|
هل يمكن إضافة نقاط كهربائية بعد الانتهاء من تركيب الحجر واللياسة
السلام عليكم ورحمه الله وبركاته
كل يوم احبكم اكثر لاني القى اجابات شافيه لأسألتي ومن ذوي خبرة يسلمووو سؤالي انا عندي جدار بمجلس النساء كله حجر بس كان ودي احط اباجورات معلقه من الجهتين قالوا خلاص ماتكلمتي من اول ماعاد ينفع يعني مافيه افياش كهرب الا من جهه وحده موو عارفه انزل الصور علشان توصل فكرتي وكذلك ابي انوار باسفل جدران الممرات نفس الشي تم التلييس ماتقدرين افيديوني جزاك الله اعلى الجنان |
اهلين
حتي بعد اللياسه تقدرين تمديدين كهربه ،، يكسر تكسيرات خفيفه ويمدد الاسلاك ثم تليس مكان التكسير عادي جدا |
هلا بك أختي الكريمة كما تفضلت الأستاذة شعولة كل شيء ممكن مع عمل بعض التكسيرات البسيطة والتأكيد على عمل التكسير بقدر الحاجة وباستخدام الوسائل الميكانيكية مثل الصاروخ الكهربائي وخلافه على أن يتم تحديد النقاط الكهربائية والتواصل مع الكهربائي لتحديد الخط المطلوب التكسير فيه وحتى الحجر إذا تطلب الأمر فيتم فك وإزالة بعض منه وتنفيذ التمديدات اللازمة بالتوفيق |
اقتباس: السلام عليكم ورحمه الله وبركاته كل يوم احبكم اكثر لاني القى اجابات شافيه لأسألتي ومن ذوي خبرة يسلمووو سؤالي انا عندي جدار بمجلس النساء كله حجر بس كان ودي احط اباجورات معلقه من الجهتين قالوا خلاص ماتكلمتي من اول ماعاد ينفع يعني مافيه افياش كهرب الا من جهه وحده وعليكم السلام أبو ابراهيم و شعوله عساهم على القووه ماقصرو عندي بس إضافه بسيطه .. اول شئ بالنسبه للجدار الحجر اذا الجدار مو خارجي و خلفه غرفه .. اتوقع بتلقين فيش في الغرفه الثانيه على نفس الجدار يعني اذا فيه مصدر كهرب في نفس المكان ولكن في الغرفه الثانيه تقدرين تفتحين فتحه من نفس الفيش بالدريل وتمدين سلك لمكان الابجوره وتحطين ابجوره بسلك يعني مايحتاج مفتاح زي هذي القصد ماتشيلين الحجر . . ثاني شي اذا تبين الابجوره تطلع ملكيه وحلووه حاولي تكون خلفيتها غير يعني اذا الحجر خشن .. تكون ملسى ومن نفس اللون حجر - خشب - حديد ..الخ اي شئ علشان تبرز الابجوره وتكون اضاءتها واضحه مع الانوار .. علشان توضح الفكره تقريبا زي هذي وتكون الابجورة لها خلفيه كبيره زي هذي http://ordelevi.info/img.php?fl=p5o4...z204c4o2i4i4p5 http://www.casadisagne.com/img/produ...gnette-236.jpg . . . . . وسلامتكم . . . |
شكرا كثييييير شعولة وماجد وحاكم برويهم الردود علشان يقتنعون ;-)
|
اخ ماجد ممكن لو سمحت اعرف وشو الصاروخ الكهربائي
واخاف اشيل الحجر مايرجع مكانه مثل اول مره يعافيك ربي اخ ماجد خلف الغرفه دورة مياة وانت بكرامه يعني ان شاء الله ينفع والجدار خشن عجبتني فكرة الاباجورات الملساء واللون مختلف بارك الله فيكم |
| الساعة الآن 08:01 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010