اخطاء من منزلي ............
 

هذي يا بنات بعض الاخطاء الي واجهتنا بعضها يتصلح وبعضها ما لها حل . قبل عمل اي شي نصيحه فكرو زين وشاورو اهل الخبره لا تصيرون زينا مسوين فاهمين وهذا بيت العمر خساره شقى سنين بس يا الله عفوك ومعافاتك ومن ها الاخطاء ما يلي ........................
http://im19.gulfup.com/2012-02-06/1328561889251.jpg
http://im19.gulfup.com/2012-02-06/1328561893142.jpg
http://im19.gulfup.com/2012-02-06/1328561896403.jpg

الصوره الاولى شوفو الغلط وين . مكان التكييف المفروض ان له فتحه خاصه فوق هذا الشباك لان هذا الشباك مقفل اصلا مجرد اضاءه للدرج غلطه وندمنا عليها .............
ثانيا الصوره الثانيه شوفو هذا مدخل التكييف مارا با المقلط الى الصاله وهذي الكوع للدكت التكييف تعبت ابي ديكور او حل له مالقيت وندمت اني حطيت دكت اصلا يا ليتني اكتفيت با السبيلت وبس
الصوره الثالثه دكت نازل من السطح وغطى الشبابيك وماله حل لانه مفصل تفصيل ومثبت بمكانه بس قلت بكبفه خلاص تعبنا لان هي شبابيك دورات المياه وصار الحمام مظلم شويه احيانا المكان يجبرك

استنو علي بنات ابكمل البلاوي الباقيه لاتردون حتى انتهاء التحميل

http://im19.gulfup.com/2012-02-07/1328564075481.jpg
وهذي يا بنات حطيناها فوق الباب ولا فصلنا لها قرميد او حاجه ثانيه فاصبحت رف لتجمع الاوساخ والقذرات
http://im19.gulfup.com/2012-02-07/1328564077272.jpg
وهذا باب المطبخ الخارجي بس صغرنا عرض الباب وغلطنا ليتنا كبرناها وصار الباب لازم يفتح على برا وغطى شباك المطبخ وعطاك منظر غلط وسيء ولو خلينا الباب يفتح على جواء ما نقدر اندخل الثلاجه والفريزر

http://im11.gulfup.com/2012-02-07/1328564647581.jpg
هذي يا بنات افياش المطبخ الخارجي ما انتبهنى للعامل وركبها نازله مره يعني كيف بيكون دولاب المطبخ اكيد بتتغطى الافياش جواء ما ادري وش الحل
http://im11.gulfup.com/2012-02-07/1328564649682.jpg
وهذا بنات مدخل المطبخ الخارجي له بابين وهذا خليته اقرب لملحق الخارجي المشب اقرب من الدوران على الفله بس ندمت اني صغرته الواحد لو يصير معه صينيه ما يقدر يعدي منها خخخخخ بيت نمل حشى

بنات ادعو لي با التساهيل ساعه احمل الصور لعيونكم اخاف يصير لكم مثلي

يا حبوبات الله يسهل عليكم دايم ادعو ربكم ان ها البيوت تكون لنا عونا على طاعته وذكره وشكره وحسن عبادته وادعي وقولي اللهم اسكنى مساكن الصالحين وابعد عنا عيون الحاقدين الحاسدين واجعنا فيه من القانعين
بنات نصيحه من اخت محبه اذا جاكم احد مهب لازم تدورون البيت يشوفون كل شي الناس والله ما تعطي خير حتى الي الله منعم عليهم . لاتقولون متشائمه بس للاسف هذا الي واجهني من اقرب القريبين لي . وش يدريهم ان ها البيت شقى عمرك انتى وزوجك يحسبونه جايك با الساهل .حافظو على وردكم والله خير حافظ وهو ارحم الراحمين

مشكورة عمرى ع النصائح وبحطها بعين الاعتبار

واتمنى من البنات يحطون نصائحهم علشان نستفيد ومانقع فيها

فى ميزان حسناتك يارب

ومثل ماقالت حلم مافى بيت يخلو من الاخطاء

وان شاء الله تسكنينه وانتى بصحه وسلامه يارب موفقه