شنو افضل نوع للفيشات الكهرب ؟
السلام عليكم
عندي استفسار عن افضل نوع للفيشات الكهربائيه ..؟ |
اتمنى المساعده بأسرع وقت :)
|
فيه نوع من الأفياش شكله عادي جدا ..لكنه عملي جدا..بحيث لا تحتاج إلى توصيلات ثنائية أو ثلاثية....وأنصح به أو بنوعيته..وأول ما أرجع للبيت إن شاء الله سأقوم بإنزال صوره له....بالتوفيق...
|
|
مشكور أخ تركي
|
العفو أخوي تسلم
|
اخوي تركي وش صناعة الفيش ؟؟ و ين نلقاه و سعره ؟؟؟
|
وش رايكم في أفياش باناسونيك
|
جزاك الله خيرا
|
لرفع الموضوع
|
ان شاء الله بنشتري باناسونيك بس مدري ليه اختارها زوجي مع انه قبل كان ناوي على الفا
|
انا انصحك بألفا لأنها رائعة وعملية وضمان سنوات طويلة وفية خدمة من الشركة لما تتصلين عليهم يجون يغيرون الفيش مجانا .........وباناسونيك مرة خايسة وانا ساكنة في شقة فيها هذا النوع وأغلبها طاحت من الجدار ومساميرها تخلعت..........
|
للاسف السوق فالسعوديه مليان من الافياش الصينيه الرديئه
تحتار وش تاخذ وماتدري عن جودة الصنع شي واليماني ما تاخذ بكلامه ياليت من اهل الخبره يزودونا شنو افضل الافياش بالسوق |
أم حسام
اللي نعرفهم ذموا في الفا كثير وباناسونيك معروفه لها اسمها وجودتها وسعرها غااالي مو رخيص واعتقد انضمت ل ناشيونال وصارت أقوى ان شاء الله |
الفيش يتكون من اطار ثم قاعدة ثم الغطاء الخارجي
تصنع معظمها من البلاستيك احرص على اقتناء الفيش ذو القاعدة المعدن وليس البلاستيك |
وش رأيكم بأفياش شنايدر Schneider
لقيت الرخيص منها نوع اسمه Vivace يبدأ من 7 ريال الى 17 ريال والغالي اسمه ZENcelo اغلى حبتين يبدأ من 18 ريال. اتمنى اللي عنده خبرة يفيدنا ؟ |
نسيت اقولكم !!!
توجد افياش المانية اسمها بيكر المانية عند شركة الناصر. بس كل ما سألت واحد عن سعر افياش البيكر قام يبتسم !!! وش السبب ؟ |
عزيزي السائل من واقع تجربة ولعدة فلل مالك الا افضل المفاتيح والافياش من شركة abb الالمانية
مجربة ومن واقع تجربة عدد من الاقارب والكل يمدحها وضمانها حلو اي فيش يخرب ولو بعد سنين يتم استبداله في محل جديد اذا انت بالرياض بطريق الملك عبد العزيز عند الكبري الجديد باتجاه الجنوب اسمه لولو لايت ويقول عندهم عروض من المصنع |
انحش عن الفا الصناعه السعوديه
صح ان الضمان حقها روعه من يخرب اي فيش تكلمهم على الرقم المجاني ويجونك يغيرونها على طول من دون فاتوره ولا شي بس انها دائما تخرب نصيحه مجرب شخصيا انحش عنها |
المتعارف عليه افياش ومفاتيح الفا وفيه شكل كلاسيك وفيه ميرا شكله جميل واسعاره جيده
بانسوينك اغلى وفيه منها تايلندي مايصلح |
افياش كهرب
انا كنت ناوية اشتري بيركر بس لما رحت لمحل ارمادا اللي في التخصصي شفت ماركة المانية اسمها جيرا بس اشكالها خياااااال ذهبي مع بيج وذهبي مع اسود سعرها غاااالي مرة مافي مقارنة مع غيرها بس اعجبتني مرة مين جربها او سمع عنها لأن ودي آخذها
|
يعني محد جربها ولا سمعتوا عنها
|
كل عام والجميع بخير
انا حاليا في مرحلة شراء الافياش وهي ما تسبب لي بعض التأخير نظرا للحيرة في اختيار الأجود ذو الأشكال والألوان المتعددة والتي تتناسب مع ديكورات المنزل وألوان الجدران. حسب مسئول الكهرباء لدى المقاول الرئيس (شركة مقاولات كبيره ومعروفة ومشرف الكهرباء يعمل في الخبر لأكثر من 25 سنه) للمنزل فالأفضل بيركر يليه ألف يليه باناسونيك. حسب رأي صديق يعمل في تجارة الكهرباء لأكثر من 20 سنه فالأفضل هو بيركر يليه باناسونيك وينصح بالابتعاد عن ألف حيث كثرة الشكاوى مؤخرا من دخول قلب الفيش إلى داخل الجدار بعد فتره من الاستخدام. انا اشتريت عينات من شركات أخرى انجليزية وألمانيه وطلبت من الكهربائي تجربتها ألأنه اكد لي مره أخرى أن الأنواع التي ذكرها سابقا افضل لسبب بسيط جداً وهو أن قلب الفيش من البلاستيك وليس المعدن وهو ما قد يؤدي إلى احتراقها عند ارتفاع حرارة الفيش بخلاف المعدن. بعد البحث والسؤال يبدو لي انا بيركر هو الأجود والاغلى وألف هو الأجمل. واقل تكلفه لم ابحث بعد عن باناسونيك. المهم أني لازلت محتار وأفكر في البحث في أسواق أخرى. أرفق لكم صور لبعض أفياش بيركر (BERKER) صوره من كتالوج ألف (alf). والله الموفق. |
1 مرفق
أرفق لكم صور لبعض أفياش بيركر (BERKER) صوره من كتالوج ألف (alf).
|
يا جماعة وعن تجربة من انضف وافضل الانواع الموجودة بالسوق شركة اسمها شنايدر في عندها الرخيص وبجودة عالية وعندها الديكورات
حتى في مفاتيح مصنوعة من خشب ونحاس انا شخصيا انصح فيها |
الفا خربان والناس في المحلات كتير يشتكون منو والموديل صار قديم مرررة
|
بعد البحث والسؤال انا اشتريت ارمادا
|
السلام عليكم
يااخوان من باب تجربة انا شريت افياش اسمها امنية من شركة الفنار اللي هي نفسها الفا حبة عريضه مرره شكلها حلوو ومضمونه لها عندي فترة صار عندي مشكله باحد مفاتيح المكيفات كلمت الشركه ما قصرو بصراحه يمكن ما اخذ ساعتين ولاهم مغيريين الفيش اللي خربان انا بصراحه ما كنت متوقع الخدمه حقتهم سريعه بها الشكل لاني ضمانات الشركات عندنا ما هي ولابد هي سعرها شوي فوق الوسط بس زينه واهم شي انها شركه محليه عندنا ما يقولك مافيه وفيه كل شي عندهم وخدمتهم مرره سريعه وعندهم فنيين فلبينيين مررره طيبين قال ما تخاف اي شي يحصل خذ ضمان مكتوب من عندنا 25 سنه على كل منتجاتنا بصراحه هل الشي ريحني كثير واخوي جالس يشطب الحين بصراحه نصحته فيها زينه ومضمونه |
عندي خوي لي مركب علب الناصر والحين توهق لازم يركب الافياش حقتهم والمشكله المفاتيح الثانيه ما تركب عنده ما في إلا افياشهم تركب عليها ومررره غاليه
ارمادا هيا حقتهم بعد ما اقول فيها شي بس مررره غاليه وفيه بديل محلي زين ومضمون وارخص منهم وافياش الفنار اللي انا ركبتها مرره قريبه لها حبه عريضه وبثلث سعرها |
والله زدتونا حيره
كل واحد يمدح له نوع |
انا محتار بين مفاتيح وافياش
(الفا وانواعها الجديده سيرا وميرا ) و( بانسونيك التايلنديه) وش الافضل للي مجربينها لاني باخذ كمية كبيره ؟ ارجوا الرد |
اقتباس:
الشركة تميزت فقط بقدرتها على استغلال سلوك المستهلك السعودي في تسويق منتجاتها للأسف . |
الافياش مهمة جدا لانك تجدها بكل ركن وجدار بالبيت وعلى فكرة سعرها غير مكلف بالمجمل
انا مرة دخلت بيت فيلا جديدة وراعيها متكلف لكن الافياش اللي مركبها من النوع الرخيص والرديء صيني ومشوه المنظر وملفتة للنظر الان فيه نوعيات جيدة نوع غالي مثل بيركر ويستاهل وحتى المتوسط من باناسونيك وليجراند يعتبر شكله حلو وموبطال |
الساعة الآن 03:55 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010