|
ماعندي منور وش اسوي؟؟؟؟؟؟؟؟
1 مرفق
ارجو من المهندسين مساعدتي في حل هذه المشكلة
راجعت البلدية التابعة لمنطقتي وحينما عرف الموظف ان الدور الثاني مابه مناور قال لازم اقفل الشبابيك ببلك او سوي منور :confused: . وانا خلصت اللياسة وقاعدة اسوي العوازل :(:( الحين وش الحل : انا قاعدة افكر الغي الشبابيك من الحمامات نهائيا ( مثل نظام المستشفيات الله يبعد عنا وعنكم الشر ) لكن وش الصرفة مع المطبخ والمجلس هذا المخطط قدامكم : |
حياك اختي الفاضله انا مافهمت المنور ليه يعني وين يبونك تحطيه .. ياليت توضحي هدف وضع المنور من قبل البلديه انا اشوف المخطط كله جيد من ناحية النوافذ والاضاءه فقط الصاله .. شوي محشوره مافيها تهويه اواضاءه هل هي المقصوده .. اللهم بارك لك تحياتي وتقديري لمسة فنون |
المناور مطلوبة لان الشبابيك المفروض ماتطل على احد ( يبونها تطل على منور ) وطبعا حسب المخطط انا مخالفة لانظمة البلدية
لذلك انا ماني عارفة وش اسوي بالنسبة للمطبخ والمجلس ؟ هل يمكن بناء المنور في هالمرحلة ( اقصد بعد ماخلصت بناء) ؟ من ناحية انه الصاله شوي محشوره مافيها تهويه اواضاءه هل هي المقصوده ( بالعكس فيه منور صغير يطل عليه ) والحمدلله انا سويناه ولا كان ورطت بشباك الغرفة اللي بجنب الحمام ( اكيد بلغيها واخليها تطل على نفس المنور ) |
هلا
ممكن تسوين الشبابيك زي الرواشن عند اهل جده ومكه وتخلين الشباك من فوق مثل سكاي ليت والجوانب مغلقه ما تكشف الجيران http://www.llbf.com.sa/uploads/uploa...3376943061.jpg http://www.llbf.com.sa/uploads/uploa...3366610281.jpg |
انا تابعة لبلدية عرقة
والموظف رفض فكرة الروشن ( راسه والف سيف يامنور يامافيه شباك ) |
اذا الدرج في شباك كبريه
ممكن المطبخ يطل على الدرج للنور وحطي شفاط لريحه قوي مافيه مقدمه للمدخل على الشارع تخلين شباك المجلس عليها http://www.llbf.com.sa/uploads/uploa...3376952811.jpg |
اقتباس:
المشاركة الأصلية كتبت بواسطة شذى الازهار http://llbf.com.sa/vb/fnoon/buttons/viewpost.gif المناور مطلوبة لان الشبابيك المفروض ماتطل على احد ( يبونها تطل على منور ) وطبعا حسب المخطط انا مخالفة لانظمة البلدية رحمتك يارب الله يكون بعونك بصراحه شروط متعجرفه و متخلفه حثالة غبار معشش على افكارهم مااعرف احنا باي عهد :mad::mad: المهم اسمعي ابني النوافذ بعد ماتاخذي القياس ثم ابنيها اي كلام لين ماتاخذي ورقة اتمام الشروط وهديه ا اواعملي حاجز من الشتر اذا مسموح.. كمان ياليت احد الاخوان اصحاب الخبره يفيدونك اكثر والله يكون بعونك وعونا حتى بيوتنا مانقدر نخططها براحتنا تحياتي لمسة فنون |
الله يجزيكم الجنة
فكرة انه المطبخ يطل على الدرج حلوة ...لكن مدري اخاف انه مخالف !!!!!!!!!! ( مو كأنه صار عندي بدايات فوبيا ) كمان خايفة من فكرة انه ابني واهد بعدين ... وطبعا حاجز الشتر مرفوض عند البلدية . انا والله مدري وش الحكمة من الغاء النوافذ في الدور الثاني !!!!!!!!!! وعلى قولة لمسة فنون ( شروط متعجرفه و متخلفه حثالة غبار معشش على افكارهم ) مافيه مرونة نهائياً . كاننا نبني لهم مو لنا . |
المناور مطلوبة لان الشبابيك المفروض ماتطل على احد ( يبونها تطل على منور ) وطبعا حسب المخطط انا مخالفة لانظمة البلدية السلام عليكم ورحمة الله وبركاته ممكن توضحين نوع المخالفه ..!!! وكم الارتداد مع الجار .. مترين أو أكثر ..!! اتوقع المنع بسبب الخصوصيه للجار وبعض دول الخليج اذا جبت ورقة موقعه من الجار بعدم اعتراضه ممكن يسمحون لك تحط نوافذ على الجار نص النظام يقول : لا يسمح بعمل شرفات وبروزات باتجاه الجار ضمن حدود الارتداد الأدنى ، ويمكن عمل شرفات بعد الارتداد النظامي الذي لا يقل عن مترين في الدور الأول على أن ترفع السترة بما لا يقل عن 80,1م . ^ ^ محتاجين ابوابراهيم يشرح لنا هذي الماده من النظام .. |
اختي توني داخله فله معروضه للبيع شبابيك الدور الثاني كلها مستوره حاط شباك بعدين باني بعده جدار يغطي الشباك بحيث مايكشف الجيران فاذا طليتي مع الشباك صاير مثل البلكونه الرفيعه مسكره من اليمين ومن تحت ومفتوحه من فوق ويسار ان شاء الله فهمتي يختي وصايره شرحه ولا كتمت البيت
|
| الساعة الآن 01:38 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010