|
حلوق الابواب الداخليه حديد؟؟؟
السلام عليكم ورحمة الله وبركاته
اتمنى ممن لديه خبره وعلم يفيدني زوجي عمل حلوق الابواب الداخليه حديد وتحشى بخلطة اسمنت يقول عشان الارضه المهم فصلت ابوابي الخشب عند منجره وانصدمت لما قال انه ماسوا ايطار خشبي للابواب يقول كيف يركب على الحديد وانا مستحيل اركبها كذا شكلها غبي بدون ديكور قلت لاتركبها الا لين اتأكد من كلامه يمكن مايبغى يكلف على نفسه او القى حل تكفوووووون افيدوني وش الحل ؟؟؟؟ |
اختي الكريمه انا عندي نفس الشي ركبت حلوق حديد وصبتها خلطه عشان الارضه بالاضافه الى القوة والمتانه بالنسبة للباب الخشب عادي جدا المفصلات (بين الباب والحلق ) من جهة الباب الخشب يتم ربطها بالبراغي (المسامير) ومن جهة الحلق يتم عمل اللحام لها والابواب ماشاء الله موزنه و100%
|
جزاك الله خير اخوي
بس اللي اقصده ديكور الباب او الايطار الخشبي اللي حوالينه يقول النجار مايجي عليه ديكور لانه مايقدر يثبته وتحته حديد اذا ممكن تفصلي الطريقه بشكل اوضح الله يوفقك |
هلا بك أختي الكريمة الأستاذ أبو تميم بارك الله فيك الأصل أن حلوق أبواب الخشب تكون خشب من النوعيات الجيدة مع ضرورة مكافحة النمل الأبيض خلال مرحلة الهيكل الإنشائي "العظم" لأنه بعد تركيب أبواب الخشب على حلوق الحديد سيكون هناك تباين واضح بين النوعين الحلوق والأبواب ومسألة تركيب برواز الخشب المحيط بالباب على الحلق فهذا ممكن بكل يسر وسهولة بحيث يتم تركيب بالبرواز بالعرض اللي ترغبونه من 10 إلى 20 سم أو أكثر ويثبت البرواز بالجدار مباشرة ويمكن عمل كافة النقوش أو التصاميم على براويز الخشب بالتوفيق |
مشكور اخوي الله يريح بالك مثل ماريحتني
والله كنت شايله هم الابواب يصير شكلها بشع ماقصرت الله يسعدك ويسعد حبيبتي سمو ويجزاكم عنا خير الجزاء |
يعطييك العافيه مهند س ماجد فعلا فهم السؤال نصف الاجابه
فعلا براويز الابواب يتم تركيبها باسهل الطرق اما بالنسبه للاختلاف بين الباب والحلق مهندس ماجد ليس هناك اي فرق واضح بل اني اختبرت ذلك مع عدد من الزملاء ولم يصدق بعضهم ان الحلوق حديد الا بعد استعمال المغناطيس والعمل طبعا على المعلمين المعلم الي يصب الخلطه ومعلم البويه |
| الساعة الآن 09:08 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010