|
التكيف وافضل انواعه
السلام عليكم
انا بصراحه معجب بهالمنتدى ومطلع من زماان عليه من اول مابديت بفلتي الحين وصلنا مرحلته نهاية التشطيب وصلت مرحلة التكييف ماادري وش اخذ الصيني مالي السوق واسعارة في متناول الجميع بس ماعرف عن مدى جودتها وتبريدها واي احسن اخذ حار بارد ولا بس باارد محتار والمطبخ وش نحط فيه السبلت كان في بيتي الان بس عند فتحه ترجع كل ريحة الطبخ منه والصحراوي مزعج وخرابه كثير ولا مأسسين له بسقف المطبخ بس الغية الفكرة ولا تزال الفتحة موجووده وش رايكم مهندسي الافاااضل جزاكم الله الف خير همتكم معي لاحرمكم ربي الاجر على هالمنتدى الراقي |
المكيفات سبلت الاغلبيه مدحو قري و او جنرال
والمطبخ مكيف كاسيت http://www.up.do7atkom.com/upfiles/OmB13957.jpg |
مكيفات الاسبليت عن تجربة (( فوجي )) ( ال جي ) (ماندو) ماندو صيني بس رهيب بروودة وهدؤ...
|
فيه نوعيه مدحوها لي وانا ماجربتها طبعا نوعيتين
ماندو صيني ممتاز عل حسب ماسمعت وفيه يوجن تايلندي عجيب صراحه عل كلام اخوي مجربه ٣ سنوات كمبرسر كبير اهم شي ويكون تايلندي لامن يجي نوع صيني منه فاشل |
هلا بكم جميعاً الجميع ما قصروا وأنا أشاركهم الرأي بأن السوق مكتظ بعشرات الماركات والأنواع وشخصياً أقول التكييف من العناصر الهامة جداً واحرص على اقتناء نوعية معروفة وإن زاد السعر عند الشراء فأنت بإذن الله تعالى سترتاح من مسألة العطل غير المتوقع وصعوبة توفر صيانة مثالية دعواتي لك بالتوفيق |
مشكورين وماااقصرتو الله يجزاكم خير
بس ماقلتو لي وش احط بالمطبخ ؟ للعلم فيه فتحة بالسقف وجرجور صااج موصل على برى وش احسن نوع تكييف له |
مع الاعتذار لصاحب الموضوع اضم استفساري مع استفسارك ....انا ادور على مكيفات أسبليت جوده ورخيصه السعر حسب الميزانيه .. ياليت اصحاب الخبره يفيدونا ... وجزاكم الله خير
|
مكيف المطبخ افضل زي هذا في السقف لانه يوزع البروده والصيني ماندو
واذا تاخذ شيء معروف تضمن شركة الصيانة تجي الى بيتك http://www.up.do7atkom.com/upfiles/OmB13957.jpg |
| الساعة الآن 11:05 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010