|
الله لا يوفق هالهندي ودي افلق راسه ...
السلام عليكم ورحمة الله وبركاته والله لو اشوف هالهندي الي عمل لياسة الفيلا الخاصة بي بفلق راسه بالياسه حقته إلى كأنها بلك :mad: أولا المفروض احنا في مرحلة التشطيبات عندي عمال يبلطون الأرضي وعمال يأسسون الدور الأول دهانات قال لي عامل الدهانات ان الشلوخ كأنها رمل تتفتت معاه :eek: ولذالك سوف اوقف العمال عن العمل والسبب الهندي الخايس إلي عمل اللياسة صارت بعض الجدران تتفتت كأنها رمل وين الأسمنت الي كنا نشتريه بالمئات اكيد اسرقه وكثر الرمل في المونه جينا نشوف عند الشبابيك عليها شلوخ كثيرة وعميقه ولما اخذنا انا وزوجي المطرقه لكسر اول قعدة لنافذة شفنا طبقات من اللياسة تتعدى 3 سم وتطلع صوت عند الضرب عليها كأن هواء تحت اللياسه ما اطول عليكم راح نكسر اغلب قعدات الشبابيك ونعيد اللياسة :mad: وغير بعض الجدران ونوقف عمال الدهانات يافرحة ما تمت شوفوا صيد كاميرتي http://www.llbf.com.sa/uploads/uploa...3195444561.jpg |
|
|
ودي احط اسمه ورقمه حسبي الي الله ونعم الوكيل
الله لا يوفقه خذ فلوس بالهبل والشغل غش والله حرام ياريت اشوفه وابرد حرتي فيه تحياتيـــــــــــــــــــــــ أم فلوحي |
حسبي الله ونعم الوكيل فيه والله شي يعور القلب الناس تبي تخلص من هم البنيان وتسكن وترتاح يطلع لها هم ثاني الله يعينك حبيبتي وبجد هالهندي شويه عليه تفلقين راسه |
هلا بك أستاذتنا أم فلوحي الشكوى لله يا طويلة العمر والحمد لله أن هالأمر أتضح الآن وقبل مباشرة أعمال الدهانات يجب أولاً التأكد من سلامة اللياسة للمبنى كاملاً من السطح إلى الدور الأرضي كاملاً خلال هذه المرحلة ليتم إصلاح المناطق المتضررة وبعدها يتم مباشرة أعمال الدهانات والقلب مطمن كيف نعالج اللياسة؟؟ يتم قص الأجزاء المطبلة واللي تكون فيها انفكاك اللياسة عن الجدار باستخدام الصاروخ وليس التكسير مباشرة بالمطرقة لأجل حصر مكان التكسير وعدم التأثير على الأجزاء السليمة بالجدار بعد ذلك يتم تكسير اللياسة وغسل المنطقة بالماء وتركيب شبك لياسة وتثبيته جيداً ومن ثم عمل الطرطشة مع ضرورة إضافة مواد كيميائية تساعد على قوة التصاق اللياسة بالجدار يتم رش الطرطشة بالماء لمدة أربعة أيام بعد يجري تنفيذ اللياسة بالتوفيق |
أهلين أم فلوحي،
هنا يأتي الهدف من إستلام أعمال التشطيبات على مراحل أول بأول، و هذا اللي صار معاااك أم فلوحي ( الله يعوضك خيير )، حاولي يكون كشف أخطاء المقاولين لإي عمل من خلال إستلام الأعمال على مراحل، حتى يتم كشف الخطأ و هو في بداياته و ليس بنهاينه. هذا ما أحببت إضافته. تحياتي دودي خالد |
الله يكون بالعون ام فلوحي
جد شئ يقهر والله حسبي الله عليهم |
جزاكم الله خير الله يعطينا الصبر على هالعمال بالنسبة للياسة طلبنا من معلم لياسة يدور بالبيت بالحجر الخاص بتنظيف الجدران واي شي مطبل راح يزال ويعيد لياسته الله يعين كان ما تزال كل لياسة البيت :mad: الهندي أخذ 45 الف شغل يد فقط على اللياسة وغير المواد إلي كانت علينا وبالأخير هذا الشغل الردئ |
طيب يا ام فلوحي وين المليص ؟؟
ليش ماجبتوه يشوف شغله انا الحين لاحظت واحد من جدران المطبخ عندي بين الشباك والباب لاحظت ماسوولي عزل بالفلين والسبب اني شفت بلك 20 وجنبها مباشره نصف بلك فصار الجدار عرض 30 ولكن وين الفلين وعاملين عليها اسمنت ولا اعلم السبب وقلت شكل البناء نصاب المفروض ندقق بشغله اول باول |
| الساعة الآن 08:34 PM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010