كيف اقوي اللياسة ؟
 

السلام عليكم ..

اكتشفت ان اللياسة في الفلة ضعيفة بسبب ان العامل كان يرش بسرعة وبدون تكرار .. والحين لها اكثر من ستة اشهر بعد الانتهاء من اللياسة .. مدري اذا كان ينفع ارشها مرة ثانية لايام .. واذا ماينفع وش الحل ؟

اهلا بك
اخي الرش بعد هذه المدة ما يفيد ولكن اطمن ما عليك وممكن توضح كيف حكمت على انها ضعيفة

سبب ضعف اللياسة
 

السلام عليكم ..

شكرا للاستاذ راكان والاستاذ ماجد واكتشفت ضعف اللياسه عندي سويت اختبار بسيط واخذت مسمار او سيخ حديدي وجربت في بعض الجدران الداخليه للبيت وذلك بحكها بقوه متوسطه وكانت الجدران الضعيفة تتجرح مع سقوط ذرات الاسمنت واماكن في نفس الجدار قويه وماتأثرت بالمسمار وهنا عرفت بوجود ضعف في بعض الجدران في اللياسه والسبب عدم رشها بالماء جيدا لاني تذكرت كلام معلم اللياسه ان اهم شي وعلشان تكون اللياسة قويه وصلبة لازم ارشها بدقه واتاكد من تشربها للماء ولمدة تقريبا ثلاثة ايام لكن الظاهر العامل اللي اعتمدت عليه في الرش ماكان يركز ويتاكد من رشة .. احد الزملاء قال لي معجون الدهان يمكن يساعد في تقوية الجدار واللياسه يعني بدل مايحط معلم الدهان وجه (طبقه) او وجهين معجون يكون اكثر مثلا اربع طبقات .. هل صحيح كلامه .. افيدوني

اهلا بك
شكرا لإستاذنا اب ابراهيم على الإيضاح كما احب اخي الكريم التنبيه لك على نقطة معينه قبل اعمال الدهان القيام بعمل جولة كاملة على الجدران وعمل طرق بسيط باي الة مثل مفتاح السيارة او سكروب في اماكن مختلفة للتأكد من عدم وجود تطبيل او انفصال او انتفاخ في اللياسة وإذا وجد هنا لا بد من تكسيرة وتلييسه من جديد وبالتوفيق