|
سعودي ينصح اليابانيين :)
تعلم أن اليابانيين أكثر شعوب العالم المتقدم حرماناً من العطلات ،
اذ لا يتعدى متوسط اجازاتهم تسعة أيام في العام بينما الفرنسيون هما أصحاب النصيب الاكبر من العطلات بمتوسط يبلغ 34.5 يوم سنوياً. وتمنح الولايات المتحدة العاملين ثاني أقل عدد من العطلات سنويا بمتوسط 17 يوماً يأخذ معظم العاملين منها 14 يوماً ، ويمنح النيوزيلنديون 19.5 يوم سنوياً يستهلكون منها نحو 17 بينما يستخدم الاستراليون 16.5 يوم تقريباً من اجمالي العطلات وعددها 20 يوماً. مساكين يااليابانيين صدق أنكم شعب محروم من الراحه تهجولون في ذا الدنيا لا راحه ولا نوم ولا فلة حجاج علشان تقدمون اختراعات تفيد الانسانيه همن بتموتون واللي ما اسلم منكم بيخلد في النار وخلوا الانسانيه وسوني ومتسوبيشي وتويوتا تنفعكم اقول خلوكم مثلنا بس والله ياالانسانيه ما قامت ولا قعدت عندنا فالين ام الحياة.. اجازات ونوم وتسدح وتبطح ولله الحمد والمنـّه شوفونا ايام السنه 365 واجازتنا 355 يوم الموظفين..شهر أجازه نظاميه و10 ايام اضطراريه و3 شهور تروح ما بين اجازاة وفاة والديه وعمانه وعماته وخواله وخالاته وامهاته من الرضاع وابوانه من الرضاعه واصدقاه من الرضاع الموظف السعودي هو الوحيد في العالم اللي تتوفى له 12 جده و12 جد في السنه.. ومنها شهرين استئذانات من المدير علشان يجدد الرخصه والاستماره ويضيف ولده في دفتر العائله ويسجل ولده الثاني في المدرسه ويطلع ولده الثالث من مرورالناصريه .. و55 يوم يطلع من الدوام يبلغ الشرطه عن شغالته المنحاشته و3 شهور اجازات مرضيه منها شهر ونص في السنه اجازات خلع اسنان .. تماسيح مهوب موظفين وبعدين مدري وش ذا الاسنان اللي يخلعونها وتنبت .. تصدقون يا جماعه ان بعضهم يكون باقي عليه ويتقاعد سنتين ويجيب اجازه مرضيه بسبب خلع ضرس عقل واللي موقع الاجازه طبيب نساء وولاده والطلاب والطالبات اجازات الصيف 3 شهور ومعها مكرمه من اهالي الطلاب نص شهر واجازة حج 20 يوم معها مكرمه 10 ايام من اهالي الطلاب والطالبات و10 ايام اجازاة نص سنه ومعها 15 يوم مكرمه من اهالي الطلاب والطالبات واجازة ربيع ومعها 15 يوم مكرمه من اهالي الطلاب والطالبات واجازات امطار واجازات غبار وغيابات بسبب الانفلونزات وغيابات للطلاب بسبب هزايم فرقهم.. واللي مسكوه المرور وخلوه يفك انوار الزينون وعلم ابوه ولعن جدفه ..وتعبت نفسيته وغيابات للطالبات بسبب ان بطونهم توجعهم وغياب لان نفسياتهم تعبانهم .. واسباب تعب نفسيات البنات متعدده اللي قصت شعرها وطلع وع واللي محد عطاها وجه على البي بي واللي طلعت لها حبة شباب في خشمها وقاعده طول الليل تراقب ذا الحبه لين تعبت نفسيتها .. ميسي مهيب حبة شباب الزبده أن الطلاب ما يصفى لهم من دراسة ال8 شهور الا 18 يوم اما المدرسات والموظفات فحدث يا اها بس ولا حرج اجازات مثل الاجازات الرسميه للطلاب والطالبات واضيفوا لها اجازات مرضيه اثناء الحمل واجازات نفاس ممكن توصل ل 3 شهور عشان كذا ذا المدرسات هم اكثر من يحمل ويولد بزعمها انها بتكثر امة الاسلام وهي تبي تتبطح وتتسدّح طبعا اضافه للاجازات المرضيه بانواعها المدرسه تراجع كل التخصصات الطبيه علشان تجيب منهم اجازه اسنان وانف واذن وباطنيه وبوليه وجلديه ونساء وولاده وعظام واصابات ملاعب وأجازه علشان فيها ضيقه وشاكه ان منظوله على طاري الضيقه .. قسم لو للرقاة الشررعيين صلاحيات متح اجازات مرضيه ان ما تلقون مداوم في مدارس البنات الا البواب والفرّاشه و5 طالبات دافورات نرجع لمحور حديثنا .. وغياب بعض ايام الاربعاء لانها بتروح لزواج ولازم تمسك سرا عند الكوافيره من الضحى واجازه مرضيه بعض ايام السبت لانها كانت عازمتن حمولتها وتعبت مع ان حمولتها كانوا عندها يوم الاربعاء .. الحين الشغاله هي اللي تتعب والمدرسه هي اللي تاخذ اجازه!!! انا اقترح اقتراح بيفيد الانسانيه وهو اننا نتناسب انا واليابانيين نتزوج منهم ويتزوجون منا نعطيهم مما اعطانا الله من زود العيون ويعطونا مما اعطاهم الله من زود العقول نعطيهم مما اعطانا الله من الحرص على المظهر ويعطونا مما اعطاهم الله من الحرص على الجوهر وبكذا بننتج للانسانيه نسل يحبه قلبها.. والله يا نها بتنبسط فينا ذا الانسانيه هاه !! لا لا هونت عن اقتراحي اخاف ان تاثيرنا يكون اقوى في الفهاوه والدلاخه والرفاله والرباده وتاثيرهم يكون اقوى في صغر العيون وحب الجوهر و تطلع عندنا سلاله تحوم التسبد همن عاد تقعد بها الانسانيه .. دلاخه وعيونن نقوب .. ولا مظهر ولا جوهر ولا سوني ولا متسوبيشي ولا حتى تويوتا يارس قيير عادي] نصيحه ساخره لكنها تلامس الواقع :) |
ههههههههههههههه حلوووه :) |
أهلين هيفاء،
تأكيد لكلامك أنا راح أتكلم عن الموظف المجتهد، و نترك الموظف المهمل و ما يداوم أصلا!! عندنا بالسنه 365 يوم * 24 ساعة باليوم = 8,760 ساعة سنوية أول شيء بحسب الإجازات للموظف: 1- عندنا بالسنه 52 أسبوع، كل نهاية أسبوع فيه إجازة يومين رسمية يعني 52 * 2 = 104 يوم إجازة بالسنه. 2- و 20 يوم إجازة أعياد رسمية من الحكومية بالسنه. 3- و 1 يوم إجازة اليوم الوطني بالسنه. 4- و 10 أيام بالسنه مراجعات الدوائر الحكومية بالسنه. 5- و 15 يوم إجازة إعتيادية للموظف بالسنه. 6- و 10 أيام إجازة إضطرارية للموظف بالسنه. مجموع الإجازات = 160 يوم بالسنه الصافي لعدد أيام عمل الموظف هي 205 يوم بالسنه، يعني الموظف يداوم 205 يوم من أصل 365 يوم بالسنه تقريبا 50% من أيام السنه دوااام، نصف أيامنا بالسنه ضااااايعة!! نجي نشوف كم ساعة فعلية يداومها الموظف السعودي بالسنه: 205 يوم * 6 ساعات دوااام يومية = 1230 ساعة بالسنه. النتيجة التالي: أن الموظف السعودي غير منتج أبد و ما يحب العمل أبد و آخر شيء يفكر فيه هو الدواااام و الدليل: من أصل 365 يوم بالسنه يداااااوم فقط 205 يوم و هذه مصيبة 50% فقط. و من أصل 8,760 ساعة بالسنه يداااااوم فقط 1,230 ساعة و هذه أعظم مصيبة 14% فقط. يا للهول فقط 14% من أوقاتنا السنوية دوااااااام و الباقي 86% أوقات ضااااايعة و مهدوووووره مالها إي قيمة عندنا. من وين تبون نكون شعب منتج و نشيط و مفكر!!!!!!!! طبعا كل هذا الكلام اللي ذكرته بالنسبة لي كلام فاضي نسبيا الشيء اللي قاهرني و معور قلبي هو: أن الموظف السعودي المسكين وقت الصيف يقولك ياأخي ودك الواحد ياخذ إجازة بهالصيف و يريح، تعبنا من الدواااام.........رحماااااااااك يا رب تحياتي دودي خالد |
حاكم دودي خالد مروركم يشرفني ربي يسعدكم |
حلللللللللللللللللللللللللوه
الله يعطيك العافيه |
وفوق هذا كله يقولون ماعندنا اجازه :(
يعطيك العافيه يارب |
صلو على الحبيب ... فاتنه شكرا ع المرور الكريم |
والله ضحكت الله يوسع صدرك با العافيه
|
| الساعة الآن 03:18 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010