|
الفرق بين الرجل والمرأة بعد الرجوع من العزيمة
شوفوا الفرق بين الرجل والمرأة إذا رجعوا من عزيمة أولاً :المرأة تتحدث مع أختها المرأة: يوووه فاتك نص عمرك.. توني جايه من العزيمة أختها: وش حطوا؟ المرأه: يو يو يو، شيء يجنن، ما فيه شي ما حطوه ، أول شي الشاهي، فناجيلهم تجنن مزخرفة ومسكاتها ذهبية، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيييره لونها أخضر، والمكسرات تموووووت، حاطين كل كسرة في كيس!:eek: وإلا العشاء ياربيييييه يهبببببل (ويستمر وصف الأكل ساعة ونصف) أختها: جت نوف؟ المرأة: إيه جت، يالله لبسها يجنن، لابسة فستان وردي مطرز بكرستال بني، لبسها من جد ياخذ العقل أختها: لا يكون نفس اللي لبسته قبل 5 سنوات؟ المرأة: لا لا هذيك المرّة لابسة فستان أحمر مو وردي ولا كان فيه كرستالات أختها: أجل شكلها لابسه فستان بنت عمها أريج لأني شايفه اللبس هذا عليها في عرس بنت خالتي . المرأة: إيه والله، يووووه يا خزياه، والله إنها ما تستحي ؟ لا وأريج تدرين إيش لابسه ؟ اليوم لابسه لبس يقررررف شكلها اشترته من محل أبو ريالين أختها: وجزمتها؟(الله يعزكم) المرأه: ما أدري ماشفتها، تصدقين طول العزيمه وانا احاول اشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت ... لبسها كان طويل مرة ومغطي رجولها اختها: اكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟ المرأه: وععععع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله المسكة بعد يووووووووه مالها داعي، ما ادري مين النذلة اللي حاطه لها المكياج ، شكلها زوجة ابوها اختها: طيب وتسريحة الشعر المرأه:حقت مين؟ نوف والا اريج؟ اختها: كلهم المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل، اختها: كحكحي؟ يعني ايش؟ اختها: ماتعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني ،،،اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط اختها: على طاري الخدامة؟ خدامة اريج وش لابسه المرأه: الخدامة لبسها عادي، لكن جزمتها تهبل ماكأنها جزمة خدامة، لونها اسود وعليها خيوط فسفورية اختها: صدق والله؟ هذي مو جزمة اريج؟ المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة. ويستمر الحش إلى صلاة الفجر ( رحمت اريج حتى خدامتها شرشحوها :)) يا لبى قلوبنا:p ---------------------------------------------------------------------------- ثانياً:الرجل يتحدث مع أخيه الرجل: السلام عليكم، توني جاي من العزيمة وترا كلهم يسلمون عليك كثيرالسلام اخوه: الله يسلمك ويسلمهم قراءه ممتعه;) |
اقتباس:
ثانياً:الرجل يتحدث مع أخيه الرجل: السلام عليكم، توني جاي من العزيمة وترا كلهم يسلمون عليك كثيرالسلام اخوه: الله يسلمك ويسلمهم قراءه ممتعه;) هههههههههههههههه ام الفهد |
لموس نورتي عزيزتي ،،،،،،شفتي التسريحه الكحكحي خخخخخخخخخخ الموضه الجايه بتكون التسريحه الشهشقي خخخخخخخخخخخخخ اللي يشوفها يشاهق من حلا تها:eek: |
يازين الإختصارعند الرجال، كلمه ورد غطاها.
|
هذا التناقض العجيب بين الرجال والنساااء
هو سر تكوينهم ..... تأتي المراءه لتطرح مشكلة طويلة عريضه .. فتتفاجاء .. برد منطقي وسهل ومختصر من الرجل .. مما يزيد من غيضها .. لتكتشف انها لاتريد الحل .. بل تريدك ان تشاركها همها .. وتتفاعل بكل جوارحك .. وبكثير كلماتك حتى وان كانت لاتفيد ... اذكر قرأت كثيرا عن هذا الاختلاف ومن اشهر هذه الكتب .. المرأه من الزهره والرجل من المريخ وكذلك كتااااااب المراة البحر والرجل المحيط للاستاذ عبدالله الداود .. مما يتيح لك معرفة اسرارالجنس الاخر .. ........................ ام الفهد دمت بخبر |
أم الفهد ..ليه الفضايح..!!
بس أعتقد أن هذا الصنف من النساء انقرض والرجل في نظري....مايميزه هو اختصاراته |
والله الى الان نحش فى الحريم لما نرجع من العزيمه
شكله ماعاد عندنا ولا حسنه وحده كل الحسنات تضيع فى الحش استغفرالله تسلمين ام الفهد جبتيها صح الله يعطيك العافيه |
اقتباس:
المشاركة الأصلية كتبت بواسطة ام الفهد http://llbf.com.sa/vb/fnoon/buttons/viewpost.gif لموس نورتي عزيزتي ،،،،،،شفتي التسريحه الكحكحي خخخخخخخخخخ ههههههههههههههههههه اقول ام الفهد ماشاء الله عليها ذاكره فستانها قبل خمس سنين ماشاء الله عليها ذاكره قويه تهقين نذكر مثلها والله ماقصرو بس مافيه ولا جمله تفيد للاسف الموضه الجايه بتكون التسريحه الشهشقي خخخخخخخخخخخخخ اللي يشوفها يشاهق من حلا تها:eek: هههههههههههههههههه ربي يسعدك |
اقتباس:
المشاركة الأصلية كتبت بواسطة كافور http://llbf.com.sa/vb/fnoon/buttons/viewpost.gif هذا التناقض العجيب بين الرجال والنساااء هو سر تكوينهم ..... تأتي المراءه لتطرح مشكلة طويلة عريضه .. فتتفاجاء .. برد منطقي وسهل ومختصر من الرجل .. مما يزيد من غيضها .. لتكتشف انها لاتريد الحل .. بل تريدك ان تشاركها همها .. وتتفاعل بكل جوارحك .. وبكثير كلماتك حتى وان كانت لاتفيد ... اذكر قرأت كثيرا عن هذا الاختلاف ومن اشهر هذه الكتب .. المرأه من الزهره والرجل من المريخ وكذلك كتااااااب المراة البحر والرجل المحيط للاستاذ عبدالله الداود .. مما يتيح لك معرفة اسرارالجنس الاخر .. الله عليك كااافور ربي يسعدك ويجبر خاطرك كلماتك تثلج الصدراحترامي وتقديري لك لمسة فنون |
هههههه
أم الفهد كان خليتي الطابق مستور الله يهداك ياحبكم حق الفضايح يالنسوااان |
| الساعة الآن 12:02 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010