|
اللي يعرف من وين اقدر ازينه يعلمنا (الصراحه مدري وش اسمه)
امس كنت في الفيصليه و دخلت محل و لقيت عندهم هالديكور الظاهر انه سفنج ملبس جلد، احد عنده علم وين نصلحه لاني الصراحه ناوي البس الجدار اللي فوق السرير نفس الطريقه
http://www.m5zn.com/uploads2/2012/3/...s0i7iwdibu.jpg |
نفس السؤال والاستفسار
اتمنى من لديه علم افادتنا ــ وله الشكر |
انا شفته مره عند محلات الديكور في طريق خالد بن الوليد عندهم ورق جدران واي صوره من النت يقول اطبقها لك نفسها بس نسيت وش اسم المحل لانها كذا محل نفس الشي
فيه بعد على مخرج تسعه محل اسمه العروبه لديكور يسون جلد او ورق جدران او اي ديكور يعجبك بس توريهم صوره وهم يضبطونه ويارب ايسهل امرك |
السلام عليكم
فيه محل في حراج بن قاسم ينجد لك هذا جواله خذ الوصف منه 0536509563 |
مريت على منجرة تفصل دواليب قال نسوي رأس السرير نفس الصورة ونلبسه
|
مجرد أقتراح ... اذا بتلبس الجدار كامل ... مثلاً ابعاده (5×3) يعني 15 متر .. تروح لورشة نجارة وتطلب منه خشب نفس مساحة الجدار و يقص الخشب مربعات 50×50 سم وكلهم جنب بعض يغطون الجدار كامل .... طريقة ثانية .. ممكن تستخدم بلاط الارمسترونج المربعات اذا ماتبي الخشب ... فيه نوع من الالمنيوم خفيف .. أتوقع يطلع الشغل مرتب ونظيف.. http://image.made-in-china.com/2f0j0...ling-Tiles.jpg ثانياً ... من محل اقمشة الستائر تختار قماش يمشي مع ديكور الغرفه ... ولاتنسى تشتري أي نقشه ثانيه قريبه من القماش و فصل منها مفرش ... انواع القماش وااجد .. فيه اقمشه جلد صناعي اقمشه النقش كبس .. النقشه محفوره واتوقع الافضل أقمشة الـ (التعتيم ) .. Blackout لانها أقوى و تتحمل أكثر . . واحسبها كانك تشتري القماش لستاره عاديه ... يعني 15 متر مربع .. ثالثاً .. تروح الحراج وتشتري كمية من الاسفنج زي هذي ... وتوزعها بالتساوي على الالواح الخشبيه وتلصقها بغراء او سيلكون ... رابعاً تروح لمحل التنجيد والجلسات وتطلب منه يلبس لوح واحد فقط .. واذا شفت شغله تمام كمل عنده الباقي ... وممكن بعد تطلب منه يحط حدود للمربعات من هذي .. علشان يطلع الفنشينق احترافي ... خيار ثاني ... ممكن تختار الشكل هذا ابو ازرار .... وعلشان توصل الفكره للمنجد اذا عندك خداديه او مخده نفس الموديل خذها معك ... http://i00.i.aliimg.com/photo/v0/264...SHION_22_X.jpg http://www.ivgstores.com/prodimages-...TLTHRBLK-L.jpg يحط في كل زاويه بين 4 اسفنجات زرار ويلبس الزرار نفس القماش .. موديل الزرارات يسمونه فكتورين ستايل ... . -------- ممكن تسوي الديكور باكثر من اسلوب يعني ممكن تروح للمنجد وتطلب منه يسوي مخدات 50×50 سم وسماكتها مثلاً 5 سم وتلصقها على الخشب او على الجدار مباشره . . . . . أتوقع النتيجه بتكون حلووه وفريده ... واهم شئ أرخص بكثير لو سويتها عند محل ديكور ... . . . هذا مجرد أقتراح وأتمنى لك التوفيق ... . . |
حاكم يعطيك العافية على هذا الشرح مع أني دائماً حريص على تطبيق المثل اللي يقول "أعط الخبز لخبازه" بالتوفيق والشكر موصول للجميع على هذه الإفادات الرائعة |
الصراحه كفيتو ووفيتو
الله يعطيكم العافيه |
| الساعة الآن 11:50 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010