|
استفسار لعازل الحمامات
السلام عليكم
كيف حالك اخوي ماجد انا شريت جميع كتبك وانا الان في مرحلة التشطيب قريت كلامك عن العازل بالكتاب بس وصلت لنقطه عجزت افهمها وهي قص ماصورة التصريف وتغطيتها بالعازل وثم اختبار العزل انا مدري كيف بعدين اذا حطينا البلاط والدفان فوق العازل كيف نعدل ماصورة التصريف ابي شرح وافي تكفى لان الصبه تسرب موية عندي ووش رايك افضل عزل للحمامات الرولات او الدهان الامريكي فالكوم واذا فيه غيرهن تنصحني فيه وش اسمه لاهنت ثاني حاجه عندي السقف الدور الارضي ينقط مويه من البمب وانا ماستخدمت الهزاز المهم وش رايك اعزله قبل احط السيراميك ولا اصب عليه صبه ناعمه 5 سم ثم ادفن واحط السيراميك؟؟ سقفي بلاطه يالغالي مو هوردي انتظر نصيحتك يالغالي |
هلا بك أخي الكريم أولاً العزل المائي يتم تنفيذه فقط للأسطح المعرضة للعوامل الجوية الخارجية مثل سطح المبنى وسطح الملاحق العلوية وسطح الملاحق الأرضية والبرندات إن وجدت وأيضاً عزل أرضيات دورات المياه الواقعة بالدور الأول والسطح وكذلك دورات المياه بالدور الأرضي اللي تكون على سقف القبو فقط أما أرضيات الدور الأول وملاحق السطح وأعني الغرف فلا حاجة نهائياً لعزلها لأنها مناطق غير معرضة نهائياً للمياه أو الرطوبة العزل المائي لدورات المياه هناك اللفائف "الرولات" والدهان وهو أنواع كثيرة أنت ذكرت "فولكم" وهو من الأنواع الممتازة جداً عند تنفيذ العازل لأرضية دورات المياه ينصح بقص ماسورة الصفاية على مستوى العازل والهدف من ذلك هو تصريف المياه التي تتسرب مستقبلاً من بين البلاط إلى الصفاية مباشرة نحن ذكرنا يتم تغطية مكان الصفاية بقطعة عازل خلال مرحلة الاختبار وإذا تم إجراء الاختبار بنجاح فيتم بعد ذلك إزالة هذه القطعة وتنفيذ تمديدات السباكة "التصريف" وتوصيلها إلى الصفاية للأسف كثير من منفذي العازل المائي لا يقومون بقص ماسورة الصفاية وهنا في حال تسرب المياه مستقبلاً من خلال البلاط فإن هذه المياه تبقى مستقرة بين البلاط والعازل المائي ولا يتم تصريفها لعدم وجود أي منفذ لها إلى الصفاية بالتوفيق |
شكرا يالغالي
طيب ياسيدي انا عندي هبوط في الحمام تقريبا من 5 الى 10 سم علا حسب كل حمام والسقف بلاطه عندي المهم مواصير الصرف الصحي موجوده بالصبه تلقائيا الحين اذا سويت البلاط للدور بيكون تقريبا مع الدفان والخلطه للسيراميك 15 سم يعني بيصير هبوط الحمام يوصل 25سم هل اصب هذا الهبوط صبه ناعمه 10 سم ثم يتم عمل العازل فالكوم وقص ماسورة التصريف وتوصيل التمديدات لها ثم عمل الدفان والبلاط .؟؟ وكيف اغطي الفتصريف بحيث لاياتي الدفان عليها بحثت عن الصور في الكتاب لم اجدها وعندي في كل حمام اعزك الله كرسي عربي كيف يتم التصرف معاه |
| الساعة الآن 05:23 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010