استشاره في قواعد العماره
 

السلام عليكم ورحمة الله وبركاته اخواني انا اول مره ابني وبي مشورتكم عندي مخطط المساحه 288اي 16/18 وبي ابني دورين وملاحق لارض عندي صخريه بعد 40سم السوائل كم طن حديد والحديد كم ملي وكلا عام وانتم بخير

وعليكم السلام ورحمة الله وبركاته
كل المعلومات هذي تلقاها في المخطط الانشائي يا طويل العمر ..
اذا المكتب الهندسي اللي سوالك المخطط ما بينها لك .. ارجع له وقل له يوضحها

برضه اقول كل ماسئلت عنه موجود في المخطط الذي صممه لك المكتب الهندسي على شكل جداول مثال : جدول تسليح القواعد ، جدول تسليح الأعمدة ، جدول تسليح الكمرات وجميع أعداد الأسياخ و والمقاس سواء حديد 16 أو 14 أو12 8 ملم وتحتها تعليمات خاصة بطريقة التنفيذ . وكل عام والجميع بخير .

اخواني الارض الي ابني عليها خارج المدينه يعني مخالف وبدون مكتب هندسي ونا الي سويت المخطط

ياجماعة بالنسبة للمخطط الارض بدون صك وبي اخذ مخطط بس ابي حساب مواد البناء مع العلم ان الارض صخريه بس ابي اعرف كم طن حديد وكم قاعده وكم مقاس الحديد المساحه288ودمتم بخير

انت الان جالس تغامر.. بحياة اللي بيسكنون المبنى
احتمال يجي واحد او مقاول مسوي فاهم و يفتي لك
بس صدقني ذا الامور ما ينلعب بها..

رح لاقرب مكتب هندسي و ب ٥٠٠٠ بالكثير يسوي لك المخطط
ما يحتاج ان الارض يكون لها صك .. قل له ما ابي رخصة بناء.

مشكور اخوي يعني اطلع مخطط وربك يسرها