|
شفاط المطبخ
الاخ العزيز ابو ابراهي ولا يهون الاخوان والاخوات
اعجبتني سالفة الشفاط التصنيع اللي ذكرته بهالموضوع http://llbf.com.sa/vb/showthread.php?t=103 ورحت للصناحيه لمحلات اللي يسوون دكتات التكييف ولقيت نوعين نوع ستيل 304 خالص ا مللي تلحيم والفلتر شرايح بقيمة 1500 ريال والنوع الثاني ستيل اقل جوده و ماهو تلحيم الزاوايا تلحم يدوب والفلتر اللي كأنه قصدير يغير كل 6 شهور بقيمة 700 ريال. لكن المشكلة اني في وقت العظم سويت فتحة 6 بوصه ونزلت جرجور 6 بوصه تحت الجبس، بس قاللي الفني انه من الافضل تكون الفتحه 30 في 30 وينزل دكت على الشفاط... وش رايك اوصل الجرجور ال 6 بوصه بالشفاط والا لازم افتح الفتحه 30 *30.. المشكله اننا ركبنا المطبخ :( |
هلا بك أخي الكريم الشفاط الخاص بالفرن مهم جداً وأنصح الجميع بعدم التهاون في تنفيذه وعمل التأسيس اللازم له لا شك بأن الخيار الأول هو الأفضل واللي يتم تجميعه بواسطة الكبس الهيدروليكي فشكله جميل إذا ما تمت مقارنته مع النوعية التي يتم تجميعها بواسطة البراغي تأسيس الدكت بمقاس 30 * 30 سم أمر ضروري لضمان أداء المروحة بالشكل المثالي الأمر قد يتطلب شيء من التكسير وعليك القيام به ومسألة توصيل الدكت مع الجرجور 6 بوصة فهذا يسهم بتقليل أداء المروحة وربما يلغي فاعليتها بشكل كبير بالتوفيق |
| الساعة الآن 11:33 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010