تركواز

هل هذا شي صعب ولا لا
اذا صعب قوليلي
واذا ينفع بقوله للمهندس عشان يضيف على مساحة المبنى بس تتوقعين كم تطلع المساحة الإجمالية عشان زوجي لاينصدم

انا ودي أضيف 1متر للمخزن ويبقى المطبخ نفس المساحة اللي موجودة بالتصميم انا اشوف كل ما كبر المخزن أفضل

عظم الله أجرك
الفترة هاذي استغفر الله العظيم اللهم لا اعتراض رحت لعزاء 3 أشخاص غالين علينا الله يحسن خاتمتنا

طيب انا اذا قدرت اليوم في اخر الليل ارسلك تصميم الدور الاول طبعا لازم اعمل الرتوشات الاخيرة عليه .تصدقي احنا كمان طلعلنا عزاء و امس ما قدرت اروح. يا اليوم او بكره ان شالله لازم اروح .يعني لو اليوم أروح امكن ما أفضى

من اي ناحيه تبغي تضيفي 1 م .يعني انك تصغري طول المطبخ و يكون 4×4.5؟

حبيبتي الله يسعدك لابد يروح لمهندس بس بغيت منك تصميم الدور الثاني
الصالة بدون منور
وتكون المطبخ مفتوح على الصالة

طيب لو أضيف متر على المخزن كم تطلع المساحةالإجمالية عندي

طيب شوفي عزيزتي موضوع التعديل اللي طلبتيه سهل جدا لانو يتعلق بالمقاسات.أصلا انتي لازم تروحي لمهندس و يرسمه بشكل احترافي.تعطيه المخطط الثاني و تقولي غيرلي المقاسات دي على حسب رغبتي .
بالنسبه للدور الاول أنا كنت بأشتغل على تصميمين واحد منهم الصاله داخليه لكن بدون منور و الثاني المطبخ داخلي على منور .يعني لمن تقسمي الدور لشقتين حتطلع منطقة في الوسط يا تكون صاله أو مطبخ.انتي قرري أي واحد تفضليه و أنا أخططلك من جديد ان شالله.و لو تحبي المطبخ المفتوح ممكن يكون يطل على بره و الصاله تكون جوه وتهوئة الصاله و اضاءتها تكون عن طريق المطبخ المفتوح .يعني بلاش نسوي منور للصاله و يضيعلنا مساحه.اذا تقولي انا أفضل الصاله على بره و المطبخ يكون على منور و طبعا منور المطبخ ما يحتاج يكون كبير زي اللي نحتاجه للصاله

اجرنا واجرك حبيبتي
المخطط الثاني حلو وبعد التعديل صار روعه ابغى اشوف المخطط للشقق

وان استشير أحد من المنتدى والله وانا اختك ما أحد رد على إلا انتي

صباح النور عزيزتي و عايدي انا كمان بعض الاحيان باتابع من الجوال و ما اقدر أرد.و عظم الله اجركم
الحمدلله عجبك بس رأيي مو مهم قد رأيك و رأي زوجك .التاني ميزته يشبه مخططكم الأصلي شويه .اذا حابه أسألو المهندس كمان هو أخبر مني أكيد
التصميم التاني كمان يطلع منو شقتين فوق انا جربت أرسم و قدرت أطلع شي جيد

اذا حابه أسألي رأي الاخوان اللي في المنتدى كمان

صباح الخير معليش تأخرت بالرد عليك لأن كنت في عزاء

بس قبل ما أعلق حابه اشكرك من كل قلبي الله يوفقك التصميم حلو لكن انتي كخبرة أي التصميمين تفضلين
بصراحة أنا احترت لكن ن لكل واحد فيهم له مميزات