدار وخصوصاً أنها لوح رخام قطعة واحده متصلة تحمل 5 أحواض وعرض طبعا 60 سم ؟؟؟ |
اقتباس:
رحت له بدافع الفضول احسبهم يسوون رخام الدرج .. قال احنا متخصصين للمغاسل و المطابخ .. عندهم فوق ال 25 نوع .. بمختلف الأسعار .. يجون يمترون لك المكان .. ويركبون لك الألواح الرخامية على حسب التصميم اللي تبينه . سالته عن طريقة التثبيت .. قال يستخدمون حوامل حديد دار ما دار الرخام .. طريق الخرج و التخصي مليان محلات مغاسل .. اذا تبين كرت ذا المصنع جبته لك .. بس الشهادة لله ما اعرفعن شغلهم .. لاني ما بعد وصلت لذا المرحلة الى الآن. |
amdady
الله يسعدك ويوفقك ويسر أمورك ... وش اسم هذا المحل اللي يركب بدون أعمدة وموقعه بالضبط ؟؟؟ لأني شريت خلاطات راقية جداً وثمينه !!! وماااا ابغى لها أي مغاسل ... زي مااا يقولون ((( يا من شرى له من حلاله علـــــه ))) الخلاطات اللي شريتها زي كذا تقريباً :::---- http://img819.imageshack.us/img819/4193/pjvm.jpg   |
ما شاء الله الخلاطات تشرح النفس .. كان ودي أسوي مثلها بس يوم فكرت بصيانتها هوّنت .. واكتفيت بحقات الشور ..
باذن الله بحط الكرت حقه في الموضوع ذا .. وفي نفس الوقت اشوف عندنا في الدوام مغاسل بدون أعمدة .. عبارة عن قاعدة رخامية .. خليني اصور لك طريقة تثبيتها عشان توضح لك الصورة. |
1 مرفق
السلام عليكم ورحمة الله وبركاته كما تفضل الاخوان في شرحهم للهرابات احب ان اضيف بعض النقاط المهمة وهي الافضل وضع جميع الهربات معلقه لعدة اسباب ومنها : يمكن التنظيف اسفل المغاسل ولا يكون هنالك عائق في التنظيف شكل جمالي حيث يمكن الاستفادة من اسفل المغاسل حيث يكون دواليب مغلقه الكثير يتحدث عن المشاكل لا يوجد أي مشاكل تحدث في المغاسل المعلقة من واقع خبره لا تقل عن 7 سنوات في مجال البناء وعلى العسل المعلق اقل خطورة لتعرض الماسورة للكسر . الارتفاع المناسب للهراب تقريبا 55 سم للمغاسل والمطابخ والغسالات بخصوص الرخام المعلق يتم عن طريق عمل كراسي جديديه يتم تثبيتها على الجدران ومن يحمل الرخام على الكراسي الحديدية . بخصوص الغسالات حاليا الكثير منها لابد من ان يكون التهريب معلق حتى تستطيع التصريف جيدا . |
1 مرفق
كرت المحل مرفق
|
| الساعة الآن 07:06 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010