|
منزل للبيع بترافيان
بعض الناس هبلت فيهم تريفيان !! استمتعوا بالقصه http://www.alshrqy.com/vb/images/smilies/smile.gif طلعت من هايبر ماركت قبل شوي وانا بركب موتري الا اشوف هاك الاعلان على قزاز الهايبر ماركت بيت للبيع وقريه كامله للبيع لظروف السفر والابتعاث ؟!!! وبسعر مغري بترا فيان وحاط رقم جواله المهم وانا ادق عليه قلت غدية بيبيع ومحتاج ونستفيد كم قرش بعد ترميم البيت وجلست افكر وين هالحي فيه الي اسمه ترافيان مايهم يمكن من الاحياء الجديده وطقتها وانا الي ادق حاط صدى اغنية طلال مداح كنغمة رن (مقادير ياقلب العناء ) قلت شكله عنده ظروف قاهره والرجال غرقان لشوشته ويبي يبيع باسرع وقت وارجع ريوس واشق الاعلان قلت لاحد يشوفه ويخرب علينا البيعه ويسبقتا المهم رد مرحبا قلت السلام عليكم وعليكم السلام كيف حالك اخوي ان شاء الله تمام قال الحمدلله قلت شفت اعلانك لبيع البيت البيت جديد ولا قديم ؟ قال جديد من بدايات 2009 قلت كم سيم وحدك يالغالي قال منيب طماع وتراي سمح وانا اللي اقول بقلبي غدي الدرج مفصول ارغب له وفيه مسبح وبيت شعر ومكيفات اسبيلت والبويه فيلفت المهم قلت وش المواصفات وهو اللي يقول اخوي من جد فرصه لاتفوتك قال اسم الولد الله يسلمك قلت محمد قال هذي الموصفات يابومحمد قريتي في ترافيان وانا الي اهوجس واقول شكله مطنوخ راعي قرى وشاليهات ومتنزهات قلت الله يزيدك من نعيمه شوي ويقول عدد السكان 4077 لها 6 قرى فرعية قلت مشاء الله تبارك الله اشتراك قوي 20 على السيرفر ترتيب القرية 1250 فيها320 ذهب (قلت شكل البير الارتوازي يسمونه ذهب من زود غلاه) والمطلوب 1500 ريال يالشيخ قلت وش الي ب1500 قلت بقلبي شكله مكثر اللبن او ان البيت فيه شي وش هالسعر !! اكيد انه مهوب صاحي لا بالله 1500 اكيد مهبول ولا يحسبني باستاجر يومي وانا الي اسئله بكم ؟؟ قال 1500 وانا الي اصرخ واقول انت صادق ولا تمزح !! قال جاد يابو محمد ولولا الظروف قسم بالله ما ابيعها ؟؟؟ وانا الي اسئله الصك بسمك ؟؟ البيت عليه مشاكل ارث او غيره ؟ الحي معتمد من الامانه ؟؟؟؟؟ الخدمات واصله ؟؟ قال ياخوي انت وش فيك اي ارث واي مشاكل واي خدمات !! وهو الي يحطه على السبيكر قلت شكلي احرجته والرجال حساس قلت له والبيت وينه فيه ؟؟؟؟؟؟ قال بترافيان قلت وترافيان باي مكان ؟ قال ايش ؟ من قال ايش قلت شكلي غلطت قلت يالشيخ الله يطول بعمرك حي ترافيان وين مكانه فيه ؟ قال تستهبل انت ؟ قلت لا والله منيب استهبل اول مره اسمع بالحي ! قال اي حي ؟؟ قلت الي انت باني فيه حي الترافيان !! وهو يضحك واسمع ضحكات من حوله اثره حاطه ع السبيكر قال انت ماعندك كمبيوتر ؟ قلت الا قال ولا عمرك دخلت ترافيان؟ قلت ابد حدي منتديات الاسهم !! قال ترافيان لعبه واشتراك السيرفر33 قلت وشوووو؟ وانا الي اقطع الخط ويجلس يدقدق وانا الي مارديت عليه وارقام غريبه تدق وتاليها حسبي الله ونعم الوكيل هو الي يرسل لي رساله (( حياك الله يابو محمد على النزاله حاطين عشاء في بيتنا الجديد بترافيان)) وحاطط ههههههههههههه يضرب ترافيان وتضرب سنينها هبلت بشبابنا هالالعاب هههههههههههه وربي فشـــيله |
حلوة القصة فعلاً،،،، النت والقيم مسويه عمايلها مو على الشباب وبس خليها على الله حتى الشيبان |
هههههههههه حلوووووووووة بس اول مرة اسمع بقرية ترافيان ايه والله هالألعاب هبلت بالعالم .......على الأقل وجدوا عالم افتراضي يحققون احلامهم فيه بعيدا عن الواقعية الله يسعدك عزيزتي بشاير تحياتي دريمر |
السلام عليكم
قصه حلوه جدا انا عندي قريبي مهوووس بقرية ترافيان بس لو ابتشتري اقوله ايبيعلك ب 1000 بس هههههههههههههههههه تقبلي مروري |
هههههههههههههههههههه
والله ضحكت ضحك مو طبيعي صراحة اتخيل الموقف من الطرفين |
هههههههههههه حلوه يابشاير اكلتيها بمقلب رائع والله من اسمها وموقعها اكيد انك تخيلتيها جزيره تتوسطها بحيره واشجار ههههههههههه حماك الرحمن غاليتي لمسة فنون |
الله يسعدك بشاير اليوم في أحد الأماكن العامة بالانتظار واحد يسولف القصه هذي لرفيقه ومن باب الشيء بالشيء يذكر تحياتي |
ههههههه الله يسعدك
فيه احد مايعرف ترافيان اشغلت جيلنا الله المستعان |
بشاير حلوووووه ههههههههههههه ... رحت دوره عمل شهرين في الرياض ومعاي واحد من الزملاء ... وهذا الانسان مدمن لعبة ترفيان بماتعنيه كلمة "إدمان".. جهازه 24 ساعه شابك على النت .. ينام وهو يلعب واذا صحى من النوم أول شئ يسويه يشوف القريه ويجهز الجيش و يسوي هجوم على قريه ثانيه ..ونروح للدراسه وفي قاعة الدراسه تشوفه قلقان ويفكر !!! وش فيك !!! يقول والله مدري !!! خايف الجيش اللي ارسلته للهجوم ما يكفي أو ينهزم ..!! قلت له في قريح ..وعساهم يموتون كلهم يارب قال حرام عليك وش فيك ماتحبني !! قلت ياخي حرام عليك أنت .. لنا الحين اسبوعين مع بعض نروح ونجي وساكنيين مع بعض .. ولا عمرنا سولفنا مع بعض نص ساعه كامله .. ياخي ماصارت لعبه !!! الزبده استحى مني يومين وبعدها رجع للعبه بس مش لحاله !!! ماقصر سوى لي قريه وبيت وعلمني عليها .. وصراحه اعجبتني اللعبه خخخخخخخ وتراني أنا اللي منزل الاعلان ههههههههههههه . . . . . تحياتي للجميع . . |
| الساعة الآن 12:45 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010