|
المنزل قديم وشعبي والمطر يتسرب من السقف فماالحل ؟
بسم الله الرخمن الرحيم
السلام عليكم ورحمة الله وبركاته بداية ابارك لكم جهودكم في هذا المنتدى وان يجعلها الله في ميزان حسناتكم قصتنا انا نسكن بيت شعبي قديم مكون من دور ارضي ودور اول . الدور الاول نصه شقة والباقي سطوح المشكلة بالشفة ان السقف فيها لما ينزل المطر كان يسرب من الجوانب في الغرف وعلى الدرج ,جبنا واحد باكستاني يشوفها :cool:قال حطوا زفت يجي بعلبة زي حقت البويا لونه اسود وثقيل وخف التسريب ولكن مع امطار سيول سيول جدة اللي صارت (نحمد الله على كل حال) حصل تسريب في كل الغرف من الجوانب حتى المراوح طارت تصب مويا (ابويا قفل عداد الكهربة يوم كامل )وتسريب في المطبخ وعلى الدرج وحتى الحمامات ...وانتهى المطر وسلمت الارواح ولله الحمد واكلها البيت سقف البيت الابلكاش طبعا انعدم عالاخر ويباله تغيير لكن مشكلة التسريب اللي ماتصورناها جبنالها الباكستاني :cool:وشاف الصبة اللي فوق الشقة متشققة وفي اماكن يتجمع فيها المويا في الوسط قال: انت لازم كسر صبه وشيل تراب مبلول في تحت وشيل عمدان وخشب السقف وغير كل شي ...لكن حالتنا المادية ماكانت تسمح وقتها انا نكشف سقف الشقة كله ونغيره بسقف جديد فبل فتره جبنا البكستاني :cool:قال مافي داعي نكسر الصبه ونغير التراب والاعمدة حقت السقف لانها نشفت خلاص بس بيجيب عازل ينباع بالمتر ويفرشه على الصبه وبعدين بيولع فيه نار وبيمسك وماعد بيصير في تسريب...جبنا عامل ثاني :eek:قال لازم تكسير للصبه ونغير اللي تحتها ...احنا نبغى حل مايكلف وبنفس الوقت يكون حل نهائي باذن الله ومانرجع لنفس المشكلة اذا قدر الله ونزل مطر ؟؟؟:confused::confused::confused: وكمان نسيت شي بيتنا الدور الاول ماهو مليس من الخارج ومر حار لدرجة انه بعز الصيف تحصل الشارع ابرد من البيت فهل اذا تليس بتخف الحرارة وبيغنينا عن العازل الحراري؟ واذا فكرنا انا بنحط عازل حراري للسقف بيكون فوق ولا تحت العازل حق المطر ؟وهل العزل الحراري مكلف ماديا ؟ فارجو من الافاضل المهندسين والمستشارين واصحاب الخبرة :):):) التكرم بابداء ارئهم ولهم جزيل الشكر والعرفان |
هلا بك أخي الكريم سعدنا بتواجدك معنا وأدعوا الله عز وجل أن يسهل أمرنا وأمركم ويرزقنا جميعاً من حيث لا نحتسب أحييكم على فكرة الاستشارة قبل اتخاذ أي قرار بشأن إزالة السقف أو التكلف ودفع مبالغ قد تكون في غير مكانها الصحيح لا بد من الوقوف على المكان بالطبيعة ليتم تحديد الإجراء الصحيح وأنصحكم بإحضار شخص متخصص غير العمال سواءً مقاولين وغيرهم ليتم تحديد المشكلة بشكل رئيسي شخصياً أتوقع بأن السطح يحتاج لإغلاق التشققات أولاً وتنظيف السطح بشكل جيد وبعد ذلك عمل ميول باستخدام الخرسانة الرغوية فهي خفيفة الوزن وتسهم قليلاً بالعزل الحراري الخرسانة الرغوية تكون بشكل مائل بحيث إذا جاءت مياه المطر فإن هذه المياه تتجه مباشرة إلى ماسورة تصريف المطر وفوق خرسانة الميول "الرغوية" يتم عمل عازل مائي لفائف "رولات" وبعد ذلك يتم وضع بلاط على العازل المائي أو وضع بحص "زلط" ليحمي العزل المائي مسألة اللياسة فهي لا تعزل الحرارة نهائياً دعواتي لكم بالتوفيق |
شكرا على الرد
فعلا انا اواجه نفس المشكلة فجزاكم الله خير |
| الساعة الآن 08:49 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010