|
عاجل قبل الاعتماد مخططي يامهندسين ويااعضاء رااايكم بارك الله فيكم
بصراحه عانيت كثير لحد ماوصلت لهذا المخطط وتونا جبناه من المهندس
بعد مليون تعديل :p اي ملاحظات ارجوكم نبهوني عليها ماعندي وقت زوجي معطيني فرصه ليوم السبت :( هذا الدور الارضي http://www.am3m.net/uploads/images/d...a8d017fd5d.jpg وطبعا راح يكون فيه مستودع للمطبخ بالارتداد بشاوركم بمساحة المطبخ حلوه ولا راح يكون طووووويل :eek: ؟ وجدار غرفة النساء الي طالع نصه على الممر عادي حلو ؟ متررده فيه يعني مو المفروض الغرف تكون صف واحد مافي بروز ؟ هذا الدور الاول http://www.am3m.net/uploads/images/d...68c358b38f.jpg غرفة النوم الرئيسيه تتوقعون مساحتها حلوه ؟ مع العلم اني بحط فيها سرير وكومدين وجلسه صغيره قبال الباب والحمام احسه كبير اكثر من اللازم ؟ وغرفة البنات اللي معها حمام وغرفة ملابس غرفة الملابس مناسبه او صغيره ؟ افكر اني افتحها على بعض والحمام يكون مكان غرفة الملابس الحالي وش رايكم ؟؟ معليش كثرت عليكم بس انتم كريمين واحنا نستاهل:o |
انا من رائي الحمامات في الدور الارضي تعتبر كبيره نوعا ما اتوقع لو تصغريها يعني 1.5×1.5 افضل ولا يحتاج لوجود مغسله وشاور فيه والسبب لانه خاص للضيوف حتى تستفيدي من النصف متر في شي اخر .
ثانيا / وجود مغاسل كثيره بجانب دورة المياه الرجال انا اشوف تكفي ثنتين وتلغين اللي جوا الحمام وايضا تصغرين مساحته . ثالثا / الباب اللي بمجلس الرجال اتوقع ماله داعي لو تخليه مفتوح احلى . رابعا / صالة المعيشه لايوجد فيها شبابيك ويفضل ان تكون من نوع الاستركش اللي قال عليها استاذ ماجد وان شاء الله يكون المسمى صحيح خامسا/ المطبخ اعتقد انه مناسب بالعكس افضل تكون مساحته كبيره حتى تستطيعي تصمميه بالشكل اللي يناسبك بس ما افضل تضعي المغسله بجانب الباب افضلها بالجهه الاخرى احسن لان ماعندك مطبخ خدمه اخر لان كل شغلك حيكون ضاهر وحلو لو تفتحين جزء من الجدار بين المطبخ وصالة الطعام العائليه بشكل بوفيه طبعا انا اتكلم من الناحيه الجماليه اما اذا حابه تسوين مطبخ خدمه خوذي جزء من مساحة المطبخ وادمجيه مع المستودع ويفتح بينهم باب عشان روائح الطبخ ومستودع بنفس الوقت وبتكون الحوسه كلها بالمطبخ الخارجي والداخلي شكل ويكون مفتوح على الصاله الطعام وبالنسبه للدور الاول غرفة النوم مناسبه جدا لان يوجد عندك غرفة ملابس والحمام اذا انتي حتسوين تقسيمات فيه وفواصل اشوف انه راح يخدمك واما بتسوين عادي ممكن تصغرينه حسب مخططك للحمام وبالنسبه لغرفة النوم الاخرى اللي فيها ملابس اشوف انه احلى بوضعها الحالي فيه ملاحظه ليش ماتسوين درج خدمه بالدور الارضي بنفس موقع درج الخدمه تبع الشغاله اللي بالدور الاول صدقيني احس انه حيخدمك كثير وخصوصا لما يكون عندك اطفال او اذا زوجك جاء وعندك حريم وبيدخل البيت يقدر يدخل بدون مايتظايق وايضا اذا طلعتو برا ومعاك اطفال على طول يطلعو فوق لغرفهم من دون مايوسخو البيت من الداخل وانتي لك حرية الاختيار وسلامتك |
هند جعلك للفردوس الاعلى عسى الله يفتح ابواب رزقه في وجهك ويستر عليك
من جد ماقصرتي الله يسعدك يارررررررب اقتباس:
|
ملاحظة على السريع .. حمام غرفة النوم الرئيسيه صار على واجهة البيت .. يعني الشباك بيكون فوق مدخل الرجال .. وغير كذا لازم فتحة للهوايه ..!! وكلها فوق مدخل الرجاااال ..!!! أنا أشوف لو يرجع مكانه الطبيعي فوق حمام الرجال أحسن .. أفضل وأرخص لك لما يكونون الحمامات فوق بعض . . :d |
جزاك الله خير حاكم
بالنسبه لملاحظتك معك حق بس حنا بنحط ذريشه متر وعليها يعني ماراح يبين أنه حمام لكن فتحة التهويه هذي مشكله مافي إلا نحطها على جنب بالجدار المائل طيب لازم مروحة شفظ :( |
عزيزتي ريم بالنسبه لمراوح الشفط تراها محلوله وشكلها جميل وماياثر وبحاول انزل صوره عشان تشوفينها وتطبقينها وهذي الفكره لابد من وجود دكت لمروحة الشفط فاكيد حيلزمك تسوي جبس فرنسي خاص للحمامات
الصورة أعلاه لمروحة شفط في دورة مياه |
3 مرفق
الصوره الاولى هذه شكلها الحالي اما الصورتين الاخريتين شكلهما قديما
وهذه الصور نقلتها من موضوع الاستاذ ماجد سابقا تكلم عنها بالتفصيل في قسم التشطيبات |
مشكوره هند الله يجزاك خير
بس لازم جبس فرنسي ماينفع عااااااادي |
أهلين ( ريم )،
قبل ما أتحدث عن توزيع المرافق الداخلية للفيلا، و إيجاد حلول لمراوح الشفط و غيرها، أرى من وجهة نظر معمارية أن هناك شطفات، زوايا و فراغات بالمخطط الأفضل الإستغناء عنها معماريا، و إيجاد حلول بديله تخدم المنظور العام للمخطط و تعطي إستغلال للمساحة بشكل أفضل و هي كالتالي: 1- إضلاع هذه الصالة ألغت عليك مساحة لا بأس بها للصالة و أنت بحاجه لها، رأيي تكون الصالة مربعة بثلاثة أضلاع و زاويتين. 2- عمل زاويا 90 درجه بأركان الغرف أفضل من الزاوية المشطوفه، الزوايا المشطوفه فكرتها مستهلكه، و تشطيبها يعطي منظور غير جيد أثناء تركيب حجر بالواجهة. 3- نفس الفكرة زواية مشطوفه، لو يتم تغيييرها إلى زاوية 90 درجه أفضل كمنظور. 4 & 5- تغييير إتجاه الأبواب بزوايا 90 درجه. 5 & 6- فيه فراغات بين الدرج و جدار بيت الدرج غير محببه معماريا، و منظورها غير جيد، و متعبه أثناء التشطيب، لأنك إذا نفذتي العظم بوجود هذه الفراغات، أنا على يقين أنك راح تبحثين عن حلول لها أثناء التشطيب، فالأفضل تعديلها الآن. 7- هذه الزاوية لم تحقق لك التجانس بالمدخل. قد يختلف معي الغير، و لكن هذه من وجهة نظر معماريا و ديكور داخلي. إي تعديل يناسبك، بأسعى جاهدا بتغيييرة على المخطط إذا رغبتي بذلك. http://www.llbf.com.sa/uploads/uploa...3189595741.jpg تحياتي دودي خالد |
هلا وغلا دودي
تقصدين تصير الزوايا عاديه بدل ماهي مشطوفه ؟ والدرج صراحه مافهمت عليك وش الفراغات ؟؟ تقصدين الفراغ الطبيعي الي يصير تحت الدرج ؟؟ دودي الله يخليك ياليت تعدلين على المخطط باللي تقصدينه خاصه الصاله عدليها بالدور الارضي والعلوي ولك دعوه من القلب وعلى فكره ترى الدرج مو نفسه الي بالمخطط لا هو بيصير عادي مو دائري والصعود من جهة الصاله يعني مقابل باب المدخل بنفس اتجاه الصعود الموضوح هذي صوره توضيحيه للدرج ومكان الصعود الي عند النقطه الزرقا ماعرفت اسوي سهم خخخخخخخخ http://www.am3m.net/uploads/images/d...94c0c73721.jpg انتظررررررررررررررررررررك |
| الساعة الآن 12:08 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010