الفزعة سطح فلة عظم يهرب موية المشكلة المقاول هو الان يقاول على فلتنا
 

سامحوني على المضايقة بس ارتفع ضغطي لا ن الفلة اللي تهرب لقريبي بس هو بدا قبلنا ومنطقته تختلف عن منطقتنا بس نفس المقاول:eek: المقاول بنا له عظم وبنا لنا بس سطح قريبي هوردلي يهرب مويه حط عازل رول و بلاط مانفع والان ليص بس هل بتنحل و التهريب خرب عليه سقوف الجبس بس قريبي اللي صابين له الخرسانة من الشفاء ورخيصة واحنا من البستان قريبي هوردلي واحنا سقف عادي وين تكمن المشكلة بالمقاول والا الخرسانة والا ارض الفلة والا بالماء ماغرقه زين انا الان نشف حلقي واحس عيوني بتطلع من مكانها لاحول ولاقوة الا بالله والله يكفينا ويكفيكم ويكفيه الشر والله يعافيه ولايبتلينا والحمد لله الذي فضلتنا على كثيرا من خلقك وارتفع ضغطي من شيين انه نفس مقاولنا وثانيا الرجال خاسر بفلته وكبيرة ماشاء الله وانا اول كنت ناوية اكتب مراحل البناء واستشيركم ثم قلت بنيت بس على قد الازعاج الان :mad:اسمعوا بعد اذنكم قبل خطوات العمل الارض استراحة مساحتها 2800متر ثلثها عمرناه استراحة وكان مكان فلتنا الان ملعب ثيل 19*17بس خليناه ثلاث شهور بدون موية وبعدين حفرنا عمق متر ونص وحطينا القواعد على مترين في متر ونص حديد شبك مدبول وصبيناها بمب وفي وقت البمب كان مطر غزير وبرد بفضل الله والحمد لله وقعدت اسبوعين يرشها الحارس بالموية مرتين باليوم وبعدين دهناها بعازل وبنينا بلك دار مادار على حجم الفلة ودفناه برمل احمر وكان الرمل ندي من المطر وبرضوه كان فيه مطروكانت الجرافة تمشي على الرمل ولماتواسى المكان رشها العامل بالما ء وكان فيه مطر والحمد لله وبعدين بنينا الدور الارضي وسقفه لما صبيناه اغرقناه موية على فترات لمدة اسبوعين واليوم صبينا السطح من عند البستان خرسانة عادي وآمنا بالله وعليه توكلنا والحمد لله على كل حال والله يلطف بنا وبقريبي وبكم وبالمسلمين ولا يخسر التعب يارب نحن نعمل بالاسباب وكل شي على الله اعذروني للاطالة لاني خايفة اذا جاء المطر والكهرب ومشاكلهوهاذا مختصر والحمد لله الحمد لله

الله يكون بعونك


وان شاءالله يجاوبك الاستاذ ماجد

اهلا بك
من المستغرب ان تستمر المشكلة حتى بعد تنفيذ العزل المائي وهذا يدل على انه لم يتم اختبار السطح بعد اعمال العزل المائي وذلك بغمره بالماء لمدة 5 ايام اقل شي الحل بالنسبة لفلة قريبك لا بد من ازالة البلاط والدفان والكشف على اما كن التهريب فقد يكون الخلل في مناطق معينة من العازل والحل بعد ذلك عمل طبقة ثانية من العزل المائي وعمل اختبار بعد ذلك صحيح ان العملية مرهقة ومكلفة بنفس الوقت ولكن الله ايعينكم هذه بيت العمر ومشاكل التهريب يترتب عليها مشاكل اخرى وبالتوفيق

الله يجزاك خير يا استاذ ماجد نعم قريبي صار في سقفه تهريب بعد العازل القار الرول والبلاط اما بالنسبة لفلتنا انتهينا من صب السقف الثاني سقف السطح امس الاحد واما بالنسبة السقف الاول صبيناه من زمان قبل رمضان وغمرناه بالما والله لايتكلنا على ماعندنا وبالنسبة للمطر احنا كنا نصب الاساسات وقت نهاية الشتاء كان فيه مطر وشكرا لتعاونكم الله يجزاكم خير وللمعلومية المقاول قال لابو الشباب ان عمارة قريبي تهرب موية ماانكر بس كان متضايق من تدخل قريبي في عمله رغم ان قريبي ماخذ اجازة وكل يوم يشرف على العمال

الله يجزاك خير اخوي ماقصرت الان هذه بيت العمر ومشاكل التهريب يترتب عليها مشاكل اخرى اكيد واللي مخوفني الكهرب اكثر شي والله يحفظنا ويحفظكم وجميع المسلمين بس الحمد لله امس صبينا السطح ورشيناه بالماء واليوم بيروح ابو الشباب للفلة والحمد لله رب ضارة نافعة والحمد لله لايكون اعظم من ذلك وبارك الله بكم

اختي ترا الشباب ما يعرفون مصانع الخرسانه اللي عندكم عشان كذا محد يقدر يعطيك رأيه بدقه

ثانيا : اذا خايفين من تهريب الموية اعزلوا سطحكم ثم ميوووول واضح بالسطح و اي نقطه تقعد

يتحملها المبلط

و بعدين. وش تضايق المقاول ؟؟؟؟


عساه يتضايق و خلي زوجك يشد معاهم في كل كبيرة و صغيره

سوالف احنا واثقين بالمقاول و مدري وش. ما توكل عيش

اختي ترا الشباب ما يعرفون مصانع الخرسانه اللي عندكم عشان كذا محد يقدر يعطيك رأيه بدقه شكرا لك اخوي واسفة اني ازعجتكم ولكن كنت اظن انهم يعرفون مصنع الخرسانة على العموم مصنع الخرسانة اللي احنا صابين السقف ان شاء الله على كلام الناس المجربين يمدحونه وكان المصنع صاب خرسانات لمشاريع كبيرة وبعدين قريبي صاب من مصنع رخيص وغير معروف ووجها تعرفه ولا وجها تجهله والله الحافظ
ثانيا : اذا خايفين من تهريب الموية اعزلوا سطحكم ثم ميوووول واضح بالسطح و اي نقطه تقعد

يتحملها المبلط انا معك باذن الله بنعزل السقف ولكن هاذي المسألة يبي لها اهتمام لان انا افكر في بعدين اذا ان شاء الله جاء مطر قوي والناس نايمين في الليل وجا تهريب مافيه كهرب بيلتمس والا لا والحافظ الله مافيه حديد بيتهالك من التهريب واول مرة ادري ان التهريب ياثر على حديد السقف من اخواني المهندسيين معليش يمكنك يااخوي مافهمت كلامي قريبي حط عازل وبلط وصار تهريب انا اسئل واستنجد بعد الله باخواني المهندسين بحكم اني مااعرف للبناءوش الخطوات اللي يسوونها من اول صب السقف السطح لما التبليط والتشطيبات علشان نطبقها وابو الشباب يعرف للبناء بس مادرسه مثل اخواني المهندسين و بعدين. وش تضايق المقاول ؟؟؟؟


عساه يتضايق و خلي زوجك يشد معاهم في كل كبيرة و صغيره زوجي معاهم بعد الله

سوالف احنا واثقين بالمقاول و مدري وش. ما توكل عيش يا اخي قريبي يتدخل بشغل المقاول في اشياء كثيرة وهو ماقد بنا الا ملحق و لما اقول ان المقاول تضايق منه لان المقاول عارف شغله ويجي قريبي يقول لا تسوي كذا وبعدين يصير فيه غلط ويرجع يسويه المقاول على كلامه يعني يبني غلط ويرجع يكسر وفيه اغلاط عليه واجده وانا ماهمني المقاول كثر ماهمني البيت واساسه يجي صح .قريبي يمشي برايه مايسئل وبعدين يرجع ويقول كسروا فهمت اخوي واسفة لازعاجكم وشكرا لحسن استماعكم والله يحفظنا واياكم ونحن نعمل بالاسباب واتاكلنا على الله قبل كل شي وانا اسئل اخواني المهندسيين لانهم ذو خبرة ماشاء الله والله يجزاكم خير وارجع اكرر اسفي على ازعاجكم بس مالي الا الله ثم انتم