قطعت جهيزة قول كل خطيب
مهندس ماجد بارك الله فيك على التوضيح وفيت وكفيت

تجربة شخصية
اقوم بتنفيذ فيلتي حاليا وقد اسست لان يكون المقلط مشب ومجلس عربي في غير ايام المناسبات وبذلك تستفيد العائلة من المشب لقربه من البيت حيثان بعد المشب من البيت كمجلس خارجي يقلل فائدة العائلة منه

مرحبا..
أنا مع وجود المقلط بس يكون بتصميم مناسب ينفعك, يعني بالنسبة ليه أنا صممت بيتي على أساس للرجال مجلس كبير مفتوح على جلسة أرضيةوغرفةالمقلط (الطعام)مشتركة بين الرجال والحريم لها بابين بطريقه حلوه مثلا لو فيه رجال يكون العشاء فيها ولو فيه حريم أحط طاولة البوفيه فيها ... وهي غرفة كبيره ما فيها جلسه بس دولاب صغير لصحون الضيوف وينفع اذا جاء عنك ضيف تنيمه فيها ..
وطاولة الطعام الرئيسيه ما يحتاج لها غرفة الصالة بتكون مفتوحة وشوف مكان على جنب حط فيه طاولة الطعام .. في مواقع يابانيه فيها حركات زي كذا.. واتمنى فكرتي تعجب الجميع
وادعوا لي قاعديني نشطب البيت تعب بس الحمدلله ... الله يسهل على الجميع

انا الحمد لله حطيت مقلط مفوح على الصاله وماندمت طلع شكله حلو واعطى الصاله اتساع داخلي وبصري لانها مفتوحه على بعض

اعتقد ان وجود المقلط شي ضروري بالبيت
موفق اخوي

مرحبا نعم انا مع وضع المقلط
فسويت بتصميم منزلنا مقلط مستقل بالمغاسل وتصير مشتركة للرجال يعني بينها وبين المجلس باب سحب
لانة بوقتنا مستحيل تصير عزايم نسوان ورجاجيل بنفس اليوم
فهذا رأيي بالموضوع

اعتقد لابد من وجود المقلط
لكن يفترض تفعيل استخدامه
واعجبتني فكرة الباب السحاب ( اوكرديون ) لكن يجب ان يكون نوعية الباب السحاب ممتازة ليتحمل الاستخدام

السلام عليكم في الحقيقة انا لا ادري ما معني المقلط ولكن من اجابات الأخوة فهمت انها غرقة خاصة للطعام وعندنا ليس هناك غرفة خاصة للطعام نظرا لضيق الشقة

نعم ارى ضرورته الا اذ وجد البديل وارى انه يجب ان يستغل ولا يحتكر على الطعام فقط

كلام اديم في الصميم

السلام عليكم ورحمه الله اخي الكريم كما تفضل الاستاذ ماجد المحيميد وجودها شي مهم وحسب احتياج اهل البيت لوجود

أرى أنه ضروري،،
و يجب تصميمه بحيث نستخدمه طوال العام

دخلت الموضوع لأني تفاجأت من وجود اسمي في العنوان..
فهل كنتم تطلبون رأيي أم أن كلمة "الشموع" لها عدة استخدامات لديكم؟؟

اقتباس:
المشاركة الأصلية كتبت بواسطة الشموع http://www.llbf.com.sa/vb/fnoon/buttons/viewpost.gif

دخلت الموضوع لأني تفاجأت من وجود اسمي في العنوان..
فهل كنتم تطلبون رأيي أم أن كلمة "الشموع" لها عدة استخدامات لديكم؟؟

انا مع وضع المقلط

وليس شرطا حكره فقط على تقديم الطعام فيه

ولكن تتعدد استخداماته حسب الحاجة

المهم وجوده في نظري أكثر من مهم في عاداتنا
تقبل مرور ي أخي ضاري كنعان
تشكراتي ودعواتي الخالصة. محي الدين

أنا مع المقلط وأشوف إنه ضروري والأفضل يكون المجلس خارجي ويمكن إستغلال المقلط غرفه أيضا للضيوف حقين ليله أو ليلتين

أنا أؤويد وبقوة وجوده وبالأخص الناس اللى ضيوفها واجد

انا افضله ان يكون غرفه لخدمة الضيوف ويمكن استخدامه في الشتاء لجلسه شتويه ويمكن جمع كلتا الفكرتين بوضع باب سحاب له يكون متعدد الاستخدام

في نظري لابد من وجود المقلط لأني أستخدمه غرفة نوم للضيوف اللذين يرغون في النوم المبكر

نعم انا مع وجود مقلط

السلام عليكم ورحمة الله وبركاته انا عضوه جديده وهذي اول مشاركه لي معكم
انا اكثر وحده ممكن تفيدكم انا وزوجي نقيم بغير مدينتنا حبينا نعمرلنا بيت صغير يريحنا من الاجارات قال ماله داعي المقلط من هاللي بيجينا نعمرله مقلط لان الظيوف قليلين مرره وعمرنا وسكنا لنا 3سنين والله انواع الفشايل اذا جانا احد من مدينتنا
لاننا صرنا ننقل الاكل للمجلس لان المطبخ مفتوح على الصاله وصعب نقلط فيها
علشان كذا اشوفه مهم جدا جدا وممكن استغلاله بانه يكون جلسه عربيه حلوه
وما تشيل هم العزايم والازمات اللي زي كذا

انا افضل ان يكون للمقلط استخدام اخر وعندي الان وضعته مكتبه

]الاخ العزيز ضاري كنعان اشكرك على طرح هذاالموضع
انالن اتكلم عن القلط بصفةخاصه قداكون اجهل من تكلم في هذا الموضوع خصوصا اني شاهدت الردودالسابقة ولكن وجهةنضي الخاصه مع احترامي للجميع اننا اصبحنا خياليين زيادةعن الزوم اصبحنا ننساق الى كل فكرة يقال انهاجديدة وهي الموضه الى ان وصلنا الى التخلي عن بعض عاداتنا وتقاليدنا اصبحنا نرى الواجهات الزجاجيه التي ومع الاسف الشديد تكشف البيت من الداخل وبالخصوص الصالةالداخليه
ايضا اصبحنا نسمع من الكثير >ليش تحط مقلط الاستاحات واجد< مع العلم ان اغلب من يقول هذا قدعانا من عدم وجود المقلط علما ان المقلط ليس حكرا علي استضافت الضيوف
ايضا اصبحنا نشاهد البيوت المفتوحه كماهوالحال في مصر والشام انا اؤيد البيوت المفتوحه الشرحه الواسعه ولكن تحت ضوابط ديننا السمح بحيث يكون قسم الرجال مستقل عن قسم النساء بجميع مرافقه
كما احب ان انبه الاخوه الاعزاء من عدم الانجراف خلف بعض المصممين الذين هدفه الاول والاخير هو الماد على حسابك .
هذه هي وجهة نضري الخاصه واعتذر عن الاطاله[/b][/color][/b][/b][/b]

مع وجود المقلط ( غرفة طعام ) ويمكن الاستفادة منها بحيث لا تكون مقفلة تماماً
بل حسب التصميم ، وبالإمكان مقابل الصالة ووجود باب بينهما ويكون سحب ( كرديون )
مع أهمية توسيع فتحة الباب بحيث لا تقل عن مترين أو مترين ونصف أو كامل الحائط ( الجدار ) وتقبلوا تحياتي الطيبة ..

انا ارى انه مهم لأغراض كثيرة غير تقليط الضيوف في المناسبات

اشكرك على طرح مثل هذه المواضيع ليستفيد منها الاخرون

مع وجود المقلط

انا مع وجوووووود ضرووووووووووووري جدا

السلام عليكم ورحمة الله وبركاته ---بالنسبة لنا اهمية وضرورة وجوده بمخطط المنزل ولايستغنى عنة لاى سبب كان

المقلط له خصوصية عند معظم عائلات المجتمع السعودي , لكن يمكن الاستفاده منه حتى لايصبح منطقة ميته لا تستخدم إلا في المناسبات, كما ذكر ه بعض الاعضاء .

كذلك يمكن جعل أثاثه عباره عن مجلس عربي , الكل يعلم كم نشتاق نحن السعوديون للجلسات العربية , ومعظم البيت يكون أثاث أمريكي أو أوربي حديث.

من يحدد وجود المقلط من عدمه هو صاحب المنزل نفسه,,,

عاداتهم وأسلوب حياتهم كييف!! دايم معازيم ..داخل طالع على بيتهم كثير؟؟!!

فهالحال يلزمه وجود المقلط....

ألحين غالب الناس صارت تجتمع فالاستراحات وماعاد فيه عزايم فالبت على وجبات رئيسيه,,

وعن نفسي عزايمنا فالسنه حسنه...وكثير مثلي...ومن يجي شاهي وقهوة وسلام عليكم..

فاستغنينا عن المقلط وعوضناه فالصاله اللي هي مكان جلستنا كبرناها وصارت شررحه ولو بغينا نقلط قلطنا فيها وبس..

السلام عليكم

وجود صالة طعام بالمنزل ضروري جدا بشرط يكون موقعها قريب من صالة الجلوس العائلية لنستفيد منها كصالة طعام للعائلة و تكون مفتوحة بطريقة معمارية حلوه ع صالة الجلوس لتعطي لنا منظور ديكوري جميل لصالة الجلوس.

أرى الكثيييييييييييير من المنازل يوجد بها صالة طعام و لكنها مستقله و بعيدة عن صالة الجلوس و هذا الشيء اللي أعترض عليه لأن الإستفادة من صالة الطعام راح يكون محدود ع مناسبات أهل البيت فقط.

و كثير من صالات الطعام لا يوجد بها طاولة طعام و بالتالي إذا كانت قريبة من صالة الجلوس ستكون الإستفاده منها كبييييييييرة كطعام أو ألعاب أطفال أو جلسة عائلية إضافية للمنزل.

الخلاصة وجود صالة طعام ضروري بشرط أختيار الموقع المناسب للطعام ع المخطط.

تحياتي،،

انا بالنسبة لي فهو ضروري جدا فهو الغرفة المتعددة الاستخدم...
فهوغرفة معيشتنا....
مكتبة...
اكل للضيوف في حال وجود الضيوف....
نوم للضيوف...
غرفة للضوضاء التلفزيون ومكتبة الكمبيوتر....وغير هابس احس انه مهم للبيت بس بشرط مايهجر زي زمان...وسلامتكم............